दिल्ली मेट्रो पुन्हा चर्चेत! सरकत्या जिन्याजवळ दोन महिलांची तुफान हाणामारी (Photo Credit- X)
सोशल मीडियावर व्हायरल होत असलेल्या या व्हिडिओमध्ये दिसते की, मेट्रो स्टेशनच्या सरकत्या जिन्याजवळ (Automatic Escalators) अचानक वादावादी सुरू होते. काही क्षणातच वादाचे रूपांतर हाणामारीत होते. एक महिला रागाच्या भरात धावत येते आणि दुसऱ्या महिलेचे केस धरून तिला जमिनीवर पाडते. इतक्यावरच न थांबता, ती महिला खाली पडलेल्या दुसऱ्या महिलेवर लाथाबुक्क्यांनी प्रहार करू लागते. अचानक झालेल्या या हल्ल्याने दुसरी महिलाही सावध होते आणि तीदेखील चोख प्रत्युत्तर द्यायला सुरुवात करते. बघता बघता सार्वजनिक ठिकाणी या दोन महिलांमध्ये जोरदार फ्री-स्टाईल हाणामारी रंगते.
Kalesh b/w Two ladies inside Delhi Metro pic.twitter.com/uwaeyqJeLE — Ghar Ke Kalesh (@gharkekalesh) March 28, 2026
या हाणामारीदरम्यान एक संतापजनक बाब समोर आली आहे. या दोन महिला एकमेकींना मारहाण करत असताना तिथे उपस्थित असलेले नागरिक त्यांना सोडवण्याऐवजी केवळ प्रेक्षक बनून हा तमाशा पाहत राहिले. काही जण आपल्या मोबाईलमध्ये या घटनेचे चित्रीकरण करण्यात व्यस्त होते. या दोघींमधील वादाचे नेमके कारण अद्याप स्पष्ट झालेले नाही, मात्र त्यांच्यातील राग आणि आक्रमकता व्हिडिओमध्ये स्पष्टपणे दिसून येत आहे.
हा व्हिडिओ ‘X’ (पूर्वीचे ट्विटर) या सोशल मीडिया प्लॅटफॉर्मवर @gharkekalesh नावाच्या अकाउंटवरून शेअर करण्यात आला आहे. पोस्ट केल्यापासून अवघ्या काही तासांत हजारो नेटकऱ्यांनी हा व्हिडिओ पाहिला असून त्यावर संमिश्र प्रतिक्रियांचा पाऊस पडत आहे. काही युजर्सनी सार्वजनिक ठिकाणी अशा प्रकारचे वर्तन करणे चुकीचे असल्याचे म्हटले असून लोकांनी संयम बाळगण्याचा सल्ला दिला आहे. तर दुसरीकडे, काही नेटकऱ्यांनी या घटनेची खिल्ली उडवत दिल्ली मेट्रोच्या परिसरातील रोजच्या गोंधळावर भाष्य केले आहे.
दिल्ली मेट्रोच्या परिसरात सातत्याने घडणाऱ्या अशा घटनांमुळे सार्वजनिक शिष्टाचार आणि सुरक्षेचा प्रश्न पुन्हा एकदा ऐरणीवर आला आहे. सार्वजनिक ठिकाणी जबाबदारीने कसे वागावे आणि अशा वादाचे प्रसंग टाळण्यासाठी प्रशासनाने काय पावले उचलावीत, याबाबत आता चर्चा सुरू झाली आहे. मेट्रो प्रशासन आणि स्थानिक पोलीस अशा हुल्लडबाजांवर काय कारवाई करणार, याकडे सर्वांचे लक्ष लागले आहे.
