Bangladesh Violence : बांगलादेशात निवडणुकीपूर्वी रक्ताचा सडा! हिंदू तरुणाची निघृण हत्या, युनूस सरकारचे दावे फोल?

Bangladesh Elections : बांगलादेशात सध्या संससदीय निवडणुकीसाठी मतदान सुरु आहे. याच वेळ एक धक्कादायक वृत्त समोर आले आहे. निवडणुकीच्या एक दिवस आधी एका हिंदू तरुणाची निघृणपणे हत्या करण्यात आली आहे.

• बांगलादेशात निवडणुकीपूर्वी हिंदूचा बळी
• तरुणाची हात-पाय बांधून निघृणपणे हत्या
• युनूस सरकारचे दावे फोल?

Bangladesh Pre Election Violence : ढाका : बांगलादेशात (Bangladesh) आज सार्वत्रिक निवडणुका पार पडत आहे. या निवडणुकांसाठी ५२ राजकीय पक्ष आणि २००० उमेदवार उभे राहिले आहेत. पण या निवडणुकीला सुरुवात होण्यापूर्वी बांगलादेशात एक धक्कादायक घटना घडली ज्याने हिंदू समुदायाला हादरवून टाकले आहे. निवडणुकीच्या एक दिवस आधी बुधवारी एका हिंदू तरुणाची निघृणपणे हत्या झाली आहे. या घटनेने जागतिक स्तरावर खळबळ उडाली असून बांगलादेशातील हिंदूंच्या सुरक्षेचा प्रश्न पुन्हा ऐरणीवर आला आहे. नवी सत्ता स्थापन झाल्यावर बांगलादेशातील हिंदू सुरक्षित राहतीला का असा प्रश्न केला जात आहे.

Bangladesh Elections : बांगलादेशात सार्वत्रिक निवडणुकीसाठी मतदान सुरू; ५१ राजकीय पक्षांमध्ये सत्तेसाठी लढत

नेमकं काय आहे प्रकरण?

मीडिया रिपोर्टनुसार, बांगलादेशच्या चम्पारा येथील मौलवी बाजार परिसरात एक २८ वर्षी हिंदू तरुण रतन साहूकारची निघृणपणे हत्या करण्यात आली आहे. रतन साहूकार हा चम्पारा भागातील चहाच्या मळ्यात कामगार होता.  मात्र बुधवारी (११ फेब्रुवारी) सकाळी चहाच्या मळ्यात अस्थाव्यस्थ अवस्थेत त्याचा मृतदेह  सापडला. यावेळी त्याच्या मृतहेदाचे हात-पाय दोरीने घट्ट बांधलेले होते.  त्याच्या शरीरावर धारदार शस्त्रांनी वार केले होता. सध्या त्याचा मृतदेह ढाका पोलिसांच्या ताब्यात असून ही घटना निवडणुक हिंसाचाराशी जोडली जात आहे. या घटनेचा पोलिसांनी तपास सुरु केला आहे.

अल्संख्याक हिंदू समुदायात घबराट

सध्या या घटनेमुळे बांगलादेशातील अल्संख्याक हिंदुंमध्ये दहशतीचे वातावरण पसरले आहे. बांगलादेशात माजी पंतप्रधान हसीना यांच्या पतनानंतर हिंसाचारात (Bangladesh Violence) मोठ्या प्रमाणात वाढ झाली आहे. आतापर्यंत अनेकवेळा हिंदूंना लक्ष करण्यात आले असून गेल्या दोन महिन्यांमध्ये ५ हून अधिक हिंदू तरुणांच्या हत्येच्या घटना समोर आल्या आहेत. निवडणुकीच्या पार्श्वभूमीवर अंतरिम सरकारचे मुख्य सल्लागार मोहम्मद युनूस यांनी  अल्संख्याकांच्या सुरक्षेचे आश्वासन दिले होते. मात्र मतदानाच्या काही तास आधीच हिंदू तरुणाची हत्या झाल्याने त्यांचे आश्वासन पोकळ ठरले आहे.

तज्ज्ञांच्या मते, निवडणुकीच्या वातावरणात मतदानासाठी कट्टरपंथींयाकडून हिंदूंना घाबरवण्यासाठी ही हत्या करण्यात आली आहे. यामुळे बांगलादेश अंतरिम सरकारच्या आश्वासनांवर प्रश्न उपस्थित केले जात आहेत. सध्या मतदान सुरु आहे, मात्र या घटनेने बांगलादेशातील हिंदूंच्या सुरक्षित भविष्याचा प्रश्न निर्माण झाला आहे. पोलिस सध्या या प्रकरणाचा शोध घेत असून ही हत्या नेमकी मतदारांना धमकवण्यासाठी करण्यात आली की आणखी कोणत्या हेतूने याचा शोध घेतला जात आहे.

Bangladesh Elections : ५१ पक्ष, २००० उमेदवार…, शेख हसीना पतनानंतर पहिली लढत, भारतासाठी ठरणार निर्णायक?