आता रोबोट देणार आध्यात्माचा सल्ला! दक्षिण कोरियातील ‘रोबोटिक भिक्षू’ची जगभरात चर्चा; हात जोडले अन्… Viral Video ने वेधले लक्ष

Robot Monk : तंत्रज्ञान आणि अध्यात्माचा अद्भूत संगम! दक्षिण कोरियात दिसून आला जगातील पहिला रोबोटिक भिक्षु. धार्मिक कपडे घालत त्याने बौद्ध दीक्षा घेतली अन् रोबोटच्या या व्हिडिओने सर्वांचेच लक्ष वेधून घेतले.

• दक्षिण कोरियात तंत्रज्ञान आणि अध्यात्माचा अनोखा संगम पाहायला मिळाला आहे.
• रोबोटिक भिक्षूच्या अनावरणानंतर जगभरात AI आणि धर्म यावर चर्चा सुरू झाली आहे.
• तरुण पिढीला धार्मिक परंपरांशी जोडण्यासाठी रोबोटचा वापर केला जात असल्याचे समोर आले.

जगभरात आता तंत्रज्ञानाचा वापर वेगाने वाढत चालला आहे. उद्योग, शिक्षण आणि कार्यालयांमध्ये याचा वापर केला जात असून आता आध्यात्मातही रोबोटचा वापर केला जाणार असल्याची घटना समोर आली आहे. श्रद्धा आणि तंत्रज्ञानाचा हा अद्भूत संगम दक्षिण कोरियात घडून आला आहे. याचा व्हिडिओ देखील सोशल मिडियावर शेअर करण्यात आला आहे ज्याची जगभर आता चर्चा होत आहे. व्हिडिओमध्ये काही भिक्षू आणि रोबोट एकत्र दिसून आले. रोबोटने यात हात देखील जोडल्याचे दिसले.

मृत्यू कधी कसा होईल सांगता येत नाही! कुरकुरीत भजी खायला गेला अन् दुकानासमोरच व्यक्तीने सोडले प्राण, घटनेचा लाइव्ह Video Viral

दक्षिण कोरियामध्ये बौद्ध रोबोट बनला भिक्षू

दक्षिण कोरियाची राजधानी सेऊल येथील प्रसिद्ध जोग्येसा मंदिरात ‘गाबी’ नावाच्या १३० सेंटीमीटर उंचीच्या रोबोटिक भिक्षूचे अनावरण करण्यात आले. तंत्रज्ञान आणि धर्माच्या या अनोख्या संगमाने जागतिक पातळीवर सर्वांचेच लक्ष वेधले. व्हिडिओमध्ये रोबोटने पारंपरिक बौद्ध पोशाख परिधान केल्याचे दिसले. त्याने प्रार्थना केली आणि “मी स्वतःला बौद्ध धर्माला समर्पित करतो” असे म्हणत बौद्ध दीक्षाही घेतली. या घटनेला आता धर्म आणि कृत्रिम बुद्धिमत्तेचे एक अनोखे मिश्रण मानले जात आहे.

दरम्यान अशीच एक घटना जपानमध्येही घडली. जपानमधील क्योटो येथील एका ४०० वर्षे जुन्या जैन मंदिरात तरुणांना आकर्षित करण्यासाठी ‘कन्नोन’ नावाचा रोबोट बसवण्यात आला. हा रोबोट लोकांना बौद्ध धर्माची माहिती आणि शिकवण देतो. हा रोबोट जपानी भाषेत शिकवण देतो.

See more

WATCH | ROBOT converts to BUDDHISM in South Korea The robot was given the Buddhist name “Gabi,” dressed in traditional robes, joined the rituals, and symbolically promised to follow the Buddhist path. pic.twitter.com/EiyYQ2iHSL — The Page Z (@ThePageZ_) May 7, 2026

Video Viral : खरा खजिना तर इथे दडलाय…! डॉलर्सच्या नोटांनी सजवलं संपूर्ण रेस्टॉरंट; लोक म्हणाले, ‘हे तर पैशांचं संग्रहालयच’

भविष्यात रोबोट धर्मगुरु बनू शकतो का?

• धर्म आणि अध्यात्म क्षेत्रात रोबोटचे आगमन अनेक सकारात्म पैलू घेऊन येतो. यामुळे पारंपारिक धार्मिक प्रथा तरुण पिढीला सोप्या पद्धतीने शिकवता येतात.
• याच्या मदतीने धार्मिक कथांना आणि परंपरेला जीवंत ठेवता येऊ शकते.
• प्रथांपासून अधिकाधिक दुरावलेल्या तरुण पिढीला एआयच्या मदतीने जवळ आणण्यास मदत होईल.
• आता रोबोट धर्मगुरुची खरंच गरज आहे का यावर बोलणे केले तर काही अंशी ही गरज असल्याचे स्पष्ट होते.
• जपानमध्ये बौद्ध भिक्षूंची संख्या सातत्याने घटत आहे ज्यामुळे धार्मिक जबाबदाऱ्या सांभाळण्यासाठी रोबोटची मदत घेतली जाऊ शकते.
• रोबोट अनेक क्लिष्ट कथा सोप्या भाषेत समजावून सांगू शकतो जे सामान्यांना सहज समजेल.
• तथापि, तज्ञ यावरही सहमत आहेत की, रोबोट्स प्रवचन देण्यास सक्षम असले तरी, ते माणसांप्रमाणे करुणा, दयाळूपणा, भावना किंवा आध्यात्मिक अनुभव घेऊ शकत नाहीत.