पिटबुलचा 6 वर्षांच्या चिमुकल्यावर भयानक हल्ला, फरफटत रस्त्यावर ओढलं अन्…थरारक Video Viral

Pitbull Attack On Child : मालकाच्या तावडीतून पळून पिटबुलने चिमुकल्यावर चढवला हल्ला. संपूर्ण रस्त्यावर चिमुकल्याला फरफटवलं अन् व्हिडिओतील दृश्ये तुमच्या अंगावर काटा आणतील.

• पिटबुलने केला चिमुकल्यावर हल्ला
• मुलाला गंभीर दुखापत झाली आहे
• कुटुंबियांनी पोलिस ठाण्यात प्रकरणाची तक्रार दाखल केली आहे

पिटबुल ही एक कुत्र्यांची जात आहे. हे कुत्रे जितके निष्ठावान असतात तितकीच त्यांची दहशतही फार लोकप्रिय आहे. मागील काही काळापासून मुंबई, दिल्लीसारख्या शहरांमध्ये पिटबुल हल्ल्याच्या घटना फार वाढल्या आहेत. याचे अनेक व्हिडिओजही सोशल मिडियावर शेअर केले जातात. यातीलच एक थरारक व्हिडिओ मागे इंटरनेटवर शेअर करण्यात आला होता ज्यात पिटबुलने एका श्वानाचे शरीर अक्षरश: फाडून काढल्याचे दिसून आले. अशातच आता पुन्हा एकदा त्याची दहशत इंटरनेटवर शेअर करण्यात आली असून यावेळी त्याने एका 6 वर्षांच्या मुलावर हल्ला चढवल्याचे दिसून आले. चला व्हिडिओत नक्की काय घडलं ते सविस्तर जाणून घेऊया.

गर्लफ्रेंडला भेटायला गेला होता बॉयफ्रेंड, घरच्यांनी पकडताच बिल्डिंगमधून उडी मारली अन् असा पळ काढला की… Video Viral

काय घडलं व्हिडिओत?

दिल्लीतील प्रेम नगर भागात ही घटना घडली. एक चिमुकला आपल्या घराबाहेर चेंडूने खेळत होता. यावेळी शेजारच्या पाळीव पिटबुलची नजर त्याच्यावर पडली आणि त्याने लगेच चिमुकल्यावर हल्ला चढवला. या हल्ल्यात चिमुकल्याच्या डोक्यावर आणि कानावर गंभीर जखमा झाल्या. घराजवळ घडलेली ही संपूर्ण घटना सीसीटीव्हि कॅमेरात कैद झाली आणि हे फुटेज सोशल मिडियावर शेअर करण्यात आले. व्हिडिओमध्ये तुम्ही पाहू शकता यात एक मुलगा रस्त्यावर खेळत असतानाच मालकाच्या जवळून पळ काढत पिटबुल त्याच्यावर हल्ला चढवताना दिसून येतो. तो चिमुकल्याला ओढत रस्त्यावर फरफटत नेतो. पुढे तो काही करेल याआधीच त्याची मालकीन त्यांच्या दिशेने धावत येते आणि पिटबुलला चिमुकल्यापासून वेगळे करते. मुलाला रुग्णालयात दाखल केले असून सध्या त्याची प्रकृती चिंताजनक आहे. माहितीनुसार, या घटनेनंतर कुटुंबाने पोलिसांमध्ये तक्रार दाखल केली असून पिटबुलच्या मालकाला आता अटक करण्यात आली आहे. स्थानिक रहिवाशांनी आरोप केला आहे की, या कुत्र्याने यापूर्वीही अनेक वेळा परिसरातील लोकांना धमकावले आहे आणि जखमी केले आहे.

See more

Pitbull attacks 6-year-old in Delhi’s Prem Nagar, bites off the child’s ear. The owner of the dog has been arrested. The incident took place on Sunday evening, when the child was playing outside his house. pic.twitter.com/jl1LKmndY8 — Vani Mehrotra (@vani_mehrotra) November 24, 2025

हवेत गरुडांचा थरारक खेळ, आकाशातच एकमेकांना शिकार हँडओव्हर करताना दिसले… पाहून सर्वांचेच डोळे विस्फारले; Video Viral

हा व्हायरल व्हिडिओ @vani_mehrotra नावाच्या एक्स अकाऊंटवरून शेअर करण्यात आला आहे. व्हिडिओला आतापर्यंत हजारो व्युज मिळाल्या असून अनेक युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “देनेहमीच कुत्र्यांचे मालक.. अहंकारी बेजबाबदार आणि अज्ञानी असतात. ते त्यांना खायला घालतात आणि कुत्रे इतरांना चावतात. मालक म्हणून त्यांनी घेतलेली जबाबदारी शून्य” तर दुसऱ्या युजरने लिहिले आहे, “तरीही त्यांच्यावर बंदी का नाही, दरवर्षी तेच प्रकरण सुरू राहते, कुत्र्याने मालकालाच चावावे अशी इच्छा आहे” आणखीन एका युजरने लिहिले आहे, “त्या असुरक्षित कुत्र्यांवर बंदी का घालू नये?”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.