नवविवाहित जोडप्याला रोहित शर्माचं अनोखं गिफ्ट! वर्क आऊटदरम्यान केला भन्नाट डान्स, हिटमॅनला पाहून वराने जोडले हात; Video Viral
काय दिसलं व्हिडिओत?
सध्या लग्नाचा सीजन सुरु असून मुंबईतही अशाच एका जोडप्याचं लग्न सुरु होतं. जाेडप्याच फोटोशूट जिथे सुरु होत त्याच ठिकाणी हिटमॅन देखील एका इमारतीत आपलं वर्कआऊट करत होता. रोहितने खिडकीतून जोडप्याला खाली फोटोशूट करताना पाहिलं ज्यानंतर त्याने त्यांना सरप्राईज देण्याचा निर्णय घेतला. त्याने ‘आज मेरे यार की शादी है’ गाण वाजवत, स्पीकर हातात घेऊन मनसोक्त डान्स केला. त्याच्या या डान्सने सर्वांनाच हसवलं तर जोडप्याचा खास दिवस आणखीनच अविस्मरणीय बनवला. रोहितच्या शर्माच्या या व्हिडिओने त्याच्या फॅन्सना फारच खुश केलं, त्याच्या या कृतीवर सर्वच भाळले आणि लोकांनी त्याच्या कृतीचे काैतुकही केले. मैदानावर असो वा मैदानाबाहेर, “हिटमॅन” नेहमीच मन जिंकण्यात यशस्वी होतो हे यातून पुन्हा स्पष्ट झाले.
दरम्यान रोहित शर्माचा हा व्हिडिओ @rvcjinsta नावाच्या इंस्टाग्राम अकाऊंटवरून शेअर करण्यात आला आहे. व्हिडिओला आतापर्यंत करोडो व्युज मिळाल्या असून लाखो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “भाऊ खूप भाग्यवान आहे” तर दुसऱ्या युजरने लिहिले आहे, “रोहित भाऊ नेहमीच चिल मोडमध्ये असतो” आणखीन एका युजरने लिहिले आहे, “वर्कआऊट नाही हा तर झाला डान्स सेशन”.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.
.png "Videos"){kind=small}
