18 सेकंदाचा व्हिडिओ, छेडछाडीचा आरोप अन् व्यक्तीने संपवलं आयुष्य… केरळमधील पुरुषांनी कार्डबोर्ड घेऊन केला निषेध; Video Viral

Viral Kerala Incident : 18 सेकंदाच्या त्या व्हिडिओने घेतला व्यक्तीचा जीव... अखेर केरळच्या पुरुषांनी घटनेची दखल घेत अनोख्या अंदाजात घटनेचा निषेध दर्शवला. महिलांपासून संरक्षणासाठी थेट कार्डबोर्ड घेत बसमधून केला प्रवास.

• १८ सेकंदांच्या व्हिडिओद्वारे छेडछाडीचा आरोप झाल्यानंतर दीपकवर तीव्र टीका झाली आणि यातच त्याने आत्महत्या केल्याचे समोर आले.
• या घटनेच्या निषेधार्थ केरळमधील पुरुषांनी बसमध्ये कार्डबोर्ड घेऊन प्रवास करत ‘खोट्या आरोपां’विरोधात अनोख्या पद्धतीने आवाज उठवला.
• प्रकरणाची दखल घेत पोलिसांनी इन्फ्लूएंसर महिलेविरुद्ध गुन्हा दाखल केला असून मानवाधिकार आयोगानेही चौकशीचे आदेश दिले आहेत.

सोशल मीडिया एक असे प्लॅटफॉम आहे जिथे कधी काय व्हायरल होईल ते सांगता येत नाही. इथे फक्त रिल्स शेअर केल्या जात नाहीत तर बऱ्याचदा काही गंभीर घटना देखील इंटरनेटवर वाऱ्याच्या वेगाने शेअर केल्या जातात. मुख्य म्हणजे बऱ्याचदा लोक या व्हायरल घटना पडताळून पाहत नाही आणि खोट्या दाव्यांवर विश्वास ठेवतात. अशीच एक घटना मागे सोशल मीडियावर प्रचंड व्हायरल झाली ज्याने व्यक्तीचा जीव घेतला. आपण इथे बोलत आहोत केरळमधील दीपकविषयी ज्याचा सोशल मीडियाने बळी घेतला… या प्रकरणाची दखल घेत आता केरळच्या पुरुषांनी अनोख्या अंदाजात निषेध केला आहे. दीपकसोबत जे घडलं ते आपल्यासोबत घडू नये म्हणून पुरुषांनी कार्डबोर्ड घेत बसमध्ये प्रवास सुरु केला. चला या प्रकरणाविषयी काही सविस्तर माहिती जाणून घेऊया.

श्रद्धा की अंधश्रद्धा? गंगेत देवासाठी दूध ओतलं, पण भुकेल्या मुली मात्र उपाशीच… दृष्ये पाहून युजर्सचा संताप अनावर; Video Viral

काय आहे प्रकरण?

माहितीनुसार, केरळच्या शिमजिथा मुस्तफा या महिलेने बसमधील एका १८ सेकंदांच्या व्हिडिओद्वारे दीपक नावाच्या व्यक्तीवर छेडछाडीचा खोटा आरोप लावला होता. महिलेने चुकीच्या पद्धतीने व्हिडिओ सोशल मीडियावर शेअर केला ज्यानंतर व्हिडिओ व्हायरल होताच दीपकवर मोठ्या प्रमाणात टीका करण्यात आली. परिणामी मानसिक तणावाखाली येऊन दीपकने आत्महत्या केली. या घटनेनंतर आता केरळच्या पुरुषांनी प्रकाराबद्दल निषेध व्यक्त करत बसमध्ये कार्डबोर्ड घेऊन प्रवास करतानाचा नवीन व्हिडिओ शेअर केला आहे. अलीकडे पुरुषांवर होणारे चुकीचे आणि खोटे आरोप वाढत असल्याने भविष्यात आपल्यावर अशी वेळ येऊ नये म्हणून पुरुषांनी हे नवे पाऊल उचलले आहे.

See more

प्रेयसी दारू पिऊन झाली टल्ली, बॉयफ्रेंडने कडेवर उचलत घरी नेलं पण दार उघडताच वडिलांनी जी रिॲक्शन दिली… मजेदार Video Viral

दरम्यान दीपकच्या आत्महत्येनंतर अनेकांनी महिलेवरही टीका करण्यास सुरुवात केली. सोमवारी, पोलिसांनी आत्महत्येस प्रवृत्त केल्याबद्दल इन्फ्लूएंसर महिलेविरुद्ध गुन्हा दाखल केला. केरळ राज्य मानवाधिकार आयोगानेही या घटनेची पोलिस चौकशी करण्याचे आदेश दिले आणि उत्तर विभागाचे पोलिस उपमहानिरीक्षक (डीआयजी) यांना एका आठवड्यात अहवाल सादर करण्याचे निर्देश दिले आहेत. दुसरीकडे या घटनेनंतर महिलेच्या अकाऊंटवरून त्या व्हिडिओला डिलीट करण्यात आले आणि तिने आपली बाजू मांडत एक दुसरी क्लिप अपलोड केली. पण नंतर या क्लिपलाही खासगी करण्यात आले.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.