निसर्गाचा रौद्र अवतार! जगातील सर्वात उंच इमारत बुर्ज खलिफावर कोसळली वीज, दुबईच्या क्राउन प्रिन्सने शेअर केला थरारक Video

Lightning Strikes Burj Khalifa : बुर्ज खलिफाच्या शिखरावर कोसळली वीज, पाहून संपूर्ण जग हादरलं. दुबईच्या प्रिन्सने स्वतः व्हिडिओला शेअर करत माहिती दिली आहे.

• दुबईचे क्राउन प्रिन्स शेख हमदान यांनी शेअर केलेल्या व्हिडिओत बुर्ज खलिफाच्या शिखरावर वीज कोसळतानाचे थरारक दृश्य दिसते.
• व्हिडिओत निळ्या आकाशात अचानक प्रकाशझोत, वीज, पावसाचा आणि ढगांच्या गडगडाटाचा आवाज ऐकू येतो, ज्यामुळे दृश्य अधिक भयावह वाटते.
• यूएईमध्ये अस्थिर हवामानाचा इशारा देण्यात आला असून हा व्हिडिओ सोशल मीडियावर मोठ्या प्रमाणात व्हायरल झाला आहे.

बुर्ज खलिफा ही दुबईत बांधण्यात आलेली जगातील सर्वात उंच मानवनिर्मित इमारत आहे. याची उंची उंची ८२९.८४ मीटर (२,७२३ फूट) इतकी आहे. ही इमारत पाहण्यासाठी जगभरातून पर्यटक दुबईला भेट देतात. दरम्यान अलिकडेच दुबईचे क्राउन प्रिन्स शेख हमदान बिन मोहम्मद बिन रशीद अल मकतूम यांनी बुर्ज खलिफाचा एक व्हिडिओ शेअर केला आहे, ज्यातील दृष्ये पाहून सर्वच हादरले. व्हिडिओमध्ये, बुर्ज खलिफाच्या शिखरावर वीज कोसळताना दिसून आले आहे जे पाहून सर्वच आश्चर्यचकित झाले. चला व्हिडिओत काय दिसलं याविषयी सविस्तर जाणून घेऊया.

मुंबईच्या वरळी सी फेसवर दिसला समुद्राचा सर्वात सुंदर मासा… ‘डॉल्फिन’, पाहण्यासाठी हजारो लोकांची गर्दी; अद्भुत Video Viral

काय दिसलं व्हिडिओत?

व्हायरल होत असलेला हा व्हिडिओ लहान पण अद्भूत आहे. व्हिडिओमध्ये निळ्याशार आकाशात उभी असलेली बुर्ज खलिफाची इमारत दिसून येते. सर्वकाही ठीक असतानाच अचानक मोठा प्रकाश दिसतो आणि बुर्ज खलिफाच्या शिखरावर आपल्याला वीज कोसळतानाचे दृश्य दिसून येते. यासोबतच व्हिडिओमध्ये पावसाचा आणि ढगांच्या कोसळण्याचाही आवाज ऐकू येतो ज्याने हे दृश्य आणखीन भीतीदायक बनते. गल्फ न्यूजच्या वृत्तानुसार, राष्ट्रीय हवामानशास्त्र केंद्राने युएईच्या अनेक भागात अस्थिर हवामान, पाऊस, वादळे, वीज आणि गारपीटीचा इशारा जारी केला आहे. व्हायरल होत असलेल्या या व्हिडिओने आता सर्वांनाच आश्चर्यचकित केलं असून सोशल मीडियावर ही घटना वेगाने शेअर केली जात आहे.

See more

‘बाबा… बाबा…’ दीड वर्षांच्या मुलीची शहिद वडिलांना हाक, हृदय पिळवटून टाकणारी दृश्ये; Video Viral

हा व्हिडिओ @faz3 या इंस्टाग्राम अकाऊंटवरून शेअर करण्यात आला आहे. व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “अद्भुत!! जादू क्षणार्धात घडते ” तर दुसऱ्या युजरने लिहिले आहे, “दुबईमध्ये पाऊस वेगळाच पडतो, शहर क्षणभर शांत होते” आणखीन एका युजरने लिहिले आहे, “ढगाळ आणि पाऊस पडत असताना निळे आकाश कसे काय दिसत आहे ”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.