गुरुवार, 12 नोव्हेंबर 2026
मध्यरात्री मुली नेमकं काय मागवतात? डिलिव्हरी बॉयने केला खुलासा; 'बेल मत बजाना प्लीज' म्हणत व्हिडीओ व्हायरल!
या व्हिडीओमध्ये डिलिव्हरी बॉयने मध्यरात्री ऑनलाइन ऑर्डर देणाऱ्या तरुणींच्या काही खास सवयींचा मजेशीर अंदाजात खुलासा केला आहे. त्याच्या या व्हिडीओची सोशल मीडियावर जोरदार चर्चा सुरू आहे.
इन्स्टाग्रामवरील @the_deliveryboy81 या अकाउंटवर हा व्हिडीओ शेअर करण्यात आला आहे. व्हिडीओमध्ये संबंधित तरुण स्वतःला डिलिव्हरी एजंट असल्याचे सांगतो. मध्यरात्रीच्या वेळी सर्वाधिक ऑर्डर कोणाकडून येतात, याबाबत तो आपला अनुभव मजेशीर पद्धतीने सांगतो. त्याच्या म्हणण्यानुसार, रात्री उशिरा सर्वाधिक ऑर्डर तरुणींकडून येतात. विशेष म्हणजे, ऑर्डर देताना त्यांच्याकडून काही खास सूचनाही दिल्या जातात. या सूचना ऐकल्यानंतर अनेकांना हसू आवरणे कठीण होत आहे.
या व्हिडीओमधील सर्वात मजेशीर भाग म्हणजे तरुणींकडून दिली जाणारी एक खास सूचना. डिलिव्हरी बॉयच्या म्हणण्यानुसार, एखाद्या तरुणीची ऑर्डर स्वीकारल्यानंतर लगेच त्याला मेसेज किंवा सूचना मिळते. ‘भैय्या, जेव्हा तुम्ही सोसायटीमध्ये याल तेव्हा मला फोन करा; पण घराची बेल वाजवू नका,’ अशी विनंती केली जाते. घरातील इतर सदस्यांना आपण मध्यरात्री काहीतरी ऑनलाइन मागवले आहे, हे कळू नये म्हणून ही खबरदारी घेतली जात असल्याचे तो मजेशीर अंदाजात सांगतो. विशेष म्हणजे, ही काही एखाद्या एकाच ग्राहकाची सूचना नसून अशा प्रकारची विनंती वारंवार केली जाते, असेही त्याने म्हटले आहे. प्रत्येक दुसऱ्या ऑर्डरमध्ये अशी सूचना मिळत असल्याचा त्याचा दावा आहे.
View this post on Instagram
मध्यरात्री ऑनलाइन फूड ऑर्डर देण्याची सवय, घरच्यांना न कळता पदार्थ मागवण्याची युक्ती आणि डिलिव्हरी बॉयला दिल्या जाणाऱ्या सूचना यामुळे हा व्हिडीओ नेटकऱ्यांच्या पसंतीस उतरला आहे. डिलिव्हरी एजंटच्या रोजच्या कामातील अशा मजेशीर अनुभवांमुळे ग्राहकांच्या वेगवेगळ्या सवयीही समोर येत आहेत. त्यामुळे हा व्हिडीओ सोशल मीडियावर चर्चेचा विषय ठरत आहे.
Ans: मध्यरात्री ऑनलाइन फूड ऑर्डर देणाऱ्या तरुणींच्या खास सूचनांबाबत एका डिलिव्हरी बॉयने बनवलेला मजेशीर व्हिडीओ व्हायरल होत आहे.
Ans: 'सोसायटीत आल्यानंतर फोन करा, पण घराची बेल वाजवू नका,' अशी सूचना अनेक तरुणी देत असल्याचे या डिलिव्हरी बॉयने व्हिडीओमध्ये सांगितले आहे.
Ans: हा व्हिडीओ @the_deliveryboy81 या इन्स्टाग्राम अकाउंटवर शेअर करण्यात आला आहे.
