Galgotias University Viral Video : बेस्टीच्या बॉयफ्रेंडवर आला क्रश,मग काय… ‘पापा की परी’ भिडल्या; पाहा तुफान हाणामारी

विद्यापीठाशी संबंधित आणखी एक वादग्रस्त व्हिडिओ पुन्हा एकदा समोर आला आहे. या व्हिडिओमध्ये दोन तरुणी इतक्या दमदार भांडताना दिसत आहेत की, ही दृश्य पाहून आजूबाजूच्या लोकांना हसू की रडू अशी परिस्थिती निर्माण झाली आहे.

• व्हिडीओ नोएडा येथील ‘गलगोटियास युनिव्हर्सिटी’मधून समोर
• मैत्रिणीच्या बॉयफ्रेंडवरच जडली नजर (Crush)
• ‘पापा की परियां’मधील तुंबळ हाणामारी

Galgotias University Viral Video : दररोज सोशल मीडियावर एखादा ना एखादा व्हिडिओ वेगाने व्हायरल होत असतो; परंतु काही व्हिडिओ असे असतात जे लोकांचे लक्ष वेधून घेतातच घेतात. असाच काहीसा हा व्हिडीओ नोएडा येथील ‘गलगोटियास युनिव्हर्सिटी’मधून (Galgotias University) समोर आला आहे. ज्याच्यामुळे संपूर्ण इंटरनेटवर मोठी खळबळ उडाली आहे. विशेष म्हणजे, काही काळापूर्वीच गलगोटियास युनिव्हर्सिटी एका चिनी ‘रोबोटिक डॉग’वर चर्चेत होता आणि बातम्यांमध्ये झळकत होता. आता मात्र, याच विद्यापीठाशी संबंधित आणखी एक वादग्रस्त व्हिडिओ पुन्हा एकदा समोर आला आहे. या व्हिडिओमध्ये दोन तरुणी इतक्या दमदार भांडताना दिसत आहेत की, ही दृश्य पाहून आजूबाजूच्या लोकांना हसू की रडू अशी परिस्थिती निर्माण झाली आहे. मिळालेल्या माहितीनुसार, या दोन्ही तरुणी एकेकाळी खूप जवळच्या मैत्रिणी होत्या; परंतु एका क्षुल्लक गोष्टीवरून त्यांच्या मैत्रीचे रूपांतर दुश्मनीत झाले. या घटनेच्या मुळाशी एक तरुण (मुलगा) हे कारण आहे आणि याच कारणामुळे हे संपूर्ण प्रकरण अधिकच चर्चेत आले आहे.

फूल धोबी पछाड! रेल्वेतील मुलींचं भांडण सोडवायला गेला अन् त्याचाच ‘गेम’ झाला; Video पाहून हसून हसून पोट दुखेल!

मैत्रिणीच्या बॉयफ्रेंडवरच जडली नजर

व्हिडिओच्या कॅप्शनमध्ये दिलेल्या तपशिलानुसार, या दोन्ही तरुणी अत्यंत जवळच्या मैत्रिणी होत्या; मात्र, जेव्हा त्यातील एका तरुणीचे मन तिच्याच मैत्रिणीच्या बॉयफ्रेंडवर जडलं, तेव्हापासून या वादाची ठिणगी पडली. हा व्हायरल व्हिडिओ ‘Ghar Ke Kalesh’ (घर के कलेश) नावाच्या ‘X’ (पूर्वीचे Twitter) हँडलवरून पोस्ट करण्यात आला आहे. या पोस्टसोबत दिलेल्या कॅप्शनमध्ये म्हटले आहे: “नोएडा येथील गलगोटियास युनिव्हर्सिटीमधील दोन जिवलग मैत्रिणी ज्यांच्यापैकी एकाचे मन तिच्याच मैत्रिणीच्या बॉयफ्रेंडवर जडले आहे.” यावरून हे स्पष्ट होते की, नोएडाच्या गलगोटियास युनिव्हर्सिटीमधील दोन विद्यार्थिनींपैकी एकाने आपल्या मैत्रिणीच्या बॉयफ्रेंडवर प्रेम जडलं आणि पंगा झाला. आणि दोन्ही जिवलग मैत्रीणींमध्ये दुरावा निर्माण झाला आणि हा वाद उभा राहिला.

See more

Kalesh b/w two besties at Galgotias University, Noida after one girl developed a crush on her bestie’s boyfriend.
pic.twitter.com/KBCxNtP1gs — Ghar Ke Kalesh (@gharkekalesh) March 28, 2026

‘पापा की परियां’मधील तुंबळ हाणामारी

या व्हायरल व्हिडिओमध्ये हे स्पष्टपणे दिसून येते की, विद्यापीठाच्या आवारातील जिन्याजवळ उभ्या असलेल्या या दोन तरुणी अचानक एकमेकींवर धावून जातात. त्या एकमेकींचे केस ओढताना आणि एकमेकींना जोराचे धक्के देताना दिसत आहेत; तसेच त्या थांबण्याच्या किंवा माघार घेण्याच्या कोणत्याही मनस्थितीत नसल्याचेही दिसून येते. या घटनेचा सर्वात धक्कादायक पैलू म्हणजे, आजूबाजूला अनेक विद्यार्थी उपस्थित असूनही, एकाही व्यक्तीने मध्यस्थी करण्याचा किंवा हे भांडण थांबवण्याचा प्रयत्न केला नाही. उलट, काही लोक हसताना, आपल्या मोबाईल फोनवर या संपूर्ण हाणामारीचे चित्रीकरण करताना आणि या दृश्याचा आनंद घेतानाही दिसून येत आहेत. सोशल मीडियावरील लोकांच्या प्रतिक्रिया

हा व्हिडिओ सोशल मीडियावर समोर येताच, लोकांनी त्यावर विविध प्रकारे प्रतिक्रिया देण्यास सुरुवात केली. काही वापरकर्त्यांनी गंमतीने अशी टिप्पणी केली की, या दोघींची मैत्री इतकी घट्ट होती की, त्यांनी चक्क आपला बॉयफ्रेंडही एकमेकींमध्ये वाटून घेतला. दरम्यान, इतरांनी खुद्द विद्यापीठावरच भाष्य केले असून, ही संस्था कोणत्या ना कोणत्या कारणास्तव सततच चर्चेत असल्याचे त्यांनी नमूद केले आहे. काही लोक या संपूर्ण घटनेकडे केवळ एक ‘नाट्य’ म्हणून पाहत असून त्यांना त्यात गंमत वाटत असली, तरी इतर अनेक जण मात्र या घटनेचा ‘अयोग्य’ आणि ‘लज्जास्पद’ म्हणून तीव्र शब्दांत निषेध करत आहेत.

दिल्ली मेट्रो पुन्हा चर्चेत! सरकत्या जिन्याजवळ दोन महिलांची तुफान हाणामारी; लाथाबुक्क्यांनी एकमेकींना तुडवले, Video व्हायरल