Vadodara Pani Puri Video Goes Viral on Social Media
गुजरातमधील वडोदरामध्ये Vadodara Viral Video नुकतीच एक अजब घटना घडली असून व्हिडिओ सध्या सोशल मीडियावर वेगाने व्हायरल होत आहे. ही घटना एका साध्या पाणीपुरीवरून सुरू झाली आणि शेवटी रस्त्यावर मोठा गोंधळ उडाला.
एका महिलेला पाणीपुरी खायची होती. पाणीपुरी विक्रेत्याने तिला आधीच सांगितले होते की फक्त २० रुपयांत सहा पाणीपुरी मिळतील. महिलेलाही ही गोष्ट मान्य झाली. पण जेव्हा ती प्रत्यक्ष पाणीपुरी खायला आली, तेव्हा विक्रेत्याने तिला सहा ऐवजी फक्त चारच पाणीपुरी दिल्या. या गोष्टीमुळे महिला संतापली आणि तिने थेट विक्रेत्याशी वाद घालायला सुरुवात केली.
वाद इतका वाढला की रस्त्यावर मोठा जमाव जमा झाला. पाणीपुरीच्या छोट्याशा वाटणाऱ्या या प्रकरणाने पाहता पाहता प्रचंड रंग घेतला. उपस्थित लोकांपैकी काहींनी हा संपूर्ण प्रकार मोबाईलमध्ये रेकॉर्ड करून सोशल मीडियावर शेअर केला. काही तासांतच तो व्हिडिओ फेसबुक, इंस्टाग्राम आणि व्हॉट्सअॅपवर वेगाने पसरला.
A woman went to have panipuri but was served 4 instead of 6 for ₹20.
She objected, sat down on the road in protest, and even broke into tears.
The twist? Kudos to Vadodara Police for stepping in and resolving this pani-filled crisis swiftly!pic.twitter.com/37DYZAOMkd
— Kumar Manish (@kumarmanish9) September 19, 2025
या व्हिडिओमध्ये महिला जोरजोरात ओरडताना आणि विक्रेत्याशी भांडताना दिसत आहे. आसपास उभे असलेले लोक ही मजा घेताना दिसले. काहींनी मात्र महिलेला शांत करण्याचाही प्रयत्न केला. पण पाणीपुरीच्या दोन तुकड्यांवरून एवढा गोंधळ उडाल्याने अनेक जण आश्चर्यचकित झाले.
सध्या हा व्हिडिओ इंटरनेटवर व्हायरल होत असून लोक विविध प्रकारच्या प्रतिक्रिया देत आहेत. काहींना ही घटना मजेशीर वाटत आहे तर काहींनी अशा छोट्या गोष्टींवरून रस्त्यावर गोंधळ घालणं अयोग्य असल्याचं मत व्यक्त केलं आहे.
या घटनेवरून एक गोष्ट नक्की समोर आली आहे की सोशल मीडियाच्या युगात अगदी किरकोळ गोष्टीदेखील चर्चेचा विषय ठरू शकतात. पाणीपुरीसारख्या छोट्या खाद्यपदार्थावरून झालेला वाद आता लोकांसाठी मनोरंजनाचा भाग बनला आहे.
