Viral Video: छोलेच्या बिलावर सुनेची भन्नाट कमेंट! नोट वाचताच सगळ्यांची हसून पुरेवाट

Viral Video: ऑनलाइन जेवणाची ऑर्डर देताना एका महिलेने केलेली भन्नाट मागणी सध्या सोशल मीडियावर चर्चेत आहे. पायल नावाच्या महिलेने दोन प्लेट छोले भटुरे ऑर्डर करताना रेस्टॉरंटला छोले इतके तिखट बनवण्याची विनंती केली की ते तिच्या सासूला खाता येऊ नयेत.

Chole Bhature Viral News: ऑनलाइन जेवण मागवताना आपण आपल्या आवडीनुसार, अनेक सूचना देतो. कधी कुणाला तिखट कमी हवं असतं, कुणाला कांदा नको असतो, तर कुणी पदार्थासोबत जास्त सॉस किंवा रायता मागतं. पण एका महिलेने जेवणाची ऑर्डर देताना केलेली मागणी सध्या सोशल मीडियावर चर्चेंचा विषय बनली आहे. तिची सूचना पाहून रेस्टॉरंटमधील कर्माचाऱ्यांनाही हसू आलं परंतू ही टीप्पणी सोशलमीडियावर व्हायरल होते. ही ऑर्डर जरी छोले भुटरेची असली तरी त्या बिलावर असलेला संदेश भरपूर मजेशीर आहे.

नेमकं प्रकरण काय?

ही घटना छोले भटुऱ्यांच्या ऑर्डरशी संबंधित आहे. एका महिलेने दोन प्लेट छोले भटुरे मागवले. ऑर्डरची किंमत १८० रुपये होती. ऑर्डर देणाऱ्या महिलेचं नाव पायल असल्याचं बिलावरून दिसतं. तिने रेस्टॉरंटला एक खास विनंती केली होती. तिचं म्हणणं होतं की छोले इतके तिखट बनवावेत की तिच्या सासूला ते खाता येऊ नयेत. Viral Video:

एवढ्यावरच ती थांबली नाही. आपण नेहमी याच ठिकाणाहून छोले भटुरे मागवतो, असंही तिने रेस्टॉरंटला सांगितलं. म्हणजे आपली मागणी यावेळी नक्की पूर्ण व्हावी, यासाठी तिने आपला ‘जुना ग्राहक’ असल्याची आठवणही करून दिली. ही छोटीशी सूचना इंटरनेटवर पोहोचली आणि त्यानंतर लोकांनी त्यावर भन्नाट प्रतिक्रिया देण्यास सुरुवात केली. सासू-सुनेच्या नात्यातील नेहमीच्या गंमतीला या महिलेने जेवणाच्या ऑर्डरसोबत जोडल्यामुळे हा किस्सा लगेच चर्चेत आला.

See more

एक प्लेट सासूसाठी, दुसरी स्वतःसाठी?

सोशल मीडियावर हा फोटो पाहिल्यानंतर अनेकांनी वेगवेगळे अंदाज लावले. काही जणांच्या मते, सुनेला स्वतःचे छोले भटुरे शांतपणे खायचे होते. त्यामुळे सासूने त्यात वाटा मागू नये, यासाठी तिने थेट रेस्टॉरंटच्या स्वयंपाकघरापर्यंत आपली योजना पोहोचवली. एका अर्थाने पाहिलं तर घरातील छोट्या कुरबुरीवर काढलेला हा भन्नाट उपाय म्हणावा लागेल. अर्थात, ही गोष्ट खरंच गंभीर होती की केवळ गंमत म्हणून लिहिलेली सूचना होती, हे स्पष्ट नाही. पण त्या एका वाक्याने मात्र इंटरनेटवर चांगलाच हशा पिकवला आहे.

नेटकऱ्यांनीही घेतली मजा

फोटो व्हायरल झाल्यानंतर कमेंट्सचा अक्षरशः पाऊस पडला. काहींनी या सुनेच्या कल्पकतेचं कौतुक केलं, तर काहींनी तिच्या प्लॅनवर विनोद केले. एका यूजरने म्हटलं की, सासूला जेवणापासून दूर ठेवण्यासाठी यापेक्षा वेगळा मार्ग शोधणं कठीण आहे. दुसऱ्या एका व्यक्तीने मजेत म्हटलं की, ही ऑर्डर पाहून स्वयंपाक करणाऱ्या व्यक्तीलाच आधी विचार पडला असेल की छोले तिखट करायचे की घरातील वादात मध्यस्थी करायची. अशा अनेक मजेशीर प्रतिक्रियांमुळे पोस्ट आणखी लोकांपर्यंत पोहोचली.

LKGच्या चिमुकल्याला शिक्षकाने मारली थप्पड; हार्ट अटॅकने वर्गातच मृत्यू; Video Viral

आजकाल सोशल मीडियावर रोज अनेक फोटो आणि व्हिडिओ व्हायरल होतात. काही गंभीर असतात, काही आश्चर्यचकित करणारे असतात, तर काही नुसतंच हसवून जातात. हा किस्साही त्याच प्रकारातला आहे. फक्त १८० रुपयांची ऑर्डर, त्यावर लिहिलेली एक छोटीशी सूचना आणि त्यातून तयार झालेला एवढा मोठा विनोद!

राष्ट्रीय प्राण्याने राष्ट्रीय पक्ष्याची केली शिकार, कॅमेऱ्यात कैद झालं दुर्मिळ दृश्य; Video Viral

सासू-सुनेच्या नात्यातील गंमती अनेकदा घरापुरत्याच राहतात. पण या प्रकरणात एका छोट्या ऑर्डर नोटमुळे तीच गंमत सोशल मीडियावर पोहोचली. आता लोकांना त्या छोले भटुऱ्यांपेक्षा या विचित्र मागणीचीच जास्त चर्चा आहे. शेवटी, जेवण कितीही साधं असलं तरी त्यासोबतची गोष्ट भन्नाट असेल, तर ती इंटरनेटवर व्हायरल होण्यासाठी फार वेळ लागत नाही.