मंगळवार, 29 सप्टेंबर 2026
(फोटो सौजन्य: X)
नक्की काय घडलं?
नेपाळच्या मनांग जिल्ह्याचे मुख्यालय असलेल्या चामेमध्ये मुसळधार पावसाने हाहाकार माजवला होता. अशात २७ सप्टेंबर रोजी लोकांना काही समजण्यापूर्वीच जमिन कोसळण्यास सुरुवात झाली ज्यामुळे लोकांमध्ये एकच खळबळ उडाली आणि आपला जीव वाचवण्यासाठी नागरिक आरडाओरड करु लागले. नेपाळच्या मिडिया रिपोर्टनुसार, या भीषण भूस्खलनाचे कारण मार्स्यांगडी नदीत चिखल आणि ढिगाऱ्यांचा पूर येणे हा होता. यामुळे खालच्या भागात मोठा पूर आला आणि गंभीर परिस्थिती निर्माण झाली. तथापि, जिल्हा प्रशासन कार्यालयाने स्पष्ट केलं की, नदी पूर्णपणे बंद झालेली नाही, परंतु पाण्यासोबत मोठ्या प्रमाणात चिखल वाहत असल्याने परिस्थिती अत्यंत गंभीर आहे. प्रशासनाने नागरिकांनी नदीजवळ जाण्यास मनाई केली असून परिस्थिती हाताळण्याचे काम केले जात आहे.
A massive landslide has struck Nepal and the footage is hard to believe It looks like an entire mountain collapsed in seconds pic.twitter.com/P3vUPZMj6X — Surajit (@surajit_ghosh2) September 28, 2026
दरम्यान मागेच नेपाळमध्ये विनाशकारी स्थिती निर्माण झाली होती ज्यात देशाचे मोठे आर्थिक आणि मानवी नुकसान झाले. यातून देश सावरत असतानाच ही नवीन घटना घडून आली. दुसऱ्यांदा घडलेल्या या नैसर्गिक आपत्तीमुळे नेपाळची सुरक्षा आणि हवामान संकटाबद्दल पुन्हा एकदा गंभीर प्रश्न निर्माण झाले आहेत. या घटनेचा व्हिडिओ @surajit_ghosh2 नावाच्या एक्स अकाऊंटवर शेअर करण्यात आला आहे.
टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.
