“बाबा माझा 11 वर्षांपासून बॉयफ्रेंड आहे”! मुलीच्या प्रेमसंबंधावर वडिलांची गोड प्रतिक्रिया म्हणाले, बेटा… ; Video Viral

Father Daugher Heart Touching Video : राग नाही, विरोध नाही… मुलीच्या प्रेमाचा वडिलांनी केला आनंदाने स्वीकार. वडिलांच्या गोड प्रतिसादाने मुलीच्या डोळ्यात आनंदाश्रू आणले तर इंटरनेटवर अनेकांची मने जिंकली.

• मुलीने वडिलांना दिली ११ वर्षांपासून बॉयफ्रेंड असल्याची कबुली
• रागावण्याऐवजी वडिलांनी प्रेमाने मुलीच्या नात्याचा स्वीकार केला
• वडिलांच्या प्रतिक्रियेने सर्वांचेच मन जिंकले आहे

वडिल-मुलीचे नाते जगावेगळे असते. यात प्रेम असते, विश्वास असते, आपुलकी असते आणि असते ती एकमेकांसाठीची काळजी आणि आदर! जगासाठी कठोर असणारा आपला बाप मुलीसमोर मात्र जरा झुकतोच, तिच्या आनंदासाठी वाटेल ते करायला तो तयार असतो. अलिकडेच मुला-मुलीच्या प्रेमसंंबंधाच्या घटनांमध्ये वाढ झाली आहे. मुलं आपल्या मर्जीने आपल्या जोडीदाराची निवड करतात आणि आपलं संपूर्ण आयुष्य त्या व्यक्तीसोबत घालवण्याचा निर्णय घेतात. पण जिथे प्रेम आहे तिथे थोडा संघर्ष हा असतोच.

पतीने पत्नीला हॉटेलमध्ये मित्रासोबत रंगेहाथ पकडलं, डोळ्यात भरले अश्रू अन् म्हणाला, “लग्नाच्या 15 वर्षात… “; Video Viral

अनेकदा आपण पाहिलं किंवा ऐकलं असेल की खऱ्या प्रेमाला कधीही घरच्यांकडून मान्यता मिळत नाही. जात, धर्म, समाज या सर्वांचा विचार करत अनेकदा कुटुंबाकडून प्रेमविवाहाला मान्याता मिळत नाही. पण अलिकडेच व्हायरल झालेल्या या व्हिडिओमध्ये एक सुंदर दृश्य दिसले ज्यात मुलगी आपल्या बाॅयफ्रेंडविषयी वडिलांना सांगताना दिसली. आश्चर्याची गोष्ट म्हणजे हे ऐकूण वडिल अजिबात नाराज होत नाही तर आयुष्याचे चार बोल तिला ऐकवत ते आनंदाने तिच्या या नात्याचा स्वीकार करतात. अनेकांना वडिलांचे विचार आणि त्यांचा समजूतदारपणा भाळतो आणि लोक वेगाने व्हिडिओला शेअर करु लागतात. चला व्हिडिओत नक्की काय घडलं ते जाणून घेऊया.

काय घडलं व्हिडिओत?

व्हायरल होत असलेल्या या व्हिडिओमध्ये, मुलगी तिच्या वडिलांचा हात धरून दिसते, यावेळी ती खूप घाबरलेली दिसते. मग, थोडे धाडस करून ती तिच्या वडिलांना म्हणते, ” बाबा, मला तुम्हाला काहीतरी सांगायचे आहे. माझा ११ वर्षांपासून एक बॉयफ्रेंड आहे.” यावर मुलीच्या वडिलांची प्रतिक्रिया पाहण्याजोगी ठरते. अशा प्रकरणांमध्ये पालकांनी रागावणे अपेक्षित असले तरी, मुलीच्या वडिलांनी जे सांगितले त्याने इंटरनेटवर सर्वांचे मन जिंकले. ते मोठ्या प्रेमाने म्हणाले, “हे प्रत्येकाच्या बाबतीत घडते. काळजी करण्याचे काय कारण आहे?”. वडिलांकडून हे ऐकून मुलीला अश्रू अनावर झाले आणि हे अश्रू भीतीचे नव्हते तर आनंदाचे होते. वडिलांनी तिला ही चांगली बातमी सांगितली आणि सांगितले की दोन्ही मुले आता स्वावलंबी झाली आहेत आणि स्वतःचे निर्णय स्वतः घेऊ शकतात.

See more

बाल्कनीत आले अन् प्रदूषणाला बळी पडले, समोरचे सर्वच दिसेनासे झाले… दिल्ली-नोएडातील भयानक वास्तव समोर; Video Viral

मुलीच्या वडिलांनी सांगितले की धर्म, जात किंवा पैसा त्यांच्यासाठी महत्त्वाचा नाही. सर्वात महत्वाची गोष्ट म्हणजे मुलगा एक चांगला माणूस असावा आणि त्यांच्या सुंदर मुलीला आनंदी ठेवावे. ते म्हणाला, “मला माझ्या मुलीच्या निवडीवर पूर्ण विश्वास आहे.” वडिलांच्या या शब्दाने फक्त मुलीलाचं नाही तर सोशल मिडियावरील सर्वच यूजर्सना आनंद दिला. कुटुंबाचा सपार्ट मनाला सुखावून जातो. वडिलांच्या कृतीने फक्त मुलीचेच नाही तर यूजर्सचेही मन जिंकले. त्यांच्या विचारसरणीचे अनेकांनी काैतुक केले आणि प्रत्येक पालकाने असा विचार करावा अशी इच्छा काहींनी व्यक्त केली. घटनेचा हा व्हिडिओ मुलीच्या अधिकृत @driiiishtiiii या इंस्टाग्राम अकाऊंटवरून शेअर करण्यात आला आहे.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.