ट्रेन पण स्वतःचीच आणि रेल्वे रूळही… भारतातील एक असा व्यक्ती ज्याच्याकडे होते 113 कोटींचे स्वतःचे रेल्वे स्टेशन

उत्तर प्रदेशातील रामपूर संस्थानाचे नववे नवाब हमीद अली खान यांच्या ऐश्वर्याची ही अनोखी कहाणी आहे. स्वतःची रेल्वे, खास स्टेशन आणि राजवाड्यापर्यंत गेलेले रूळ यामुळे त्यांची जीवनशैली खरोखरच थक्क करणारी होती.

• नवाबांकडे स्वतःची आलिशान रेल्वे ‘द सलून’ आणि राजवाड्यातच खासगी स्टेशन होते.
• मिलाक ते रामपूरदरम्यान सुमारे ४० किमी लांबीचे रेल्वे रूळ खास त्यांच्या वापरासाठी टाकण्यात आले होते.
• १९४७ च्या फाळणीवेळी त्यांनी आपल्या रेल्वेगाडीतून अनेक निर्वासितांना सुरक्षित मदत केली.

स्वत:च्या मालकीची गाडी असली तरी लोक आजकाल रुबाब करुन दाखवतात. आपल्या हक्काचं घर, गाडी असणं या गोष्टी आपल्याला अभिमान देऊन जातात. आजची एका अब्जाधीशाची ही कहाणी तुम्हाला नक्कीच थक्क करुन जाणार आहे. उत्तर प्रदेशातील रामपूर संस्थानाचे नववे नवाब, हमीद अली खान यांची ही कथा असणार आहे. नवाब ‘साहेब’ यांचा दर्जा इतका मोठा होता की त्यांना स्टेशनवर जाण्याची तसदी घ्यावी लागत नव्हती, किंबहुना,रेल्वेचे रूळ थेट त्यांच्या राजवाड्यातच टाकलेले होते.

अद्भुत, अविश्वसनीय आणि दुर्लभ… आकाशात दिसून आला सप्तरंगी ढग, पाहून सर्वांचेच डोळे दिपले; Video Viral

आम्ही बोलत आहोत, १९२५ च्या काळातील ती गोष्ट जेव्हा शाही रेल्वेगाडी बांधली गेली होती. हिला ‘फिरता राजवाडा’ असे म्हटले जात होते. रामपूरच्या नवाबांचे स्वतःचे खाजगी रेल्वे स्टेशन होते, ज्याची आजच्या काळात किंमत ११३ कोटी रुपये असल्याचे म्हटले जाते. या ट्रेनचे नाव होते ‘द सलून’. डोदा स्टेट रेल्वे बिल्डर्सनी नवाबाच्या ‘साहिब’ यांच्यासाठी या रेल्वेची खास रचना करण्यात आली होती. यामध्ये नवाबासाठी एक आलिशान शयनकक्ष, भोजन कक्ष आणि स्वयंपाकघर, तसेच नोकर आणि स्वयंपाकी यांच्यासाठी स्वतंत्र कक्षांचा समावेश होता.

राजवाड्याच्या आत खाजगी रेल्वे स्टेशन

ही रेल्वे म्हणजे नवाब ‘साहिब’ यांचा सर्वात अनोखा अभिमान होता. त्यांनी आपल्या राजवाड्यातच याची बांधणी केली होती. मिलाक ते रामपूरपर्यंत ४० किलोमीटर लांबीची रेल्वे लाईन त्यावेळी टाकण्यात आली होती. या राजवाड्याची भव्यता इतकी जास्त आहे की आजही त्याची किंमत ११३ कोटी रुपये असल्याचा अंदाज लावला जातो.

हाय गर्मी! कडाक्याच्या उन्हापासून वाचण्यासाठी वऱ्हाड्यांसाठी भन्नाट जुगाड; VIDEO पाहून पोट धरुन हसाल

भारताच्या फाळणीच्या वेळी दाखवलेली माणुसकी

नवाब ‘साहिब’ केवळ त्यांच्या वैभवासाठीच नव्हे, तर त्यांच्या उदारतेसाठीही ओळखले जात होते. १९४७ च्या फाळणीच्या वेळी, जेव्हा सर्वत्र अराजकता माजली होती, तेव्हा त्यांनी निर्वासितांना मदत करण्यासाठी त्यांनी आपल्या शाही रेल्वे गाडीने मदत केली होती. त्यांनी आपल्या खाजगी रेल्वेगाडीतून अनेक कुटुंबांना सुरक्षितपणे सीमा ओलांडण्यास मदत केली. तथापि, काळाच्या ओघात होणाऱ्या विध्वंसापासून कोणीही सुटलेले नाही. १९६० च्या दशकात नवाब साहिबांच्या निधनानंतर, स्टेशनची शान ओसरू लागली. हळूहळू, रुळ गंजले आणि ती शाही रेल्वेगाडी इतिहासाच्या पानांत हरवून गेली. आज ही जागा ओसाड पडली आहे पण याच्या कथा लोकांमध्ये अजूनही प्रचलित आहे.