हेच बघायचं राहिलं होत… भगवान रामाच्या रूपात मोदींचा पुतळा? आरतीनंतर झाली ‘मोदी चालीसा’, Video Viral

दिल्लीतील प्रेस क्लबमध्ये पंतप्रधान नरेंद्र मोदींच्या कटआउटची भगवान रामाच्या रूपात पूजा करण्यात आली. या घटनेचा व्हिडिओ सध्या चांगलाच चर्चेत असून प्रेस क्लबने संबंधित कार्यक्रमाबाबत स्पष्टीकरण दिले आहे.

• रामाच्या रूपातील मोदींच्या कटआउटची आरती केल्याचा दावा
• ‘मोदी चालीसा’ अन् ‘जय जय मोदी’च्या घोषणा
• व्हायरल व्हिडिओवर सोशल मीडियावर संमिश्र प्रतिक्रिया

सोशल मिडियावर दररोज अनेक वेगवेगळ्या प्रकारचे व्हिडिओ व्हायरल होत असतात. तुम्ही इथे अनेक मजेदार व्हिडिओ पाहिले असतील पण अलिकडे मात्र जो प्रकार इथे शेअर करण्यात आलाय त्यातील दृष्ये पाहून तुम्ही हादरुन जाल. देशाचे पंतप्रधान यांचे भक्त देशात वेगाने वाढत असून अनेकदा सोशल मिडियावर यावरुन खिल्ली उडवली जाते. अलिकडे मात्र नरेंद्र मोदींना भगवान रामाचे रुप देण्यात आल्याचे दृष्य दिसले. इतकंच नाही तर मोदींची पूजा करत आरतीनंतर मोदी चालीसाही लावल्याचा दावा करण्यात आला. माणसाला असे देवाचे रुप दिलेले पाहून अनेकांच्या भावना दुखावल्या गेल्या आणि लोकांनी यावर आपल्या प्रतिक्रिया द्यायला सुरुवात केली. ही घटना सध्या सोशल मिडियावर चांगलीच ट्रेंड करत आहे. चला सविस्तर माहिती जाणून घेऊया.

मेट्रोमध्ये अचानक बॅगेतून पडले डझनभर साप; प्रवासी घाबरले नाही तर एकेएकाने पकडायला केली सुरुवात; Video Viral

काय आहे प्रकरण?

ही घटना एका प्रेस क्लबमध्ये घडून आल्याचे सांगण्यात येत आहे. व्हिडिओ @TheSincereDude नावाच्या एक्स अकाऊंटवरुन शेअर करण्यात आला आहे. घटनेवर टिका व्यक्त करताना व्हिडिओच्या कॅप्शनमध्ये लिहिण्यात आले की, ‘प्रेस क्लबमध्ये ‘मोदी चालीसा’चे आयोजन आणि पंतप्रधानांचे देवतेच्या रूपात कट-आउट. तसेच ‘भगवान श्री नरेंद्र मोदी’ यांच्यासाठी ११२ कोटी रुपयांचे मंदिर उभारण्याची योजना आहे. ही काही भक्ती नाही. एका विद्यमान राजकारण्याला देव मानून हिंदू श्रद्धेचा पद्धतशीरपणे ऱ्हास करण्याचा हा प्रकार आहे. एका व्यक्तीच्या ‘व्यक्तिपूजेला’ (personality cult) संस्थात्मक स्वरूप देण्यासाठी, खऱ्या देवतांची उपासना करणाऱ्या कोट्यवधी हिंदूंचा अपमान केला जात आहे. हे संविधानावर केलेले थेट आक्रमणही आहे. भारत हे एक धर्मनिरपेक्ष प्रजासत्ताक राष्ट्र आहे. कोणताही लोकप्रतिनिधी हा दैवी नसतो. सरकारी संबंध असलेल्या मंडळाचा वापर करून पंतप्रधानांना देवत्व बहाल करणे, हे राहुल गांधींनी संसदेत वर्णन केलेल्या ‘अंधभक्ती’चेच एक शुद्ध रूप आहे – जिथे लोकांना असे वाटते की ती एक व्यक्ती म्हणजे साक्षात देवच आहे. अशी माणसे सनातन धर्म आणि संविधान या दोघांचीही विटंबना करतात’.

व्हिडिओमध्ये आपण पाहू शकता यात आपल्याला रामाच्या रुपात नरेंद्र मोदींचा कटआउट उभा केल्याचे दिसते. यात त्यांनी निळे वस्त्र, सोनेरी मुकुट आणि हातात धनुष्यबाण घेतलेला असतो. उपस्थित मेंबर्स या कटआउटची पूजा करु लागतात तर माहे ‘मोदी चालिसा’ नावाचे एक पोस्टर देखील ठेवण्यात आलेले असते ज्यावर आपल्याला पंतप्रधान मोदींचा फोटो दिसून येतो. व्हिडिओमध्ये लोक टाळ्या वाजवत ‘जय जय मोदी’ आणि ‘हर हर मोदी’च्या घोषणा करतानाही दिसून आले. दाव्यानुसार, ही घटना दिल्ली प्रेस क्लबमध्ये घडून आली. प्रेस क्लबने याबाबत स्पष्टीकरण देत सांगितले की, एका संस्थेने पत्रकार परिषद घेण्यासाठी हॉल भाड्याने घेतला होता. त्या संस्थेने हॉलच्या वापरासंबंधीच्या अटींचे कथितरित्या उल्लंघन केल्यामुळे प्रशासनाला तो कार्यक्रम थांबवावा लागला.

Modi Chalisa at Press Club. Cutout of the PM as a deity. ₹112 crore temple planned for “Lord Shri Narendra Modi.” This is not devotion. This is the systematic degradation of Hindu aastha by turning a sitting politician into a god. Crores of Hindus who worship actual deities… pic.twitter.com/cgCGbuII2n — Sincere Dibya (@TheSincereDude) August 20, 2026

५८ लाखांचं पॅकेज, घर-गाडी सगळं तरीही मुलगा मिळेना… चीनच्या ‘वधू बाजारात’ हंबरडा फोडून रडू लागली महिला; Video Viral

या घटनेचा व्हिडिओ आता इंटरनेटवर वाऱ्याच्या वेगाने शेअर केला जात असून यातील दृष्यांवर यूजर्सने आपल्या संमिश्र प्रतिक्रिया व्यक्त केल्या आहेत. एका यूजरने म्हटले की, “वेडेपणा! आधी जवाहरलाल, गांधी, आंबेडकर आणि आता खुद्द प्रभू राम. आपण त्या सर्वांपेक्षा श्रेष्ठ आहोत, असे त्यांना सुचवायचे आहे. असे केल्याने संपूर्ण जग भारताचे हस करेल”, दुसऱ्या युजरने लिहिले आहे, “अरे, कोणीतरी हा मूर्खपणा थांबवा”, आणखी एका यूजरने लिहिले आहे, “प्रेस क्लबमधील तो कोण व्यक्ती आहे ज्याने त्यांना असं करण्यात परवानगी दिली”.