खड्यात पडलेल्या पिल्लाला वाचवण्यासाठी आईने केला आक्रोश, माणसांकडे मागितली मदत अन् मग जे घडलं… हृदयस्पर्शी Video Viral

Puppy Resue Video : शेवटी आईच ती...! पिल्लाला खड्यात पडल्याचं पाहताच श्वानाचा जीव कासावीस झाला आणि तिने मदतीसाठी आक्रोश करण्यास सुरुवात केली. व्हिडिओचा शेवट तुम्हाला आनंद देऊन जाईल.

• श्वानाचं पिल्लू खड्यात पडलं
• पिल्लाला वाचवण्यासाठी आईने केला आक्रोश
• शेवटी युवकांनी वाचवला पिल्लाचा जीव

जगात आई इतकं निस्वार्थी प्रेम आपल्यावर कुणीही करत नाही. नऊ महिने आपल्या पोटात वाढवलेल्या तिच्या लेकरासोबत तिची नाळ जोडली जाते आणि जीवनाच्या शेवटापर्यंत ही नाळ तिच्यापासून वेगळी होत नाही. आता आईचे हे प्रेम फक्त माणसांमध्येच दिसून येत नाही तर प्राण्यांमध्येही आईची हिच आणि अशीच माया दिसून येते. प्राणी असो वा पक्षी… आईचं प्रेम आपल्या मुलासाठी अनन्यसाधारण असतं. मुलाला संकटात पाहताच आईचा जीव कासावीस होतो आणि ती आपल्या संपूर्ण शक्तीसह ती त्याला वाचवण्याचा प्रयत्न करु लागते. असाच काहीसा प्रसंग सध्या व्हायरल होत असलेल्या व्हिडिओमध्ये दिसून आला, ज्यात श्वानाचं पिल्लू खड्ड्यात पडताच मादी श्वान आपल्या पिल्लाला वाचवण्यासाठी संघर्ष करताना दिसून आली. चला व्हिडिओत काय घडलं ते जाणून घेऊया.

पाकिस्तानच्या नेत्यांना नाही लाज! पैसे एकाचे पण हात 12 जणांचे, संसदेत घडला हास्यास्पद प्रकार… पाहून सभापतीही हादरले

काय घडलं व्हिडिओत?

व्हायरल होत असलेल्या या व्हिडिओमध्ये दिसून येते की, श्वानाचं एक पिल्लू दोन इमारतींमधील लहानश्या जागेत, अरुंद खड्ड्यात पडलं आहे. पिल्लाला खाली पडलेलं पाहून त्याची आई कासावीस होते आणि मोठमोठ्याने भुंकत मदतीसाठी हाक मारु लागते. शेवटी तिला असं भुंकताना पाहून काही युवक काहातरी घडलं आहे हे पाहण्यासाठी जवळ जातात आणि खड्यात तिचं पिल्लू पडलेलं पाहतात. यानंतर तरुण पिल्लाला वाचवण्यासाठी शोध मोहिम चालू करतात आणि तब्बल साडेतीन तासांच्या मेहनतीनंतर पिल्लाला सुखरुप खड्यातून बाहेर काढलं जातं. ते एका दोरीच्या साहाय्याने त्याला काळजीपूर्वक खड्यातून बाहेर काढतात. व्हिडिओच्या शेवटी पिल्लाला आईच्या स्वाधीन केल्याचे दिसते, ज्यानंतर ती त्याला प्रेमाने चाटू लागते. मानव जेव्हा आपल्या शक्तीचा वापर योग्यरित्या करतो तेव्हा दृश्य घडून येते आणि असेच दृश्य आताच्या व्हिडिओत दिसून आले. श्वानाला एकट्याने पिल्लाला बाहेर काढणं शक्य नव्हतं ज्यामुळे विश्वासाने तिने मानवाची मदत घेतली आणि तरुणांनी तिच्या या विश्वासाला सार्थकी लावलं.

See more

धुरंधर चित्रपट पाहताच व्यक्ती कॅरॅक्टरच्या एवढ्या आहारी गेला की… थिएटरमध्ये करू लागला ‘ते’ कृत्य; प्रेक्षक हादरले; Video Viral 

घटनेचा व्हिडिओ @street_animals47 नावाच्या इंस्टाग्राम अकाऊंटवरून शेअर करण्यात आला आहे. व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “भावांनो, मी तुम्हाला मनापासून सलाम करतो.. देव तुम्हाला आयुष्यभर सुरक्षित ठेवो” तर दुसऱ्या युजरने लिहिले आहे, “सध्याच्या जनरेशनला अशा लोकांची गरज आहे” आणखीन एका युजरने लिहिले आहे, “एका कुत्र्याला वाचवल्याने जग बदलणार नाही, पण त्या एका कुत्र्यासाठी जग कायमचे बदलेल हे निश्चित”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.