आश्चर्यच! जीव वाचवण्यासाठी जंगलाचा राजा पळाला आणि थेट झाडावरच जाऊन बसला... पाहून सर्वांनाच बसला धक्का; Video Viral
काय घडलं व्हिडिओत?
व्हायरल होत असलेल्या या व्हिडिओमध्ये, सिंह आपल्याला म्हशीला घाबरवताना आणि तिच्याशी लढताना दिसून येतो. पण पुढच्याच क्षणी त्याच्या ध्यानात येते की, म्हैस एकटी नसून म्हशींचा संपूर्ण कळप तिथे उपस्थित आहे. सिंह हल्ला करण्याचा प्रयत्न करत असतानाच म्हशी एकत्र येतात आणि त्याच्याकडे धाव घेतात, त्यांच्या शिंगांनी ते सिंहाला घाबरवतात आणि सिंह त्याच्यांपासून दूर पळू लागतो. जेव्हा त्याला समजतं की आपण कळपासोबत लढू शकत नाही तेव्हा जोरात पळत झाडावर जाऊन बसतो. व्हिडिओत खाली म्हशींचा कळप आणि झाडावर बसलेला सिंह स्पष्ट दिसून येतो. कधीकधी एकतेचे बळ कोणत्याही मोठ्या गोष्टीवर कसे मात करु शकते हे आपल्याला यातून दिसते.
That was the first time I had ever seen a fully grown male lion way up in a tree 😂🦁 Look at him—trying his hardest to look majestic while hiding to save his life! 😂 pic.twitter.com/0nI7CYXF84 — Beauty of music and nature 🌺🌺 (@Axaxia88) February 6, 2026
हा व्हिडिओ @Axaxia88 नावाच्या एक्स अकाऊंटवरून शेअर करण्यात आला आहे. व्हिडिओला मजेदार कॅप्शन देण्यात आले असून यात लिहिले आहे की, ‘एका पूर्ण वाढ झालेल्या नर सिंहाला झाडावर इतक्या उंचावर पाहण्याची ही माझी पहिलीच वेळ होती. त्याच्याकडे बघा – जीव वाचवण्यासाठी लपून बसलेला असतानाही, तो रुबाबदार दिसण्याचा पुरेपूर प्रयत्न करत आहे!’. व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “तो हुशार आहे. त्या म्हशी काही सामान्य नाहीत.” तर दुसऱ्या युजरने लिहिले आहे, “कधी टिकवून ठेवायचं आणि कधी सोडून द्यायचं हे तुम्हाला माहित असलं पाहिजे”.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.
.png "Videos"){kind=small}
