कुणीही भेटायला आलं नाही... जवानाला एकटं पाहून सिनियर अधिकाऱ्याने मारली मिठी, दृष्य युजर्सना अश्रू अनावर: Video Viral
जिथे सर्वजण आपल्या कुटुंबाला भेटून खुश असतात, त्यांच्यासोबत वेळ घालवत असतात तिथेच एक एक जवान मात्र सर्वांपासून वेगळा एकटाच उभा असतो. त्याच्या चेहऱ्यावरची उदासीनता त्याच्या मनातील दुःख व्यक्त करते. आपल्याला कुणीतरी भेटायला आलं आहे, कुणाला तरी आपली काळजी आहे ही भावना मनाला सुख देऊन जाते. आजूबाजूला इतर जवानांना आनंदी पाहून त्याच्या मनातही कुटुंबाला भेटण्याची इच्छा झाली असावी पण दुर्दैवाने त्याला भेटायला कुणीच आलेलं नसतं. जवानाला असं एकटं पाहून दूर उभा असलेला एक सीनियर लष्करी अधिकारी जवानाच्या जवळ येतो. यावेळी तो त्याचा सीनियर बनवून नाही तर एक मित्र बनून त्याला भेटायला आलेला असतो.
प्रशिक्षण समापन समारोह में, जहाँ इंडोनेशियाई सेना के जवान अपने परिवारों और प्रियजनों के साथ खुशी मना रहे थे, एक जवान अकेला खड़ा था। उसके पास कोई नहीं आया था, न परिवार का कोई सदस्य और न ही कोई अपना। दूर से यह दृश्य उसके कमांडर की नज़र में आ गया। वे तुरंत उसके पास पहुँचे। जवान… pic.twitter.com/COt5jPZUr0 — Arnav 2.0 (@Arnav_Singh293) August 14, 2026
कुणीही भेटायला न आल्याने जवानाला किती दुःख झालं असावं हे त्या सीनियर अधिकाऱ्याला समजते आणि तो लगेचच जवानाजवळ जाऊन त्याला एक घट्ट मिठी मारतो. या मिठीत एक आपलेपणाची ऊब असते जी जवानाला धीर देते. आपले सर्व दुःख तो एका मिठीत व्यक्त करतो आणि ढसाढसा रडू लागतो. ही घटना सध्या सोशल मीडियावर चांगलीच व्हायरल होत असून जवानाचा तो एकटेपणा पाहून अनेकांनी संवेदनशील प्रतिक्रिया व्यक्त केली आहे. बऱ्याचदा जी गोष्ट जवळचे व्यक्ती करू शकत नाही ती गोष्ट एक मिठी करून जाते. एकट्या पडलेल्या त्या जवानाच्या भावना सीनियर अधिकाऱ्याने समजून घेतल्या आणि कोणताही विचार न करता त्याने त्याला मिठी मारली. यावेळी त्यांच्यात कोणतेही संभाषण झाले नाही पण शब्दातून व्यक्त न करता येणारी ती गोष्ट त्यांनी त्या एका मिठीत व्यक्त केली. आपण केलेली एक लहानशी कृती समोरच्याला किती मोठा आनंद देऊन जाते किंवा एक मिठी मनातील एकटेपणा दूर करण्यात किती मदत करते याची चांगली झलक आपल्याला व्हिडिओ पाहायला मिळते.
टीप – हे व्हिडिओ सोशल मडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.
.png "Videos"){kind=small}
