Bangladesh Elections : बांगलादेशात सार्वत्रिक निवडणुकीसाठी मतदान सुरू; ५१ पक्षांमध्ये राजकीय सत्तेसाठी लढत (फोटो सौजन्य: सोशल मीडिया)
आजच्या निवडणुकीसाठी पंतप्रधान पदाचे दावेदार म्हणून माजी पंतप्रधान खालिदा झिया (Kahleda Zia) यांचे पुत्र तारिक रहमान उभे राहिले आहे. बांगलादेश नॅशनल पार्टी (BNP)पक्षातून ते सत्तेसाठी लढत आहे. तज्ज्ञांच्या मते, रहमान देशाचे पुढील पंतप्रधान होण्याची शक्यता आहे. जमातचे-ए-इस्लामीचे नेते शिफुकु रहमान, तसेच राष्ट्रावादी कॉंग्रसेच नेते नाहिद इस्लाम देखील पंतप्रधान पदासाठी दावेदार मानले जात आहेत.
विद्यार्थी चळवळीतील नाहिद देखील पंतप्रधान पदाच्या शर्यतीत उतरलेला आहे. मे २०२४ मध्ये हसीना शेख (Hasina Sheikh) सरकारविरोधी आंदोलनाचा एक प्रमुख चेहरा म्हणून नाहिद इस्लाम समोर आला होता. त्याने नाहिद स्टुडंट्स अगेन्स्ट डिस्क्रिमिनेशन नावाच्या विद्यार्थी मंचाचे नेतृत्व केले होते.
मीडिया रिपोर्टनुसार, तारिक रहमान सध्या पंतप्रधान पदाच्या दावेदारीसाठी आघाडीवर आहेत. २५ जानेवारी २०२६ रोजी ते बांगलादेशात परतले होते. यानंतर पाच दिवसांनी त्यांची आई खालिदा जिया यांचे दीर्घ आजाराने निधन झाले. यामुळे BNP पक्षावर रहमान यांचे नियंत्रण आहे. टाइम मासिकाच्या मते, रहमान इतके वर्षे परदेशात होते, पण असे असूनही ते BNP चे नेते मानले जातात. शिवाय डिसेंबरमध्ये झालेल्या जनमत चाचण्यांध्ये तारिक यांच्या पक्षाला जवळपास ७५% समर्थन मिळाल्याचे चित्र दिसून आले होते.
तारिक रहमान यांनी स्वत:ला एक लोकशाही समर्थक नेता म्हणून सादर केले आहे. प्रचारादरम्यान त्यांनी ५० दशलक्ष झाडे लावण्याचे, ढाकात नवीन ग्रीन झोन तयार करण्याचे आणि डिजिटल शिक्षणाचा विस्तार करण्याचे आश्वासन दिले आहे. आपल्या आईप्रमाणे सत्ते येऊन तारिक इतिहास रचणार याकडे सर्वांचे लक्ष लागले आहे.
निवडणुकीपूर्वी BNP ला आव्हान देण्यासाठी ११ पक्षांनी जमातच्या नेतृत्वाखाली युती केली आहे. या युतीमध्ये बांगलादेश जमात-ए-इस्लामी, बांगलादेश खिलाफत मजलिस, खिलाफत मजलिस, बांगलादेश खिलाफत आंदोलन, बांगलादेश निजाम-ए-इस्लाम पार्टी, बांगलादेश डेव्हलपमेंट पार्टी, जातीय गणतंत्र पार्टी (एनडीपी), नॅशनल सिटीझन्स पार्टी (एनसीपी), लिबरल डेमोक्रॅटिक पार्टी (एलडीपी), एबी पार्टी आणि बांगलादेश लेबर पार्टीचा समावेश आहे.
Ans: बांगलादेशाच्या निवडणुका आज सुरु झाली आहे. भारतीय वेळेनुसार, सकाळी ७ वाजता मतदान सुरु झाले असून आज दुपारी ४ वाजेपर्यंत चालणार आहे.
Ans: बांगलादेश नॅशनल पार्टी (BNP)पक्षातून तारिक रहमान, जमातचे-ए-इस्लामीचे नेते शिफुकु रहमान, तसेच राष्ट्रावादी कॉंग्रसेच नेते नाहिद इस्लाम पंतप्रधान पदासाठी लढत आहेत. विद्यार्थी चळवळीतील नाहिद देखील पंतप्रधान पदाच्या शर्यतीत उतरलेला आहे.
