म्हताऱ्या आई-वडिलांना रस्त्यावर टाकून मुलगा झाला फरार; डोळ्यात अश्रूंच्या धारा अन् Viral Video पाहून संताप अनावर होईल

Heart Touching Video: वृद्ध आईवडिलांना वृद्धाश्रमासमोर सोडत मुलाने दुचाकीवर काढला पळ. दोघांच्या डोळ्यात वाहू लागल्या अश्रूंच्या धारा अन् व्हिडिओतील हे दृश्य तुम्हाला भावुक केल्याशिवाय राहणार नाही.

“ज्याला जन्म दिला, त्या विसरतात, आणि ज्याने जन्म दिला, तो तू पण विसरलास परमेश्वरा, मग आमच्यासारख्या थेरड्यांनी कुठे जायचं रे?” नटसम्राट चित्रपटातील हा डायलॉग तर प्रत्येकानेच ऐकला असावा. आजकालची मुलं मोठी झाली की आपल्या वृद्ध आई वडिलांना ओझं समजू लागतात आणि त्यांना घराबाहेर काढत स्वतः ऐशोआरामात राहण्याची स्वप्न बघत राहतात. असेच एक हृदयद्रावक दृश्य सध्या सोशल मीडियावर मोठ्या प्रमाणात व्हायरल झाले आहे. व्हिडिओत मुलगा आपल्या आई वडिलांना वृद्धाश्रमात घेऊन येतो मात्र जेव्हा वृद्ध जोडपं आपल्या मुलाला सोडायला तयार होत नाही तेव्हा मुलगा त्यांचे कपडे रस्त्यावर फेकत दुचाकीवर स्वार होऊन तेथून पळ काढतो.

भुकेल्या हत्तीची दुकानात एंट्री; अन्नाचा साठा पाहून खुश झाला अन् क्षणातच 2 पोती तांदळाचा फडशा पाडला; मजेदार Video Viral

काय दिसलं व्हिडिओत?

व्हायरल होत असलेल्या या व्हिडिओमध्ये आपण पाहू शकता, यात एका मुलगा आपल्या वृद्ध आई वडिलांना दुचाकीवर बसवून घेऊन आल्याचे दिसून येते. यांनतर तो वृद्धाश्रमाच्या बाहेर आपली गाडी थांबवतो आणि आपल्या आई वडिलांना खाली उतरवत वृद्धाश्रमात जाण्यास सांगतो. वृद्ध आई-वडील मुलाला सोडण्यास काही तयार नसतात ते वारंवार मुलाला थांबवण्याचा प्रयत्न करतात मात्र मुलगा त्यांच्या विनवण्या ऐकत नाही आणि त्यांचे सामान रस्तावर फेकून दुचाकीवर पसार होतो. कठीण काळात मुलाने असे रस्त्यावर टाकल्याचे आई-वडिलांच्या जीवाला लागते ते ढसाढसा रडू लागतात. हे संपूर्ण दृश्य इतकं मन हेलवणारं आहे की ते पाहून कुणाचंही काळीज पिळवटून निघेल.

दुनिया गई भाड़ में, हम दोनों प्यार में! रस्त्यावर घेतलं आलिंगन अन् लागली गाड्यांची लांबच रांग; लोक म्हणाले,”हा तर Fevicol चा जोड”

घटनेचा व्हिडिओ @abdul aziz नावाच्या युट्युब अकाऊंटवर शेअर करण्यात आला आहे. व्हिडिओच्या कॅप्शनमध्ये, ‘मुलाने वृद्ध आईवडिलांना वृद्धाश्रमासमोर सोडले’ असे लिहिले आहे. व्हिडिओ मोठ्या प्रमाणात सोशल मीडियावर व्हायरल होत असून अनेकांनी व्हिडिओच्या कमेंट सेक्शनमध्ये घटनेवर आपल्या प्रतिक्रिया व्यक्त केल्या आहेत. एका युजरने लिहिले आहे, “मी आणि माझ्या पतीने ठरवलं की काहीही झालं तरी आम्ही माझ्या सासरच्या लोकांसोबत असं कधीच होऊ देणार नाही” तर दुसऱ्या युजरने लिहिले आहे, “आज तू एका मोठ्या माणसाला रडवलेस, जरी मी त्यांना ओळखत नसलो तरी, यामुळे माझ्या हृदयाचे दोन तुकडे झाले”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत योग्य नाही वा आमचा कोणताही दावा नाही.