तोंडाने काढला गाडीचा आवाज अन् बनला ड्रायव्हिंग लायसन्स! अफगाणीस्तानच्या ड्रायव्हिंग टेस्टचा Video Viral

अफगाणिस्तानमधील ड्रायव्हिंग टेस्टचा एक थक्क करणारा व्हिडीओ सोशल मीडियावर तुफान व्हायरल होत आहे, ज्यामध्ये प्रत्यक्ष गाडी न चालवता केवळ तोंडाने इंजिन आणि हॉर्नचा आवाज काढून लायसन्स मिळवले जात आहे. तालिबानच्या राजवटीत तिथल्या वाहतूक व्यवस्थेची आणि ड्रायव्हिंग चाचण्यांची झालेली दुर्दशा या घटनेमुळे समोर आली आहे.

• प्रत्यक्ष गाडी न चालवता केवळ तोंडाने इंजिन आणि हॉर्नचा आवाज काढून ड्रायव्हिंग टेस्ट दिली जात आहे.
• तालिबान राजवटीत ६०% पेक्षा जास्त चालक बिना चाचणी किंवा लाच देऊन सहज लायसन्स मिळवत आहेत.
• पुरुषांना लायसन्स सहज मिळत असताना महिलांवर मात्र गाडी चालवण्यावर पूर्णपणे बंदी आहे.

रस्त्यावर गाडी चालवण्याआधी त्याचे लायसंस मिळवणे फार महत्त्वाचे असते. फक्त भारतातच नाही तर इतर देशांतही गाडी चालवण्यासाठी ऑफीशियल लायसंस म्हणजेच परवान्याची गरज लागते. यासाठी एक टेस्ट द्यावी लागते. ड्राईव्ह लायसंसची टेस्ट काहीशी कठीण मानली जाते पण अलिकडे समोर आलेल्या व्हिडिओत मात्र भलताच प्रकार घडताना दिसून आला.

भोलेनाथासाठी भक्तीची पराकाष्ठा! लोखंडी खिळ्यांवर झोपून कावड यात्रा करणाऱ्या भक्ताचा Video Viral

व्हिडिओ अफगाणीस्तानचा असल्याचे समोर येत असून यात घेतलेली ड्रायव्हिंग टेस्ट पाहून अनेकांचे डाळे विस्फारले आहे. भारतात ड्रायव्हिंग लायसंससाठी गाडी चालवून दाखवावी लागते तसेच काॅम्प्यूटरवर एक परिक्षाही द्यावी लागते. अफगाणीस्तानमध्ये मात्र तोंडातील एक आवाजानेच ड्रायव्हिंग लायसन्स हाती लागतो. याचा व्हिडिओ सध्या सोशल मिडियावर शेअर करण्यात आला आहे ज्यातील दृष्ये पाहून अनेकजण अवाक् झाले. चला या व्हिडिओविषयी सविस्तर जाणून घेऊया.

काय दिसलं व्हिडिओत?

व्हायरल होत असलेल्या व्हिडिओमध्ये परिक्षा हाॅलमध्ये व्यक्तीला समोर गाडी आहे असं भासवत प्रात्याक्षिक करायला सांगितले जाते. इतकंच नाही हार्नचा आवाज देखील तो तोंडाने काढून दाखवतो. अशी अनोखी लायसन्स टेस्ट पाहून यूजर्स थक्क झाले आहेत. तपास अहवालांनुसार, अफगाणिस्तानच्या रस्त्यांवरील ६० टक्क्यांहून अधिक वाहनचालकांनी वाहन चालवण्याची अधिकृत आणि पद्धतशीर चाचणी उत्तीर्ण केलेली नाही. अनेकदा लाच देऊन किंवा वैध परवान्याशिवायच वाहन ते रस्त्यावर वाहन चालवतात.

See more

Perseid Meteor Shower 2026: आकाशात होणार उल्कांचा वर्षाव! तासाभरात दिसणार तब्बल १०० उल्का, जाणून घ्या तारीख

समोर आलेल्या वृत्तानुसार, तालिबान शासनानंतर अफगाणीनास्तमधील अनेक परिसरात ट्रॅफिक नियमांना फार शिथिल करण्यात आले आहे. परिस्थिती अशी झालीये की, आता प्रॅक्टीकल एग्झाम न घेताच फक्त लाच देऊन देखील सहजपणे ड्रायव्हिंग लायसंस मिळवला जातो. याची दुसरी कटू बाजू म्हणजे पुरुषांना जितका सहज लायसंस पुरवला जातो महिलांना तितक्याच कठोर निर्बंधांचा सामना करावा लागतो. तालिबान सत्तेवर आल्यापासून अफगाणीस्तानात महिलांना गाडी चालवण्यासाठी जवळपास बंदी घालण्यात आली आहे. हा व्हिडिओ अफगाणिस्तानातील वाहतूक व्यवस्था आणि प्रशासनाच्या कार्यपद्धतीवर गंभीर प्रश्न उपस्थित करतो.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.