कोटाविरोधी आंदोलन ते युनूस यांच्या राजीनाम्यापर्यंत..; जाणून घ्या बांगलादेशच्या आतापर्यंतच्या प्रमुख घडामोडी

Bangladesh Political Crisis: बांगलादेशात गेल्या काही काळापासून राजकीय अस्थिरता निर्माण झाली आहे. सध्या अंतरिम सरकारचे मुख्य सल्लागार मोहम्मद युनूस यांच्या राजीनाम्याची चर्चा सुरु आहे.

ढाका: बांगलादेशात गेल्या काही काळापासून राजकीय अस्थिरता निर्माण झाली आहे. सध्या अंतरिम सरकारचे मुख्य सल्लागार मोहम्मद युनूस यांच्या राजीनाम्याची चर्चा सुरु आहे. शेख हसीना यांच्या सत्तापालटापासून बांगलादेशात गोंधळ सुरु असून पुन्हा एकदा मोठे राजकीय संकट उभे राहिले आहे. गेल्या काही काळात बांगलादेशमध्ये अशांतता पसरलेली आहे. कोटाविरोधी विद्यार्थी आंदोलन, शेख हसीन सरकारचे सत्तापालट, अल्पसंख्याकीय हिंदू आणणि बौद्ध धर्मातील लोकांवर अत्याचार अशा अनेक गोष्टी बांगलादेशात घडून गेल्या आहेत. आज आपण शेख हसीनांच्या सत्तापालटापासून ते युनूस यांच्या राजीनाम्यापर्यंत घडलेल्या घटनांवर एक नजर टाकणार आहोत.

कसा सुरु झाला विद्रोह?

जुलै २०२४ मध्ये बांगलादेशमधील विद्यापीठातील विद्यार्थ्यांनी सरकारी नोकरीच्या कोटा प्रणाली विरोधात आंदोलन सुरु केली होते. या कोटा प्रणालीत बांगलादेशातील स्वातंत्र्य सैनिकांच्या मुलांना सरकारी नोकऱ्यांमध्ये ३०% आरक्षण मिळत असे. परंतु यामुळे इतर मुले वंचित राहत होती. यामुळे या विरोधात आंदोलने सुरू झाली. सुरुवातीला ही निदर्शने अहिंसक मार्गाने सुरु होती. परंतु सरकारने विद्यार्थ्यांवर लाठीमार केला आणि या अहिंसक आंदोलनाचे रुपांतर हिंसक संघर्षात झाले.

जागतिक घडामोडी संबंधित बातम्या- ऑस्ट्रेलियाच्या संसदेत धक्कादायक घटना; बुटात बिअर टाकून प्यायले खासदार, VIDEO VIRAL

प्रमुख घडामोडी

• १ जुलै २०२४ रोजी विद्यार्थ्यांनी रस्त्यावर उतरुन कोटाविरोधी आंदोलन सुरु केले. सरकारी नोकऱ्यांच्या कोटा प्रणालीत सुधारणा व्हावी अशी मागणी केली जात होती. यामध्ये विद्यार्थ्यावर लाठीमार झाला तसेच पोलिसांनी बॅरिकेड्स लावले यामुळे तणावात आणखी वाढ झाली.
• यानंतर जुलै १६ रोजी आंदोलक विद्यार्थी आणि सरकारमध्ये हिंसाचाराच्या घटना घडल्या. यामध्ये सहा लोकांचा बळी गेल्या.
• १८ जुलै २०२४ रोजी आंदोलकांनी बांगलादेश माध्यमांच्या मुख्यालय आणि सरकारी इमारतींना आग लावली. तसेच हुकूमशहा हटावची नारेबाजी सुरु झाली. शेख हसीनाच्या यांच्या सरकारने शांततेचे आवाहन केले. परंतु हिंसाचारात वाढ झाली होती. या हिंसाचारात ३२ लोकांचा मृत्यू झाला, शेकडो लोक जखमी झाले.
• नंतर बांगलादेशच्या सर्वोच्च न्यायालयाने २१ जुलै २०२४ ला कोटा प्रणालीला बेकायदेशीर घोषित केले. परंतु त्यानंतर आदोलकांकडू १९७१ च्या स्वातंत्र्य युद्धातील सैनिकांच्या मुलांच्या नोकऱ्या रद्द करण्याची मागणी करण्यात येऊ लागली.
• ५ ऑगस्ट २०२४ रोजी शेख हसीनांच्या राहत्या घरावर निदर्शकांनी हल्ला केला. यानंतर हसीनांनी देश सोडला आणि बारतात आश्रय घेतला.
• दरम्यान शेख हसीना यांच्या देश सोडून गेल्यानंतर बांगलादेशचे मुख्य सल्लागार मोहम्मद युनूस यांच्या नेतृत्त्वाखाली अंतरिम सरकारची स्थापना झाली.

दरम्यान युनूस राजकीय पक्षांच्या राजकारण सुधारण्यासाठी निष्पक्ष निवडणुका घेण्यासाठी सत्तेत आले होते, परंतु अद्याप बांगलादेशात निवडणुका झालेल्या नाही. तसेच लोकांकडून सत्ता बदलण्यासाठी आणि व्यवस्था सुधारण्याची मागणी केली जात आहे. परंतु युनूस यांच्या अंतिरम सरकारने यावर कोणतेही कार्य सुरु केलेले नाही. युनूस यांनी अनेक प्रमुख क्षेत्रांमध्ये सुधारणा करण्याचे आश्वासन दिले होते. परंतु अंतर्गत राजकारणामुळे ते अपयशी ठरले. दरम्यान युनूस यांच्यावर दबाव वाढत असून बांगलादेशच्या बीएनपी पार्टीने त्यांना विरोध केला आहे. तसेच निवडणुका लवकर घेण्याची मागणी केली जात आहे.

जागतिक घडामोडी संबंधित बातम्या- संयुक्त राष्ट्रात PAK च्या ४० वर्षाच्या राजवटीचा पर्दाफाश; पाकिस्तानच्या प्रत्येक कुरापतींना भारताचे उत्तर