(फोटो सौजन्य: Instagram)
व्यक्तीच्या एका चुकीने घराला बनवलं कबुतरखाना, 3 वर्षांनंतर घरी येऊन पाहतो तर… Video Viral
काय आहे प्रकरण?
सदर घटनेची माहिती मिळताच पोलिस घटनास्थळी दाखल झाले. पोलिसांनी शवविच्छेदन केल्यानंतर व्यक्तीचा मृतदेह कुटुबियांच्या ताब्यात दिला. घटनेविषयी माहिती देताना पोलिस अधिकाऱ्यांनी सांगितलं की, मृत २८ वर्षीय पवन कुमार हा दल्लूपुरा गावात आपल्या कुटुंबासह राहत होता. पोलिसांनी न्यू अशोक नगर पोलीस ठाण्यात संबंधित कलमांनुसार गुन्हा दाखल करून तपास सुरू केला आहे. पोलिसांनी मृताच्या चुलत भावाकडून १० काडतुसे आणि एक पिस्तूल जप्त केल्या आहेत. या घटनेचा एक व्हिडिओ मंगळवार सकाळपासून सोशल मीडियावर फिरत आहे. या व्हिडिओमध्ये एक तरुण स्वतःवर गोळी झाडताना दिसतो ज्यानंतर तो जमिनीवर पडतो.
प्राथमिक तपासात असे समोर आले आहे की, ही घटना दल्लूपुरा गावात घडली, जिथे पवन त्याचा चुलत भाऊ हिमांशूसोबत होता. ते दोघे त्यांच्या मोबाईल फोनवर व्हिडिओ शूट करत असताना पवनने हिमांशूचे परवानाधारक पिस्तूल घेतले. चित्रीकरण करत असताना, पिस्तुलातून अचानक गोळी सुटली आणि ती पवनच्या छातीत लागली. या घटनेनंतर, हिमांशूने जखमी पवनला तातडीने रुग्णालयात नेले, जिथे डॉक्टरांनी त्याला मृत घोषित केले. पोलीस घटनास्थळी दाखल झाले आणि त्यांनी पिस्तूल आणि १० जिवंत काडतुसे जप्त केली. हिमांशूचा मोबाईल फोन, ज्यामध्ये घटनेचे व्हिडिओ रेकॉर्डिंग होते, तोही जप्त करण्यात आला. हा निव्वळ अपघात होता की त्यामागे इतर काही कारणे होती, हे निश्चित करण्यासाठी पोलीस घटनेच्या सर्व पैलूंचा तपास करत आहेत. तपासानंतरच घटनेचे सत्य समोर येईल, असे पोलिसांनी म्हटले आहे.
View this post on Instagram
मंगळवार सकाळपासून या घटनेचा व्हिडिओ सोशल मिडियावर शेअर केला जात आहे. व्हिडिओमध्ये पवन व्हिडिओ शूट करताना आचानक त्याच्या पिस्तूलातून गोळा त्याच्या छातीला लागल्याचे दिसून येते ज्यानंतर तो जमिनीवर पडतो. हा व्हिडिओ व्हायरल झाल्यानंतर, पोलिसांनी लोकांना आवाहन केले आहे की, सोशल मीडियासाठी व्हिडिओ शूट करताना कोणत्याही प्रकारचे शस्त्र वापरू नये, कारण थोडासा निष्काळजीपणा देखील जीवघेणा ठरू शकतो.
