अरे बापरे! डोकं फुटलं तर डॉक्टरांनी टाक्यांच्या ऐवजी जखमेवर लावली स्टेपलर पिन; धक्कादायक घटनेचा Video Viral

Shocking Viral Video : गावच्या डॉक्टरांनी केला अजब-गजब उपचार. डोकं फुटलं म्हणून त्यावर टाके नाही तर चक्क स्टेपलर पिन लावून टाकली. घटनेचा व्हिडिओ आता सर्वांनाच गोधळात टाकत आहे.

• बिहारमध्ये जखमेवर टाक्यांऐवजी स्टेपलर पिन लावल्याचा दावा करणारा व्हिडिओ व्हायरल.
• व्हिडिओमध्ये व्यक्तीच्या डोक्यावर तीन पिन दिसत असल्याने चर्चेला उधाण.
• घटनेनंतर उपचार पद्धतीवर प्रश्न, सोशल मीडियावर जोरदार प्रतिक्रिया.

आपल्याला कोणती दुखापत झाली की आपण ती ठीक करायला डाॅक्टरांजवळ जातो. डाॅक्टर आपली स्थिती बघून त्यावर योग्य ते उपचार करतात. अशातच आता अलिकडे डाॅक्टरांच्या अजब-गजब प्रकाराचा व्हिडिओ शेअर करण्यात आला आहे. घटना बिहारची असून इथे एका व्यक्तीला डाॅक्टरांनी जखमेवर टाके बसवण्याच्या जागी चक्क स्टेपलर पिना बसवल्याचा दावा करण्यात आला आहे. व्हिडिओमध्ये आपल्याला व्यक्तीच्या डोक्यावर एक जखम दिसते ज्यावर उपचार करण्यात आले आहेत पण ते करताना त्या जखमेवर चक्क स्टेपरच्या पिना लावण्यात आल्या. चला या घटनेविषयी सविस्तर जाणून घेऊया.

काय दिसलं व्हिडिओत?

व्हिडिओमध्ये दावा करण्यात आला आहे की, घटना बिहारच्या नवादा जिल्ह्यातील वारसालीगंज पोलिस स्टेशन परिसरात घडून आली आहे. व्हिडिओमध्ये एका माणसाच्या डोक्याला तीन स्टेपलर पिन चिकटलेले दिसतात. व्हिडिओ काढणारा माणूस जेव्हा त्या व्यक्तीला याविषयी विचारतो तेव्हा तो स्पष्ट करतो की, डोक्याला दुखापत झाल्यानंतर तो गावातील एका डाॅक्टरकडे जातो आणि डाॅक्टर हे कृत्य करतो. सहसा, अशा प्रकरणांमध्ये, डॉक्टर डोके टाके घालून जखम बरी करण्याचा प्रयत्न करतात, परंतु या प्रकरणात मात्र काहीतरी वेगळाच प्रकार दिसून आला ज्याने सर्वांनाच गोंधळात टाकले. या घटनेमुळे आता उपचार पद्धतींवर प्रश्न उपस्थित केले जात आहेत.

हा व्हिडिओ @ShivaInSaffron नावाच्या एक्स अकाऊंटवरून शेअर करण्यात आला आहे. व्हिडिओच्या कॅप्शनमध्ये लिहिण्यात आले आहे की, ‘बिहारमधील एका डॉक्टरने केलेले धक्कादायक कृत्य समोर आले आहे. जखमी रुग्णाच्या डोक्याला टाके देण्याऐवजी त्याला स्टेपलर पिन देण्यात आली. ही घटना नवादा जिल्ह्यातील वारसालीगंज पोलीस स्टेशन परिसरात घडल्याचे वृत्त आहे. या घटनेनंतर उपचार पद्धतीवर प्रश्न उपस्थित केले जात आहेत आणि कारवाईची मागणी तीव्र झाली आहे.’

See more

बिहार में एक डॉक्टर की हैरान कर देने वाली करतूत सामने आई है, घायल मरीज के सिर पर टांके लगाने की जगह स्टेपलर पिन लगा दिया गया; मामला नवादा जिले के वारिसलीगंज थाना क्षेत्र की बताई जा रही है, मामला सामने आने के बाद इलाज के तरीके पर सवाल उठ रहे हैं और कार्रवाई की मांग तेज हो गई है!! pic.twitter.com/98SKTdHeQB — 𝚂𝚑𝚒𝚟𝚊 📿 (@ShivaInSaffron) March 13, 2026

दिल्लीत पुन्हा आगीचं तांडव, शेख सराईतील इमारत आगीत जळून खाक; भीषण घटनेचा Video Viral

व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “अज्ञानाची पराकाष्ठा. भाऊ, जग पुढे गेले आहे, तुम्ही कुठे मागे पडला आहात?” तर दुसऱ्या युजरने लिहिले आहे, “आजकाल, धाग्यासोबत अशाप्रकारचीही स्टिचिंग केली जात आहे, कदाचित ते स्टेपलर पिन नाही आहे” आणखीन एका युजरने लिहिले आहे, “तो आरक्षणातून डॉक्टर झाला असावा”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.