(फोटो सौजन्य: Instagram)
अजब-गजब! 40 फूट गाडी चालवून गोल्ड फिशने जिंकला गिनीज वर्ल्ड बुक रेकॉर्ड; सोशल मीडियावर Video Viral
जर्मनीची बलवान महिला
महिलेचे नाव सिना रूपेंथल असे असून तिने फक्त ३७.४४ सेकंदात १० लोकांना उचलून जमिनीवर पटकल्याचा विश्वविक्रम केला आहे. जर्मनीतील म्युनिक येथे झालेल्या एका भव्य विश्वविक्रमी कार्यक्रमादरम्यान तिने ही कामगिरी केली. “Die große Show der Weltrekorde” नावाच्या या कार्यक्रमात विविध जागतिक विक्रम मोडण्याचे प्रयत्न दाखवले जातात आणि त्याचे थेट प्रक्षेपण टेलिव्हिजनवर केले जाते. या दरम्यान सिनाने एकामागून एक १० जणांना उचलले आणि त्यांना जमिनीवर ठेवलेल्या गादीवर पटकले. तिच्या या उल्लेखनीय ताकदीसाठी तिला हा गिनीड वर्ल्ड बुकचा पुरस्कार देण्यात आला. सिनाने सर्वात वेगवान स्ट्रॉंगवुमन थ्री ऑब्स्टॅकल मेडलीचा विक्रम देखील आपल्या नावावर केला आहे.
View this post on Instagram
एकमेकांचा पाठलाग करताना दिसले 3 रहस्यमय UFO, कॅमेरात कैद झाले दृष्य; Viral Video ने उडवली खळबळ
सिना म्हणते की, या रेकॉर्डद्वारे तिला हे दाखवायचे होते की महिला देखील अविश्वसनीयपणे बलवान असू शकतात आणि महान गोष्टी साध्य करू शकतात. तिच्या मते, बलवान असणे ही अभिमानाची गोष्ट आहे. तिचा हा विक्रम आता सर्वांचे लक्ष वेधत असून व्हिडिओ व्हायरल होताच अनेकांनी सिनाच्या ताकदीचे आणि कठोर परिश्रमाचे कौतुक केले आहे. @guinnessworldrecords या अधिकृत इंस्टाग्राम अकाउंटवर हा अनोखा विश्वविक्रम शेअर करण्यात आला आहे. व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “स्वतःला फेकण्यासाठी रांगेत उभे राहण्याची संकल्पना मला खूप हास्यास्पद वाटली” तर दुसऱ्या युजरने लिहिले आहे, “स्वतःला पटकवण्यासाठी रांगेत सर्व पुरुष मंडळी होती हे मला फार आवडले” आणखीन एका युजरने लिहिले आहे, “ते सर्व पुरुष असे हसत आहेत जणू ते कोणत्या राइडवर मजा करत आहेत”.
टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.
