गुजरामधील मुलाखतीला झालेल्या तुफान गर्दीचा व्हिडिओ व्हायरल
गुजरात : आपल्या देशामध्ये सर्वात जास्त तरुणाईची संख्या आहे. मात्र त्याचबरोबर देशामध्ये बेरोजगारी देखील आहे. याचा अंदाज तेव्हा येतो जेव्हा एका एका नोकरीच्या जागेसाठी शेकडो अर्ज केले जातात. अनेक योजना राबवून देखील देशातील बेरोजगारी कमी होण्याचे नाव घेत नाही. दरम्यान, सध्या सोशल मीडियावर एक व्हिडिओ व्हायरल होत आहे. यामध्ये हॉटेलमध्ये नोकरीच्या अपक्षेने हजारो तरुण मुलाखत देण्यासाठी आले आहेत. यामध्ये गर्दीमुळे हॉटेलचे रेलिंग देखील तुटले. याचा व्हिडिओ सोशल मीडियावर तुफान व्हायरल झालेला आहे.
व्हायरल झालेल्या हा व्हिडिओ गुजरातमधील आहे. गुजरातमधील एका हॉटेलमध्ये नोकरीसाठी जागा होत्या. यामुळे ओपन इंटरव्ह्यू ठेवण्यात आला होता. मात्र 10 जागांसाठी हजारो लोक अर्ज घेऊन आले. त्यामुळे हॉटेलमध्ये एकच गर्दी झाली. या उमेदवारांमध्ये अक्षरशः ढकलाढकली झाली. अगदी या ढकलाढकलीमध्ये हॉटेलचे रेलिंग देखील गर्दीमुळे तुटले. त्यामुळे काही लोक खाली देखील पडले. सोशल मीडियावर याचा व्हिडिओ तुफान व्हायरल झाला.
Post election- Youth of Gujarat are queuing up for jobs. During election- They voted for Mangalsutra & Bhains… Tum khud ko badloge,
tabhi toh desh badlega. 🙏🏻 pic.twitter.com/AoUN5hTKZv — Mahua Moitra Fans (@MahuaMoitraFans) July 11, 2024
गुजरातमधील बेरोजगारीचे भयान चित्र दाखवणारा हा व्हिडिओ आहे. नेटकऱ्यांनी यावर रोष व्यक्त केला आहे. राष्ट्रवादी शरद पवार गटाच्या ऑफिशियल अकाऊंटवरुन देखील व्हिडिओ शेअर करण्यात आले आहे. यामध्ये नरेंद्र मोदी यांचा बेरोजगारी कमी झाल्याचा दावा करत असलेला व्हिडिओ देखील लावण्यात आला आहे. याला कॅप्शन देण्यात आले आहे की, ‘गुजरातमध्ये नोकरीसाठी मुलाखतीकरिता आलेल्या सुशिक्षीत बेरोजगारांची ही गर्दी मोदींच्या गॅरंटीचा पर्दाफाश करते. जे स्वतःच्या राज्यातील युवकांना रोजगार देऊ शकले नाहीत ते देशातील युवकांना रोजगार मुळीच देऊ शकणार नाहीत.’ अशी घणाघाती टीका शरद पवार गटाने केली आहे.
गुजरातमध्ये नोकरीसाठी मुलाखतीकरिता आलेल्या सुशिक्षीत बेरोजगारांची ही गर्दी मोदींच्या गॅरंटीचा पर्दाफाश करते. जे स्वतःच्या राज्यातील युवकांना रोजगार देऊ शकले नाहीत ते देशातील युवकांना रोजगार मुळीच देऊ शकणार नाहीत. pic.twitter.com/AQ0mo2isxv — Nationalist Congress Party – Sharadchandra Pawar (@NCPspeaks) July 11, 2024
.png "Videos"){kind=small}
