शिकाऱ्याचीच केली शिकार! नूडल्सप्रमाणे सापाला एका झटक्यातच गिळलं अन् किंग कोब्राच्या भयानक शिकारीचा Video Viral

King Cobra Hunting Snake : काही सेकंदातच किंग कोब्राने सापाला केलं गिळंकृत, डोळ्यातील ती ईर्षा अन् शिकारीचा थरार पाहून तुम्हीही व्हाल अवाक्. याचा व्हिडिओ इंटरनेटवर आता जोरदार व्हायरल होतोय.

• किंग कोब्राने केली सापाची शिकार
• शिकारीचे दृश्य सोशल मीडियावर झाले आज व्हायरल
• दृश्य पाहून बसेल आश्चर्याचा धक्का

जंगलातील अनेक दृश्य सोशल मिडियावर दररोज शेअर केले जातात. इथे कधी शिकारीचे दृश्य शेअर होतात तर कधी अनोखे जुगाड, इथे बऱ्याचदा असे दृश्य शेअर होतात जे पाहताच आपल्याला आश्चर्याचा धक्का बसेल. सध्या सोशल मिडियावर किंग कोब्राच्या शिकारीचा व्हिडिओ शेअर करण्यात आला आहे ज्यात त्याने सापाची शिकार केल्याचे दिसून आले. साप हा जंगलातील विषारी आणि धोकादायक प्राणी मानला जातो. त्याच्याच जातीतला दुसरा प्राणी म्हणजे किंग कोब्रा… व्हिडिओमध्ये किंग कोब्रा सापाला नूडल्यप्रमाणे गिळताना दिसला, त्याची ही शिकार इतकी भयानक होती की पाहून सर्वच थक्क झाले. चला व्हिडिओबाबत सविस्तर माहिती जाणून घेऊया.

ही मुलं तर जास्तच खतरनाक निघाली… त्रास देणाऱ्या उंदराला पकडलं अन् थेट रश्शीवरच लटकवलं; Video Viral

काय दिसलं व्हिडिओत?

सोशल मिडियावर वेगाने व्हायरल होत असलेल्या या व्हिडिओमध्ये, किंग कोब्रा सापाची शिकार करताना दिसून आला. त्याने आपल्या तोंडात सापाला पकडले असून एका नूडल्यप्रमाणे तो सापाला गिळण्याचा प्रयत्न करत असतो. आश्चर्याची गोष्ट म्हणजे, अवघ्या काही सेकंदातच तो सापाला गिळंकृत करुन टाकतो. एका लाकडी पेटीच्या आत किंग कोब्रा बसलेला असतो आणि जमिनीवर पडलेल्या सापाला आपल्या तोंडात पकडून तो आत खेचण्याचा, त्याची शिकार करण्याचा प्रयत्न करत असतो. किंग कोब्राचा ७५ टक्क्यांहून अधिक आहार हा इतर सापांवर अवलंबून असतो. ते लहान अजगरांना आपली शिकार बनवण्याचा प्रयत्न करतात. हा धोकादायक साप १०-१२ फूट लांबीपर्यंतच्या भक्ष्याला सहज गिळू शकतो.

See more

चिमुकलीच्या निरागसतेवर चोरही पिघळला, चोरीचं सर्व सामान वडिलांना केलं परत… लोक म्हणाले, “क्या चोर बेनेगा तू”; Video Viral 

हा व्हायरल व्हिडिओ @jayprehistoricpets नावाच्या एक्स अकाऊंटवरून शेअर करण्यात आला आहे. व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “मला डेंजर नूडल्स खूप आवडतात, त्यामुळे साप खाताना पाहणे खूप छान आहे” तर दुसऱ्या युजरने लिहिले आहे, “याला पचायला किती दिवस लागतील” आणखीन एका युजरने लिहिले आहे, “तो कोणत्या सापाला खात आहे”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.