नशीबच फुटकं त्याला काय करणार! तरुणींची मदत करायला गेला अन् होत्याच नव्हतं करून बसला, Video Viral

अंगात नाही करणी आणि म्हणे स्वतःला तरणी! तरुणाची मदत मुलींना चांगलीच महागात पडली. पाहून तुम्हीही डोक्याला लावाल हाथ. घटनेचा व्हिडिओ सध्या व्हायरल झाला असून यात नेमकं काय घडलं ते एकदा पाहाच

एखाद्याला मदत करणे ही फार चांगली गोष्ट आहे. आपल्याला लहानपणापासूनच इतरांना सहकार्य करण्याचा, मदत करण्याचा सल्ला दिला जातो. मात्र बऱ्याचदा आपण मदत करायला किंवा काही काम करायला गेलो की नको ते घडून बसते. असे झाले की, बहुतेक लोक आपल्या नशिबाला जबाबदार ठरवतात. सध्याच्या व्हायरल व्हिडिओमध्येही असेच काहीसे घडल्याचे दिसून आले आहे. यात एक तरुण दोन महिलांची मदत करायला जातो पण घडते काही भलतेच. ही मदत त्याला चांगलीच महागात पडते. व्हिडीओत नेमकं काय घडलं? चला जाणून घेऊयात.

सोशल मीडियावर अनेक प्रकारचे व्हिडिओ व्हायरल होत असतात. यात काही अपघातासंबंधित व्हिडिओ असतात तर काही थरारक स्टंट्सचे व्हिडिओ यात सामील असतात. मात्र सध्या एका अजब प्रकारचा व्हिडिओ सोशल मीडियावर व्हायरल झाला आहे. यातील दृश्ये आणि तरुणाचे नशीब बघून तुम्हीही डोक्याला हाथ लावाल. यात तरुणींची स्कुटी रस्त्यावर उलटी पडल्याने एक तरुण त्यांना मदत करायला जाताना दिसून येतो. मात्र घडते काही भलतेच, तरुण जातो तर तरुणींची मदत करण्यासाठी मात्र मदत न करता तो त्यांची चिंता आणखीनच वाढवून येतो.

ते ओरडत राहिले पण…! ट्रकखाली अडकलेल्या दोघांना 500 मीटरपर्यंत ओढत राहिला ड्रायव्हर, थरारक घटनेचा Video Viral

काय आहे व्हिडिओत?

व्हायरल व्हिडीओमध्ये तुम्ही नीट पाहिले तर यात दिसते की, दोन तरुणी स्कुटीवरून येत आहेत. यावेळी अचानक त्यांचा तोल ढासळतो आणि या तरुणी स्कुटी घेऊन रस्त्याच्या कडेला पडतात. त्यानंतर त्या जागेवरून उठतात. त्यांची स्कुटी यावेळी जमिनीवर पडलेली असते. त्या काही करतील तितक्यात तिथे एक तरुण पळत येतो आणि त्यांची मदत करण्याच्या उद्देशाने स्कुटी उचलण्याचा प्रयत्न करू लागतो. तरुण स्कुटी उचलतो पण चुकून त्याचा हात एक्सीलेटरवर पडतो ज्यामुळे स्कुटी नदीच्या दिशेने पुढे जाऊ लागते. यानंतर हा तरुण स्कुटी घेऊन नदीत पडतो. स्कुटी उचलण्यासाठी आलेला हा तरुण थेट तरुणींची स्कुटी पाण्यातच फेकून टाकतो. याचा व्हिडिओ सध्या सोशल मीडियावर वेगाने व्हायरल होत असून लोक या व्हिडिओची फार मजा घेत आहेत.

See more

तुझा बाप आहे मी! सिंहाचं पिल्लू देत होतं वडिलांना त्रास, तितक्यात सिंहाने केलं असं… Video Viral

या सर्व प्रकारचा व्हिडिओ @yogeshkamble27 नावाच्या इंस्टाग्राम अकाऊंटवरून शेअर करण्यात आला आहे. व्हिडिओमध्ये, ‘भाऊला परत कुणाची मदत करायची इच्छाच होणार नाही. भाऊ मदत करायला गेला होता’ असे लिहिण्यात आले आहे. व्हिडिओला अनेकांनी पाहिले असून बऱ्याच लोकांनी यावर कमेंट्स करत या घटनेवर आपल्या प्रतिक्रिया व्यक्त केल्या आहेत. एका युजरने लिहिले आहे, “टेन्शन नका घेऊ भाऊ गाडीला अघोळ घालायला गेला” तर दुसऱ्या युजरने लिहिले आहे, “मिशन यशस्वीरित्या अयशस्वी”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत योग्य नाही वा आमचा कोणताही दावा नाही.