Video Viral : ३ कोटींच्या नोटांनी सजले ‘बाप्पा’! तेलंगणातील ‘हे’ मंदिर पाहून डोळ्यांचे पारणे फिटेल; मुकुट अन् माळेवरही नोटाच नोटा

Video Viral : गणेशोत्सवादरम्यान गणेशाच्या मूर्तीलाच नाही तर पंडालाला देखीस पैशांच्या नोटांनी करण्यात आली सजावट. जिकडे पहावं तिकडे दिसत होत्या फक्त नोटाच नोटा... या अनोख्या सजावटीचा व्हिडिओ सोशल मिडियावर व्हायरल होत आहे.

• कोट्यवधी रुपयांच्या नोटांनी सजवला गणरायाचा पंडाल
• अनोख्या सजावटीचा व्हिडिओ सोशल मीडियावर व्हायरल
• नोटांच्या सजावटीवर यूजर्सच्या संमिश्र प्रतिक्रिया

भगवान गणेशाच्या सजावटीचे अनेक व्हिडिओज तुम्ही आजवर पाहिले असतील. गणेश पंडालात गणपतीच्या अनोख्या सजावटीवर फार लक्ष दिले जाते. निरनिराळ्या सजावटीत मोठ्या थाटात विराजमान झालेल्या गणेशाचे अनेक सुंदर दृष्य सोशल मिडियावर शेअर करण्यात आले आहेत. अशातच एक नवीन व्हिडिओ इथे व्हायरल झाला आहे ज्यात गणपतीचे सुंदर, मनमोहक आणि पैशांच्या असंख्य नोटांनी नटवण्यात आलेले रुप पाहायला मिळाले. साधरण कोट्यवधीहून अधिक नोटांनी या मूर्तीला सजवण्यात आले होते जे पाहून अनेकांचे डोळे दिपले. माहितीनुसार, तेलंगणा राज्यातील बापुजी नगरमध्ये गणेशाची ही अनोखी सजावट करण्यात आली होती.

Mumbai Women Safety: ना टोमणे, ना त्रास… बाईकस्वार तरुणीसाठी मुंबईकरांनी केलं असं काही, देशभर कौतुक!

2 कोटींहून अधिक नोटांचा वापर

भगवान गणेशाच्या सजावटीसाठी अनेकांनी वेगवेगळी थीम रचली आणि यातच एका ठिकाणी कोट्यवधी पैशांच्या नोटांनी गणेशाची मूर्ती सजवण्यात आल्याचे दिसून आले. सांगितले जात आहे की, या सजावटीसाठी २.९० कोटी नोटांचा वापर करण्यात आला होता. दावा केला जात आहे की, या सर्व नोटा बँका, व्यापारी आणि भाविकांनी दिलेल्या देणग्यांमधून जमा करण्यात आल्या होत्या. तेलंगणातील पलवंचा येथे गणेशाच्या सजावटीचे हे अनोखे आणि दिपवून टाकणारे दृष्य पाहायला मिळाले. या सजावटीतूनच आपण लोकांची अस्सीम श्रद्ध पाहू शकतो. तथापि, काहींनी इतक्या खर्चाकडे पाहत खोचक टिका देखील व्यक्त केल्या आहेत. देशात गरीबी वाढत असताना असे देवाच्या सजावटीवर कोट्यवधी रुपये खर्च करणे अनेकांना पटले आहे. या पैशांत गरिबांना भरपेट जेवण खाऊ घालता आलं असतं असं अनेकांच म्हणणं आहे.

खरंतर तेलंगणामध्ये दोन ठिकाणी ही पैशांची सजावट करण्यात आली आहे. एक सजावट कापू समाजाने केली असून, त्यांनी १.४ कोटी रुपयांच्या चलनी नोटांनी ती सजवली आहे. पलवंचा येथे बाप्पाची मूर्ती १.५ कोटी रुपयांच्या चलनी नोटांनी झाकण्यात आली. व्हिडिओमध्ये गणेशाच्या मूर्तीला पैशांच्या नोटांनी सजवल्याचे दृष्य दिसते. मुख्य म्हणजे, गणेशाची फक्त मूर्तीच नाही तर त्याचा पंडाल देखील पैशांच्या नोटांनी सजवण्यात आला होता.

Viral Wedding Video: फायर गनची मस्ती पडली महागात! भर मंडपात नवरीच्या केसांना आग, Video Viral

दरम्यान गणेशाचा सजावटीचा हा व्हिडिओ आता सोशल मिडियावर चांगलाच व्हायरल होत असून अनेक यूजर्सने याच्या कमेंट सेक्शनमध्ये यावर आपल्या प्रतिक्रिया व्यक्त केल्या आहेत. एका यूजरने म्हटले की, “भक्तीची कल्पना वेगळी आहे, पण इतक्या पैशांचा वापर नको करायला हवा होता”, दुसऱ्या युजरने लिहिले आहे, “गोरगरिबांना मदत करण्यासाठी यांचे हात वर येत नाही आणि धार्मिक विधीत व्यर्थ खर्च करण्यासाठी हे सर्वात पुढे असतात”, आणखी एका यूजरने लिहिले आहे, “यामुळेच देशात गरीबी कमी होत नाहीये”.

टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.