शेख हसीनांच्या काळात सात वेळा जेल अन् कडेवर तान्हं बाळ; बांगलादेशच्या प्रचारात ‘या’ महिलेची होतेय जोरदार चर्चा

Bangladesh Elections : बांगलादेशात येत्या १२ फेब्रुवारीला सार्वत्रिक निवडणुका होणार आहे. दरम्यान याच निवडणुकांचा पार्श्वभूमीवर हबीबा बेगम या महिलेची अनोख्या प्रचारामुळे जोरदार चर्चा सुरु आहे. ही महिला कोण आहे जाणून घेऊ.

• कोण आहेत हबीबा बेगम?
• बांगलादेशच्या प्रचारात होतेय जोरदार चर्चा
• शेख हसीनांच्या काळात सात वेळा जेल अन् कडेवर तान्हं बाळ…

Bangladesh Elections : ढाका : बांगलादेशात (Bangladesh) येत्या १२ फेब्रुवारी २०२६ रोजी सार्वत्रिक निवडणुका पार पडणार आहे. या पार्श्वभूमीवर बांगलादेशातील सर्व राजकीय गट निवडणुकांची तयारी करत आहे. सर्व उमेदवार जोरदार प्रचार करत आहे. याच वेळी बांगलादेशात एका महिलेच्या प्रचारामुळे तिच्या साधेपाणामुळे एक महिला जोरदार चर्चेत आहे. या महिलेचे नाव हबीबा बेगम असून त्या कोणत्या पक्षाच्या पाठिंबा शिवाय कडेवर बाळाला घेऊन प्रचार करत आहेत.

Bangladesh Election: बांगलादेशात निवडणुकीपूर्वी राजकीय अस्थिरता; हसीनाच्या पक्षातील नेत्यांच्या मृत्यूने खळबळ, हत्येचा संशय

 

कोण आहे हबीबा बेगम?

हबीबा बेगम यापूर्वी हसीनाच्या काळात राजकारणात सक्रिय होत्या. सध्या त्या राजशाही-३ मतदारसंघातील अपक्ष उमेदवार म्हणून निवडणूक लढवत आहेत. हबीबा त्यांच्या अनोख्या प्रचारमुळे बांगलादेशात चर्चेचा विषय ठरत आहे. त्यांनी शेख हसीना सरकारच्या काळात ७ वेळा तुरुगंवास भोगला होता. तसेच सध्या त्या ई-रिक्षातून आपल्या मुलाला घेऊन प्रचार करत आहे. त्यांच्या या साधेपणामुळे त्या थेट जनतेशी जोडल्या गेल्या आहेत.

काय आहे हसीनाशी संबंध?

मिळालेल्या माहितीनुसार, हबीबा बेगमवर हसीना सरकाच्या काळात अवामी लीग पक्षाने सहा खटले दाखल केले होते. यावेळी त्यांना या खटल्यांमुळे सात वेळा तुरुंगवास भोगावा लागला होता. सध्या न्यायालयाने २०११ मध्ये दोन खटले रद्द केले आहे.

निवडणुकी प्रचारातील संघर्ष

हबीबा यांचा निवडणूका मार्ग सोपा नव्हता. त्यांच्याकडे निवडणुकीच्या प्रचारासाठी कोणत्याही प्रकारचा पाठिंबा नाही, खर्चासाठी पैसे नाहीत. तसेच त्यांचा उमेदवारीचा अर्जही दोन वेळा रद्द करण्यात आला होता. परंतु त्यांनी माघार घेतली नाही. त्यांनी उच्च न्यायालयात धाव घेत आपला अर्जाला परवानगी मिळवली. त्यांना फुटबॉल हे चिन्ह देण्यात आले.

हबीबा यांच्याकडे प्रचारासाठी पैस नव्हते, परंतु त्यांच्या पतीने आपली जमिनी गहाण ठेवत प्रचारासाठी पैसा जमा केला. सध्या हबीबा मोहमनपूर उपजिल्ह्यात सिंघोमार गावातून प्रचार करत आहेत. ना कोणता मोठा ताफा, ना पक्षाचे झेंड, ना महागड्या गाड्या… हबीबा आपल्या पतीसोबत ऑटो रिक्षातून बाळाला सोबत घेऊन बाजारामंध्ये जाऊन लोकांशी संवाद साधत प्रचार करत आहेत.

हबीबा २०११ मध्ये पहिल्यांदा राखीव महिला जागेवरुन संघ परिषदेत निवडून आल्या होता. नंतर त्या मोहनपूरच्या उपाध्यक्षा झाल्या. परंतु २०२४ मध्ये त्यांना पदावरुन काढून टाकण्यात आले होते. सध्या त्या पुन्हा उभ्या राहिल्या असून प्रवास अधिक खडतर आहे.

बांगलादेशात लोकशाहीचा अंत? आगामी निवडणुकींचा निकाल आधीच ठरलाय…; हसीना यांच्या मुलाच्या दाव्याने खळबळ