शेवटी लेकीचा बाप तो… परगावी जाणाऱ्या मुलीला ट्रेनमधून जाताना पाहिलं, एका हाकेतच खिशात घातला हात अन्… Video Viral

Father Daughter Video : मुलीच्या हाकेला भोळ्या बापाची अनोखी साद...! मुलीने कोरियन हार्ट केला खरा पण बापाने लगेच खिशात हात घातला अन् असं काही केलं की युजर्सच्या चेहऱ्यावर लगेच हसू उमललं.

• बाप-लेकीचा व्हिडिओ व्हायरल
• मुलीने इशारा दिला पण भोळ्या बापाला काही उमजेना
• व्हिडिओतील दृश्ये आता सर्वांनाच खुश करत आहेत

आई मुलामधील नातं तर जगजाहीर आहे. ममतेचं प्रतीक म्हणून आईला ओळखलं जात. तसेच बाबा मुलांसाठी बनून काम करतात. आईचा माया आपल्या डोळ्यांसमोर येते पण कणखरतेतही दडलेलं बाबांचं साधं प्रेम अनेकांच्या ध्यानात येत नाही. मुलांच्या भविष्यासाठी अहोरात्र मेहनत घेणाऱ्या बाबांच्या बहुतेकदा मुली या अधिक जवळच्या असतात. मुलावर उचलेला वडिलांचा हात हा मुलीवर जरा कमीच उगारला जातो. त्यामुळेच आई-मुलाचे तर बाप-लेकीचे नाते हे जास्त जवळचे आणि खास मानले जाते. नुकताच सोशल मीडियावर एका बाप-लेकीचा गोंडस व्हिडिओ व्हायरल झाला आहे ज्यात मुलीच्या प्रेमावर बाबांची अनोखी प्रतिक्रिया दाखवून देते. व्हिडीओत काय घडलं ते चला सविस्तर जाणून घ्या.

आकाशात फिरताना दिसली रहस्यमय सावली, गिर्यारोहकाने कॅमेरात टिपले अनोखे दृष्य … पाहून सर्वांनाच बसला धक्का; Video Viral

काय घडलं व्हिडिओत?

सोशल मीडियावर व्हायरल होत असलेल्या या व्हिडिओमध्ये एक वडील रेल्वे स्टेशनवर उभे असल्याचे दिसते, तर त्यांची लेक रेल्वेच्या दारावर उभी राहून त्यांना निरोप देत असते. बहुतेक शिक्षणासाठी अथवा नव्या जॉबसाठी ती परगावी जात असावी. ट्रेन सुटणार असते ज्यामुळे वडील दुरूनच मुलीला बघत राहतात आणि मुलीचा चेहरा आपल्या डोळ्यात साठवत असतात. यादरम्यानच मुलगी बाबांना पाहून कोरियन स्टाईलमध्ये आपल्या बोटांचा हार्ट तयार करून बाबांना शेवटचा निरोप देऊ पाहते पण बाबांना तिचा इशारा काही समजत नाही आणि हार्ट बनवण्याऐवजी ते थेट खिशात हात घालून तिला काही पैसे देऊ करतात. मुलीचा इशारा बाबांनी बोटांचा हार्ट तयार करत तिला निरोप द्यावा असा असतो पण भोळ्या वडिलांना मात्र ती त्यांच्याकडे पैसे मागत असल्याचे वाटते. व्हिडिओच्या शेवटी मुलगी वडिलांनी दिलेले पैसे हसत हसत आपल्या हातात ठेवताना दिसते त्यानंतर ज्यानंतर वडील तिला निरोप देतात.

See more

माकडाने केले सिंहीणीचे हाल बेहाल…झाडावर चढताच जंगलाच्या राणीला तव्याने हाणलं अन्… Video Viral 

बाप-लेकीचा हा व्हिडिओ सध्या सोशल मीडियावर जोरदार शेअर केला जात आहे. हा व्हिडिओ @viralbhayani नावाच्या इंस्टाग्राम अकाऊंटवरून शेअर करण्यात आला आहे. व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “आपण कितीही श्रीमंत झालो तरी वडिलांना आपल्याला पैसे द्यायला फार आवडते” तर दुसऱ्या युजरने लिहिले आहे, “माझे वडील नेहमीच ट्रेनच्या बाहेर माझी वाट पाहायचे. खिडकीतून आमच्याकडे बघत राहायचे, मला आज त्यांची आठवण आली” आणखीन एका युजरने लिहिले आहे, “बाबा तुमची आठवण येते”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.