आता भाज्यांऐवजी फ्रिजमध्ये ठेवले जाणार माणूस? जपानचा ‘हा’ VIDEO पाहून फिरून जाईल डोके!

जपानमध्ये वाढत्या उष्णतेपासून नागरिकांना दिलासा देण्यासाठी भन्नाट तंत्रज्ञान तयार करण्यात आले आहे. ‘ह्यूमन रेफ्रिजरेटर’ म्हणून चर्चेत आलेल्या या कॅबिनेटमध्ये बसून काही मिनिटांत शरीराला थंडावा मिळवता येतो.

• माणसाला थंड करण्यासाठी जपानने तयार केला ‘ह्यूमन रेफ्रिजरेटर’
• कॅबिनेटमध्ये सुमारे १५°C तापमान; २० मिनिटांनी आपोआप बंद
• मशीनची किंमत तब्बल १५ लाख जपानी येन असल्याची माहिती

जपानमध्ये कडक उन्हाच्या तीव्रतेने सर्वच हैराण झाले आहेत. या तीव्र उष्णतेपासून वाचण्यासाठी आता जपानमध्ये एक नवीन तंत्रज्ञान तयार करण्यात आले आहे ज्याने संपूर्ण जगाला थक्क केलं आहे. आपण आजवर भाज्या किंवा सामान ठेवण्यासाठी फ्रिजचा वापर पाहिला असेल पण माणसाला थंड करण्यासाठी फ्रिजचा वापर केल्याचे तुम्ही ऐकले आहे का? जपानमध्ये हा अनोखा कारनामा पाहिला गेला आहे. जपानी रेफ्रिजरेशन कंपनी SDRS ने एका खास प्रकारचे पर्सनल कूलिंग कॅबिनेट तयार केले आहे ज्याला ‘ह्यूमन रेफ्रिजरेटर’ असे म्हटले जात आहे. याचे नाव Do Hiemon Box असे आहे. पाहताना हे एका बाॅक्सप्रमाणे दिसते ज्यात पारदर्शक काचेचा दरवाजा आहे. आश्चर्याची गोष्ट म्हणजे हा फ्रिज भाज्या, फळे किंवा इतर सामान ठेवण्यासाठी नाही तर माणवाला आत थंडावा मिळवून देण्यासाठी तयार करण्यात आला आहे. म्हणजेच जर बाहेरील उन्हाच्या तीव्र उष्णतेने जर तुम्ही हैराण झाला असाल तर लगेच या फ्रिजमध्ये बसून तुम्ही स्वत:ला ‘थंडा थंडा कूल कूल’ करु शकता.

बेहोष समजून जवळ गेला अधिकारी, अन् तितक्यात बिबट्याने घेतली झेप! अंगावर काटा आणणारा VIDEO समोर

फ्रिजच्या आत १५ डिग्री तापमान

Do Hiemon Box ला उष्णतेने हैराण झालेल्या लोकांच्या मदतीसाठी तयार करण्यात आले आहे. कंपनीच्या मते, बॉक्सच्या आत शरीराच्या वरच्या भागाला सुमारे ५ अंश सेल्सिअस थंड हवा दिली जाते, तर संपूर्ण कूलिंग कॅबिनेटचे तापमान सुमारे १५ अंश सेल्सिअस राहते. यात कूलिंग आणि एअरफ्लोसाठी तीन वेगवेगळे मोड्स दिले गेले आहेत. कंपनीचा दावा आहे की, साधरण १० मिनिटे यात बसल्यानंतर शरीराचे तापमान वेगाने कमी होण्यासाठी आणि उष्माघाताची लक्षणे कमी होण्यास मदत होऊ शकते.

२० मिनिटांनंतर ऑटोमॅटीक फ्रिज होतो बंद

या मशीनमध्ये सुरक्षेचीही खास काळजी घेतली गेली आहे. Do Hiemon Box हा साधरण २० मिनिटांनंतर आपोआप बंद होऊन जातो, ज्यामुळे फार यात थंडाव्याचा ओव्हरफ्लो होत नाही. सामान्य मोबाईल एअर कंडिशनरच्या तुलनेत अंदाजे निम्मी ऊर्जा ही मशीन वापरते असा दावा कंपनीद्वारे करण्यात आला आहे. मशीनच्या खाली चाक बसवण्यात आली आहेत ज्यामुळे फार सहजपणे मशीनला एका ठिकाणाहून दुसऱ्या ठिकाणी हलवता येते.

🚨Japan unveils Human Refrigerator to help workers beat extreme summer heat. pic.twitter.com/p298lrhCdr — Indian Infra Report (@Indianinfoguide) July 23, 2026

‘मित्र’ समजून भरवत होता चिकन, मगरीने जबड्यात पकडले दोन्ही पाय; १ तास चालला संघर्ष…घटनेचा Video Viral

किंमत किती?

चला आता येऊया याच्या किमतीकडे… या ‘ह्यूमन रेफ्रिजरेटर’ला सध्या कंपन्या आणि सरकारी संस्थांना लक्ष्य करून बनवण्यात आले आहे. याची किंमत साधरण १५ लाख जपानी येन म्हणजेच ९,२०० डाॅलर्स इतकी सांगितली जात आहे. या मशीनला डिस्ट्रीब्यूटर्सच्या मदतीने उपलब्ध करुन दिले जाईल. सध्या या मशीनला सामान्य घरातील वापरासाठी तयार करण्यात आलेले नाही. जर हा प्रयोग यशस्वी झाला तर सामान्य घरांसाठीही याला उपलब्ध करुन दिले जाईल.

टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.