मोरोक्कोमध्ये भीषण दुर्घटना! दोन बहुमजली इमारती कोसळल्याने १९ जणांचा मृत्यू, अनेक जखमी

Morocco Building Collapse : मोरोक्कोमध्ये एक दुर्दैवी घटना घडली असून यामध्ये १९ जणांचा मृत्यू झाला आहे. दोन बहुमजली इमारती कोसळल्या आहेत. सध्या रेक्सू मिशन सुरु आहे.

• मोरक्कोमध्ये भीषण दुर्घटना
• दोन बहुमजली इमारती कोसळल्याने १९ ठार
• १० हून अधिक जखमी

Morocco Building Collapse News Marathi : रबात : मोरोक्कोध्ये एक भीषण दुर्घटना (Accident) घडली आहे. मोरोक्कोच्या फेझमध्ये दोन बहुमजली इमारती कोसळल्या आहेत. या अपघातात १९ जणांचा मृत्यू झाल्याचे वृत्त मिळाले आहे. तसेच १० हून अधिक लोक गंभीर जखमी झाले असल्याचे सांगण्यात आले आहे. सध्या बचाव पथक घटनास्थळी पोहोचले असून इमारतींच्या ढिगाऱ्याखाली अडकेल्या लोकांना बाहेर काढत आहे. मृतांचा आकडा वाढण्याची भीती व्यक्त केली जात आहे.

मुनीरच्या फुशारकीवर भाळले ट्रम्प? बलुचिस्तानच्या खनिज खाणींसाठी दिले तब्बल १.२५ अब्ज डॉलर्स

काय आहे अपघाताचे कारण

स्थानिक अधिकाऱ्यांनी दिलेल्या माहितीनुसार, इमारतीचे कमकुवत बांधकाम आणि इमारत बांधकामाचे नियमांचे पालन न केल्याने हा अपघात घडाला आहे. गेल्या काही काळापासून इमारत अपघाताच्या घटनांमध्ये मोरोक्कोत प्रचंड वाढ झाली आहे. बिल्डर बांधकामाच्या मूलभूत आणि पायाभूत सुविधांकडे दुर्लक्ष करत आहे, तसेच सरकार देखील याकडे दुर्लक्ष करत असल्याने जनतेने संताप व्यक्त केला आहे. याविरोधात आधीच निदर्शने देखील सुरु आहेत

रेसक्यू मोहिम सुरु

मिळालेल्या माहितीनुसार, नुकत्याच घडलेल्या अपघातात १९ जणांचा मृत्यू झाला आहे. या होन उमारतींमध्ये आठ कुटुंब वास्तव करत होती. या अपघातात १६ जण जखमी झाले असून त्यांना जवळच्या रुग्णालयात दाखल करण्यात आले आहे. सध्या संपूर्ण परिसर रिकामा करण्यात आला असून ढिगाऱ्याखाली अडकलेल्या लोकांच्या बचावाचे आणि शोधाचे काम सुरु आहे. फेझ हे मोरोक्कोचे दुसरे सर्वात मोठे शहर आहे. या महिन्यात होणाऱ्या आफ्रिका ऑफ नेशन्सच आणि २०३० च्या फिफा विश्वचषक स्पर्धेचे आयोजन या शहरात होणार आहे.

फेझ शहर हे तटबंदीच्या शहरासाठी, प्राचीन बाजारपेठांसाठी आणि चामड्याच्या कातड्यांच्या व्यापारासाठी प्रसिद्ध आहे. येथे अनेक जुन्या आणि जीर्ण झालेल्या इमारती आहे. यामुळे गेल्या काही काळात इमारतींच्या कोसळण्याच्या घटनांमध्ये प्रचंड वाढ झाली आहे. मे २०२५ मध्ये एक इमारत कोसळली होती. १० लोक मृत्यूमुखी पडले होते, तर ७ जण जखमी झाले होते. सध्या लोकांनी सरकारवर आरोग्य, शिक्षण आणि इतर सार्वजनिक सेवांमध्ये असमानता, दुर्लक्षपणा केल्यामुळे लोक संतापले आहे. लोकांच्या मते सरकार सर्व पैसा नव्या स्टेडियमवर खर्च करुन सामान्य नागरिकांच्या सुविधांकडे दुर्लक्ष करत आहेत.

Venezuela Crisis: Trump यांनी उघडले सत्तासंग्रामाचे दार! US आर्मीने थेट शत्रूच्या जहाजावर उतरून टँकर…. ; VIDEO VIRAL