एक विवाह ऐसा भी! तीन वर्षांपूर्वी महिलेने नदीसोबत केलं लग्न, आता साजरी करतेय एनिव्हर्सरी... अनोख्या लव्हस्टोरीचा Video Viral
नदीसोबत लग्न करण्यामागचं कारण काय?
ही कथा आहे मेग एव्हॉनची जी इंग्लंडमधील ब्रिस्टल येथील निवासी आहे. तिने एखाद्या पुरुषासोबत नाही तर चक्क नदीसोबत लग्न करण्याचा आणि तिला आपल्या जीवनसाथी निवडण्याचा निर्णय घेतला. तुम्हाला हे जाणून आश्चर्य वाटेल पण मेगने संपूर्ण शुद्धीत आणि मनापासून हे नातं स्वाकारले आहे. ती सांगते की, काळासोबत नदीसोबतचे तिचे नाते आणखी घट्ट झाले आहे. व्यावसायाने संशोधक आणि लेखिका असलेल्या मेगने २०२३ मध्ये एका समारंभात नदीसोबत आपला विवाहसोहळ संपन्न केला. हा समारंभ पारंपरिक विवाहसोहळा नसला तरी, त्यातील भावनांची खोली कोणत्याही सामान्य लग्नापेक्षा कमी नव्हती. मेगसाठी, ही केवळ एक प्रतिकात्मक कृती नव्हती, तर निसर्गाप्रती असलेल्या तिच्या प्रेमाचे आणि भक्तीचे एक अनोखे प्रदर्शन होते.
नदीसोबतचे आपले प्रेमळ नाते जपण्यासाठी मेग दर आठवड्याला नदीवर जाते आणि पाण्याजवळ मोकळ वेळ घालवते. हवामान कसेही असो, थंडगार हवा, ऊन किंवा पाऊस… पण नदीसोबत असलेले तिचे नाते आणि प्रेम तिला खेचत तिच्याजवळ घेऊन येते. इतक्या वर्षांनंतरही तिची ओढ काही कमी झाली नाही. तिच्यासाठी, हा अनुभव केवळ शारीरिकच नव्हे, तर मानसिक आणि आध्यात्मिक नात्याचेही प्रतीक आहे. तिचा विश्वास आहे की पाण्यासोबत वेळ घालवल्याने तिला शांती आणि संतुलन मिळते.
अजब-गजब! आधी लिव्ह-इन, मगच लग्न! छत्तीसगडमधील या जमातील पाळली जाते अनोखी प्रथा
काही जणांनी ही गोष्ट विचित्र किंवा असामान्य वाटत असली तरी मेग याला निसर्गाशी खोलपणे जोडले जाण्याचा मार्ग मानते. तिच्या मते, आधुनिक जीवनशैली आणि तंत्रज्ञानाचा वाढता प्रभाव यामुळे मानव निसर्गापासून अधिकाधिक दूर जात आहे. त्यामुळे, आपल्या सभोवतालच्या नैसर्गिक संसाधनांशी भावनिक नाते निर्माण करणे अत्यावश्यक आहे. खरंतर मेगचं हे नातं फक्त वैयक्तिक भावनांपूरतेच मर्यादित नाही तर एक मोठा उद्देश आहे. लग्नाच्या माध्यामातून नदीत वाढत असलेले प्रदूषण आणि सांडपाण्याच्या गंभीर समस्येकडे तिला लोकांचे लक्ष वेधून घ्यायाचे आहे. मेगचा विश्वास आहे की, जोपर्यंत आपण निसर्गाला आपलंस करत नाही तोपर्यंत त्याचे संरक्षण आपल्याला करता येणार नाही.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.
.png "Videos"){kind=small}
