अनोखी प्री-बुकिंग…! 4 लाख रुपये द्या अन् मृत्यूनंतर फेमस व्यक्तींच्या कबरीशेजारी दफन व्हा, पॅरिस सरकारची नवी ऑफर

Burial Area Booking : मृत्यूनंतर आवडत्या सेलेब्रिटींसोबत दफन व्हा...! पॅरिसमधील स्थानिक प्रशासनाने रहिवाशींसाठी एक खास ऑफर आणली आहे. मुख्य म्हणजे यासाठी लाखो रुपये देखील आकारले जाणार आहेत.

• पॅरिस स्थानिक प्रशासनाची रहिवाशींना खास ऑफर
• पॅरिसवासींना निवडता येणार दफन होण्याची जागा
• किंमत वाचाल ते बोबडी वळेल

सोशल मिडिच्या दुनियेत अनेक नवनवीन घटना आपल्या समोर येत असतात. यातील काही गोष्टी आपल्याला थक्क करतात तर काही आपल्याला आश्चर्याचा धक्का देतात. अशात नुकतीच इंटरनेटवर पॅरिसमधील स्थानिक प्रशासनाची नवी ऑफर प्रचंड व्हायरल होत आहे. यात पॅरिसवासीयांना आता इतिहासातील काही प्रसिद्ध कलाकारांशेजारी दफन होण्याची संधी दिली जात आहे. पण यासाठी त्यांच्याकडून मोठी किंमत देखील आकारली जाणार आहे. चला ही ऑफर नक्की काय आहे आणि यासाठी किती पैसे द्यावे लागणार आहेत ते जाणून घेऊया.

जंगलात राहणाऱ्या शिकाऱ्याने आयुष्यात पहिल्यांदाच चाखली चॉकलेट लॉलीपॉपची चव, दिली अशी रिॲक्शन…. पहा Viral Video

काय आहे प्रकरण?

फ्रान्सची राजधानी पॅरिसमधील स्थानिक प्रशासनाने रहिवाशींसाठी एक खास ऑफर आणली आहे. यानुसार, मृत्यूनंतर आता त्यांना प्रसिद्ध कलाकारांसोबत दफन होण्याची संधी देऊ केली जाणार आहे. यात द डोअर्सचे दिग्गज अमेरिकन गायक जिम मॉरिसन, लेखक ऑस्कर वाइल्ड आणि प्रसिद्ध फ्रेंच गायिका एडिथ पियाफ यांचा समावेश आहे. यात तुम्ही तुमच्या मृत्यूपूर्वीच तुम्हाला कोणत्या सेलिब्रिटिच्या कबरीसोबत दफन व्हायचं आहे ते निवडू शकता. पॅरिसमधील अधिकाऱ्यांनी गेल्या सोमवारी एक लॉटरी सुरू केली, ज्यामध्ये 30 कबरी विकल्या जात आहेत – पेरे-लाचैस स्मशानभूमीत 10, मोंटपार्नासे स्मशानभूमीत 10 आणि मोंटमार्ट्रे स्मशानभूमीत 10.

पॅरिसमधील पेरे-लाचैस, मोंटपार्नासे आणि मोंटमार्ट्रे या तीन स्मशानभूमी गर्दीने भरलेल्या आहेत, परंतु नवीन ऑफर वेगळी आहे. प्रत्येक स्मशानभूमीत दुरुस्तीची आवश्यकता असलेल्या दहा स्मशानभूमींची किंमत 4,000 यूरो (अंदाजे 4 लाख रुपये) आहे. अट अशी आहे की खरेदीदारांना स्मशानभूमींची दुरुस्ती करावी लागेल, ज्यानंतर त्यांना त्यांच्या आवडीच्या व्यक्ती शेजारी दफनभूमीसाठी जागा मिळेल. विशेष म्हणजे, ही जागा खरेदी केल्यानंतर या जागेचा मेंटेनस खर्च देखील त्या व्यक्तीलाच भरावा लागेल. म्हणजेच, चार लाखांवर अतिरिक्त पैसे देखील खरेदीकाराला द्यावे लागतील. पॅरिसमध्ये या ऑफरची जोरदार चर्चा होत असून अनेक लोक ही जागा घेण्यासाठी पुढाकार घेत आहेत.

भयानक! विशालकाय माशाने चक्क जिवंत माणसाला गिळलं, अर्धे शरीर आत तर अर्धे बाहेर… अंगाचा थरकाप उडवणारा Video Viral

बीबीसीच्या वृत्तानुसार, पॅरिस कौन्सिलने म्हटले आहे की, ही योजना मृतांचा आदर करणे आणि रहिवाशांना शहरात दफन करण्याची संधी देणे यामध्ये “तडजोड” करते. पॅरिस शहराच्या हद्दीतील स्मशानभूमींमध्ये सध्या खूप कमी जागा उपलब्ध आहेत, त्यापैकी बहुतेक २० व्या शतकाच्या सुरुवातीपासून भरलेली आहेत. अहवालानुसार, शहर प्रशासन आणि जनतेला आशा आहे की या नवीन कार्यक्रमामुळे प्रसिद्ध स्मशानभूमींमधील स्मारके पुनर्संचयित करण्यास मदत होईल. विशेष म्हणजे, पॅरिसमधील ही स्मशानभूमी तेथे पुरलेल्या लोकांच्या संख्येमुळे लोकप्रिय पर्यटन स्थळे देखील बनली आहेत. अर्ज फक्त सध्या पॅरिसमध्ये राहणाऱ्यांसाठी खुले आहेत.