स्री असणं ठरलं गुन्हा! भूकंपात तालिबान फतव्यामुळे महिलांची ३६ तास दुर्दशा ; पुरुष बचाव कर्मचाऱ्यांनी मदत करण्यास दिला नकार

Afghanistan Earthquake : अफगाणिस्तानमध्ये भूकंपामूळे मोठ्या प्रमाणात जीवितहानी झाली आहे. सध्या बचाव आणि मदत कार्य सुरु आहे. मात्र महिलांना तालिबानच्या निर्णयामुळे मदत आणि उपचार मिळणेही कठीण झाले आहे.

• अफगाणिस्तानमध्ये भूकंपामुळे प्रचंड जीवितहानी
• महिलांची परिस्थिती अधिक बिकट
• पुरुष बचाव कर्मचाऱ्यांनी मदत करण्यास दिला नकार

Afghanistan Earthquake news in Marathi : काबूल : सध्या अफगाणिस्तानमध्ये भूकंपानंतरची परिस्थिती अत्यंत बिकट ठरली आहे. यामुळे अफगाणिस्तानच्या डोंगराळ भागात हजारो लोकांचे आयुष्य उद्ध्वस्त झाले आहे. या भीषण आपत्तीमध्ये २००० हून अधिक लोकांचा मृत्यू, तर ३,६०० पेक्षा अधिक लोक जखमी झाले आहे. अनेकजण मलब्याखाली अडकले आहे.  मात्र सर्वात जास्त बिकट परिस्थिती महिलांची झाली आहे. कारण तालिबानच्या कडक धार्मिक नियमांमुळे महिलांना वेळेत मिळाली नाही.

३६ तास मलब्याखाली अडकल्या महिला

तालिबानमध्ये गैर-धार्मिक पुरुषाला तसेच कुटुंब नसलेल्या पुरुषाला तालिबानी महिलांना हात लावण्याची परवानगी नाही. यामुळे पुरुष बचाव कर्मचाऱ्यांना महिलांना वाचवण्यास घाबरत होते. पुरुष बचाव कर्मचाऱ्यांनी महिलांना वाचवण्यास, मलब्याखालून बाहेर काढण्यास नकार दिला होता. यामुळे अनेक महिला तास न तास मलब्याखाली अडकल्या होत्या.  यामुळे बचाव कर्मचाऱ्यांमध्ये एक महिवा कर्मतारी नसल्यामुळे महिलांना मदत मिळत नव्हती. यामुळे बचावासाठी तालिबान महिलांना ३६ तास वाट पाहावी लागली.

टॅरिफ वॉरच्या पार्श्वभूमीवर Donald Trump यांचे मोठे विधान, म्हणाले- ‘‘आम्ही भारत अन् रशियाला गमावलंय…”

उपचारही मिळणे कठीण

शेवटी शेजारच्या गावातील महिलांनी मदतीसाठी धाव घेतलीआणि तालिबान महिलांना मलब्यातून बाहरे काढले. अनेक महिलांना उपचारासाठी देखील मदत मिळत नव्हती. पुरुष आणि मुलांवर उपचार होत असताना महिला एका कोपऱ्यात गुन्हेगारासारख्या बसल्या होत्या. एका १९ वर्षाच्या तरुणीने सांगितले की, गावात बचाव पथक आले होते, पण यामध्ये एकही महिला कर्मचारी नव्हती. शिवाय तालिबानच्या निर्णयामुळे पुरुष कर्मचारी त्यांच्यावर उपचार करण्यास कतरत होते. यामुळे सर्व महिला एका कोपऱ्यात बसून राहिल्या.

तालिबानमध्ये महिला स्वातंत्र्यावर बंदी

• अफगाणिस्तानमध्ये तालिबानने सत्ता हाती घेतल्यावर महिलांवर अनेक बंधने लादण्यात आली आहे.
• यामध्ये मुलींना सहावी नंतर शाळा शिकण्यास मनाई आहे. शिवाय एकट्या महिलेने प्रवास करण्यावरही बंदी आहे.
• महिलांना नोकरी करण्यासही मनाई आहे. यापूर्वी आरोग्य सेवांमध्ये महिलांना नोकरी करण्याची परवानगी होती, परंतु तालिबान सत्तेत आल्यापासून यावरही मनाई करण्यात आलीआहे.
• यामुळे महिलांना वैद्यकीय शिक्षण मिळणे बंद झाले आहे, यामुळे अनेक महिला आणि डॉक्टर-नर्सची कमतरता आहे. यामुळे अपघातग्रस्त महिलां उपचारही मिळणे कठीण होत आहे.
• पुरुष नर्स आणि डॉक्टरही तालिबानच्या कडक नियमांमुळे महिलांना हात लावण्यास घाबरत आहे, यामुळे देखील महिलांना वेळेत आणि योग्य उपचार मिळणे कठीण झाले आहे.

सध्या अफगाणिस्तानमध्ये भूकंपामुळे अनेक गावे जमीनदोस्त झाली आहे. अफगाणस्तानच्या कुनार आणि नांगरहार प्रांतामध्ये प्रचंड जीवीतहानी झाली आहे. या भागात मदत पोहोचवण्यातही अनेक अडथळे येते आहे. सर्वात जास्त त्रास महिलांना सहन करावा लादले आहे. तालिबानच्या कायद्यांमुळे महिलांना असहाय्य वेदना सहन कराव्या लागत आहेत.

‘नेहमीच मोदींचा मित्र राहणार’, डोनाल्ड ट्रम्प यांचे अचानक बदलले सूर ; भारतासोबत संबंध पुन्हा सुधारण्यास तयार?