Karwa Chauth Viral Video : सात जन्माची साथ, अन् पतीच्या गळ्यात लाथ; या भलत्याच करवां चौथची देशभर चर्चा
सध्या एक करवा चौथचा (Karwa Chauth Viral Video) मजेशीर व्हिडिओ देशभरात चर्चेचा विषय ठरत आहे, या पती-पत्नीचा व्हिडिओ इतका गंमतीशीर आहे की, युजर्सही त्याचा चांगला आनंद घेत आहेत. हा व्हिडिओ पाहून आपणही प्रसिद्धीसाठी हे काय सुरू आहे बाबा असं म्हणतं डोकं धराल.
२९ ऑक्टोबरला देशभरात प्रामुख्याने उत्तरेकडील राज्यात करवा चौथ साजरा केला जातो. पतीच्या दिर्घायुष्यासाठी हा उपवास धरला जातो. यावेळी बायका उपवासादरम्यान पाणीही पित नाहीत. अशात एका व्हिडिओने सध्या सोशल मीडियावर धुमाकूळ घातला आहे. या व्हिडिओत करवा चौथची प्रथा एक वेगळ्याचं अंदाजात पार पडत असल्याचे दिसत आहे. आता तो व्हिडिओ पाहून हसावं की, रडावं हा ज्याचा त्याचा प्रश्न बुवा. आपलं काम तुम्हाला त्या व्हिडिओपर्यंत नेणं.
हा जो व्हिडिओ व्हायरल होत आहे, त्यात एक जोडपं करवा चौथ करताना दिसत आहे. एक भन्नाट संकल्पना या जोडप्याला सुचली, जी पाहून तुम्ही मनं मोकळं करून हसाल. त्याचं झालं असं की, उपवास सोडताना पत्नीने असा काही स्टंट केला की, बाबो, ते पाहून अनेक जण थक्क झालेत. हा व्हिडिओ सध्या भलत्याच ट्रेंडिंगला आहे.
Viral Video: लॅपटॉपवर काम करून मान दुखू लागली; उपचाराऐवजी CA पोहोचली जपानला, उशीची किंमत ऐकून व्हाल थक्क!
व्हायरल व्हिडिओत असं पाहण्यास मिळते की, एक महिला चाळणीत दिवा घेऊन पतीच्या एका पायावर उभी आहे. या काळात ती आपला एक पाय पतीच्या माने भोवती व दुसरा पाय पतीच्या मांडीवर ठेवत बॅलन्स करते.
आश्चर्याची गोष्ट अशी की, हे सर्व करताना ती जराही डगमगत नाही. रोजची प्रॅक्टीस असावी बुवा. तिचं हे कलाकौशल्य लोकांना आवडलेही व काही जणांनी डावललेही. तसं बघा, याकडे बघण्याचा प्रत्येकाचा वेगवेगळा दृष्टीकोन असू शकतो. त्याला आपण काय करणार…
या व्हिडिओत असंही पाहण्यास मिळते की, महिला हा स्टंट करताना अगोदर चंद्राचं दर्शन घेते, मग आपल्या पतीरायाचं. तिचा हा उपवास सोडण्याचा अंदाज खरंच कौतुकास्पदच म्हणावा लागेल.
मुळात ही संकल्पना पतीची की, पत्नीची याचा अंदाज बांधता येत नाही, मात्र अशाप्रकारचा व्हिडिओ साकारताना पतीने ज्याप्रकारे आपल्या पत्नीला साथ दिली आहे, ते खरंच वाखाण्याजोग आहे. हा व्हिडिओ तेवढा मजेशीरही आहे व पती-पत्नीमधील बॅलेंसिग संसाराचं एक जितं जागतं उदाहरणही…
Odisha Viral Video : जंगली हत्तीशी पंगा घेणं पडलं महागात? शेपटी ओढली, सोंडेला हात लावला; VIDEO व्हायरल
आता अशाप्रकारच्या व्हिडिओच्या माध्यमातून आयतं खाऊ समोर आल्यावर गप्प बसतील ते नेटिझन्स कुठले. मग भावांनी सुरू केल्या भन्नाट प्रतिक्रिया. त्यातील एक महाशय म्हणतो की, स्त्री आहे, ती काहीही करू शकते, तर दुसरा म्हणतो की, पतीचा अखेरचा करवा चौथ. आणखीन एक जण असं लिहितो की, हे पाहूण चंद्रही आकाशात लपून बसला. दरम्यान, काहीही असो पण अनेक जण हा व्हिडिओ वारंवार पाहत असल्याचे समोर येत आहे.
.png "Videos"){kind=small}
