Bangladesh Navy Chief met Pakistan Army Commander to discuss naval cooperation
ढाका : बांगलादेशचे नौदल प्रमुख ॲडमिरल मोहम्मद नजमुल हसन यांनी पाकिस्तानी लष्कराचे कमांडर सय्यद असीम मुनीर अहमद शाह यांची भेट घेतली. या बैठकीत नौदल सहकार्य आणि बहुराष्ट्रीय नौदल सराव यावर चर्चा झाल्याचे वृत्त आहे. गेल्या महिन्यात पाकिस्तानने बांगलादेशी लष्करासाठी प्रशिक्षण सत्राची योजना आखली होती.
बांगलादेशचे नौदल प्रमुख ॲडमिरल मोहम्मद नजमुल हसन यांनी पाकिस्तानचे लष्करप्रमुख सय्यद असीम मुनीर यांची भेट घेतली आहे. एका महिन्यापेक्षा कमी कालावधीत दोन्ही देशांमधील ही दुसरी संरक्षण पातळीवरील बैठक आहे. यापूर्वी बांगलादेशचे वरिष्ठ लष्कर अधिकारी लेफ्टनंट जनरल एसएम कमरूल हसन यांनी असीम मुनीर यांच्यासोबत बैठक घेतली होती. एवढेच नाही तर पाक गुप्तचर संस्था आयएसआयच्या शिष्टमंडळाने ढाका येथे बांगलादेश लष्कराचीही भेट घेतली आहे. बांगलादेशच्या मोहम्मद युनूस सरकारने पाकिस्तानशी प्रादेशिक आणि संरक्षण संबंध मजबूत करण्यासाठी उचललेले पाऊल म्हणून याकडे पाहिले जात आहे. दोन्ही देशांमध्ये ऐतिहासिकदृष्ट्या फार चांगले संबंध राहिलेले नाहीत. अशा परिस्थितीत पाकिस्तान-बांगलादेश जवळ आल्याने दक्षिण आशियातील समीकरणे बदलू शकतात. हे विशेषतः भारतासाठी चिंतेचे कारण असू शकते.
जागतिक घडामोडी संबंधित बातम्या वाचण्यासाठी येथे क्लिक करा : पंतप्रधान मोदींचा अमेरिका दौरा भारतासाठी ठरणार खास; ‘हे’ 6 मुद्दे असतील मुख्य अजेंडा
नझमुल हसन यांनी शुक्रवारी रावळपिंडी येथे असीम मनीर यांच्यासोबत नौदल सहकार्य आणि बहुराष्ट्रीय नौदल सरावांमध्ये पाकिस्तान नौदलाच्या सहभागावर चर्चा केली, असे फर्स्टपोस्टने वृत्त दिले आहे. प्रादेशिक स्थैर्याला चालना देण्यासाठी बांगलादेश लष्कर पाकिस्तानसोबत सहकार्य करण्यावर भर देत असल्याचे त्यांनी सांगितले. पाकिस्तानी लष्कराने बांगलादेशी लष्करासाठी प्रशिक्षण सत्र सुरू करण्याची योजना आखली आहे. बांगलादेशनेही पाकिस्तानकडून शस्त्रे खरेदी केली आहेत.
प्रादेशिक समीकरणांमध्ये बदल होऊ शकतात
प्रादेशिक स्थैर्यासाठी पाकिस्तान आणि बांगलादेशच्या सैन्यांमधील वाढती जवळीक अत्यंत महत्त्वाची आहे. बांगलादेश आणि पाकिस्तान हे दोन्ही देश संरक्षण संबंध मजबूत करण्याचा प्रयत्न करत आहेत. नौदल सहकार्य आणि संयुक्त नौदल सराव हे या दिशेने एक मोठे पाऊल आहे. याकडे दोन्ही देशांमधील संरक्षण सहकार्य वाढण्याचे लक्षण मानले जाऊ शकते.
जागतिक घडामोडी संबंधित बातम्या वाचण्यासाठी येथे क्लिक करा : अंटार्क्टिकाचा खरा मालक कोण? पृथ्वीच्या दक्षिणेकडील खंड ताब्यात घेण्यासाठी 7 देशांमध्ये युद्ध
बांगलादेश लष्कराचा एक भाग पाकिस्तानला सहकार्यासाठी जोर देत आहे. यामुळे परिसरात स्थैर्य येईल, असा या वर्गाचा विश्वास आहे. हे सहकार्य दहशतवाद आणि इतर सुरक्षा आव्हानांना तोंड देण्यासाठी मदत करू शकते. बांगलादेशमध्ये सुरू असलेल्या अंतर्गत तणावाच्या पार्श्वभूमीवर ढाका इस्लामाबादकडून राजनैतिक पाठिंबा मिळविण्याचा प्रयत्न करत आहे. मोहम्मद युनूस यांना भारताऐवजी बांगलादेशला पाकिस्तान आणि चीनच्या जवळ घेऊन जायचे आहे. हे भारतासाठी चिंतेचे कारण बनू शकते. बांगलादेशात पाकिस्तानचा हस्तक्षेप वाढला तर ते ईशान्येकडील राज्यांमध्ये अशांतता निर्माण करण्याचा प्रयत्न करू शकतात.
.png "Videos"){kind=small}
