‘त्या’ फोटोमुळे CISF जवानावर कारवाई! (फोटो सौजन्य- सोशलमीडिया)
Delhi Metro CCTV Controversy: दिल्ली मेट्रोमध्ये घडलेल्या एका प्रकारामुळे महिला प्रवाशांच्या सुरक्षेचा मुद्दा पुन्हा चर्चेत आला आहे. मेट्रोच्या डब्यात एका महिला प्रवाशाचे तिच्या परवानगीशिवाय मोबाईलमध्ये फोटो काढल्याचा आरोप केंद्रीय औद्योगिक सुरक्षा दलातील (सीआयएसएफ) एका जवानावर करण्यात आला. या घटनेचा व्हिडिओ सोशल मीडियावर समोर आल्यानंतर प्रकरणाला मोठे वळण मिळाले. सीआयएसएफनेही या घटनेची गंभीर दखल घेत संबंधित जवानाला निलंबित केले आहे.
मिळालेल्या माहितीनुसार, हा प्रकार दिल्ली मेट्रोच्या एम्स स्थानकाच्या परिसरात रात्रीच्या वेळी घडला. एक तरुणी मेट्रोमधून प्रवास करत असताना तिच्यासमोर एक सीआयएसएफ जवान उभा होता. काही वेळाने त्या जवानाच्या हातातील मोबाईलकडे तिचे लक्ष गेले. तो आपल्या मोबाईलच्या कॅमेऱ्याने तिचे फोटो घेत असल्याचा तिला संशय आला. Video Viral
तरुणीने घाबरून शांत बसण्याऐवजी थेट जवानाला याबाबत विचारले. सुरुवातीला त्याने फोटो काढल्याचा आरोप नाकारला. मात्र, तरुणीने आपला मुद्दा सोडला नाही. तिचा आवाज ऐकून डब्यातील इतर प्रवाशांनीही परिस्थिती समजून घेण्याचा प्रयत्न केला. काही प्रवाशांनी जवानाकडे मोबाईल तपासण्याची मागणी केली.
A woman accused a CISF personnel of secretly photographing her at a metro station. He denied it, but her photo was allegedly found in his gallery. https://t.co/VUclS8b1Kj — Ghar Ke Kalesh (@gharkekalesh) August 16, 2026
यानंतर जवानाने मोबाईलमधील गॅलरी उघडल्याचे सांगितले जाते. त्यावेळी त्यात संबंधित तरुणीचे फोटो आढळल्याचा दावा करण्यात आला. त्यामुळे डब्यातील वातावरण अचानक तापले. अनेक प्रवासी तरुणीच्या बाजूने उभे राहिले आणि जवानाला या प्रकाराबद्दल जाब विचारू लागले.
या घटनेनंतर आणखी एक गंभीर दावा समोर आला. काही प्रवाशांनी जवानाने आपले शस्त्र बाहेर काढून त्यांच्याकडे रोखल्याचे सांगितले. त्यामुळे काही काळ डब्यात भीतीचे वातावरण निर्माण झाल्याचेही सांगण्यात आले. मात्र, या दाव्याबाबत दिल्ली मेट्रो पोलिसांनी वेगळी माहिती दिली आहे. पोलिसांच्या म्हणण्यानुसार, जवानाने पिस्तूल प्रवाशांवर रोखल्याचे आरोप खरे नसून असा प्रकार झाल्याचे आढळलेले नाही.
गोंधळ वाढल्यानंतर जवानाने मेट्रोच्या डब्यातून बाहेर जाण्याचा प्रयत्न केल्याचेही समोर आले. प्रवाशांनी त्याला थांबवण्याचा प्रयत्न केला. यावेळी काही काळ धक्काबुक्की झाली. संपूर्ण प्रकाराचा व्हिडिओ कोणीतरी मोबाईलमध्ये रेकॉर्ड केला आणि नंतर तो सोशल मीडियावर मोठ्या प्रमाणात पसरला.
या प्रकरणाची माहिती पोलिसांना रात्री सुमारे १२ वाजून ४० मिनिटांनी मिळाली. त्यानंतर पोलीस घटनास्थळी पोहोचले. मात्र, संबंधित तरुणीने पोलिसांकडे औपचारिक तक्रार दाखल केली नाही. तरीही व्हिडिओ समोर आल्यानंतर सीआयएसएफच्या वरिष्ठ अधिकाऱ्यांनी स्वतःहून या प्रकरणाकडे गांभीर्याने पाहिले. सीआयएसएफने संबंधित जवानाला तातडीने निलंबित केले असून त्याच्याविरोधात विभागीय चौकशी सुरू करण्यात आली आहे. चौकशीत नेमका प्रकार काय घडला, मोबाईलमध्ये फोटो कसे आले आणि घटनेच्या वेळी जवानाचे वर्तन कसे होते, याचा तपास केला जाणार आहे.
मासे पकडायला गेला अन् चेहऱ्यावर चिकटला ऑक्टोपस; सुटका करताना मच्छिमाराची धांदल; Video Viral
.png "Videos"){kind=small}
