Tawheed Group : बांगलादेश पेटला! अल्पसंख्याकांवर पुन्हा हल्ले; दुर्गा पूजा ते बाउल रॅली, तौहिदी गटाचा हिंसाचार थांबता थांबेना

बाउल अबुल सरकारच्या सुटकेची मागणी करण्यासाठी आणि देशभरातील धार्मिक स्थळांवर झालेल्या हल्ल्यांचा निषेध करण्यासाठी खुलनामध्ये आयोजित निषेध रॅली आणि मानवी साखळीवर हल्ला करण्यात आला.

• तौहिदी जनता या कट्टरपंथी गटाने बाउल समर्थकांवर आणि धार्मिक स्थळांवर सतत हल्ले चढवून अल्पसंख्याकांमध्ये भीतीचे वातावरण निर्माण केले आहे.
• बाउल नेते अबुल सरकार यांच्या सुटकेसाठी काढलेल्या रॅलीवर हल्ला, तसेच ठाकुरगाव न्यायालय परिसरात उभा राहिलेला गोंधळ परिस्थिती अधिक गंभीर बनवत आहे.
• तौहिदी जनता हे हेफजत-ए-इस्लामचे अंग असून, या गटाचा जमात-ए-इस्लामीशी असलेला संबंध धार्मिक ध्रुवीकरणाला उग्र बनवत आहे. 

Bangladesh minority attacks 2025 : बांगलादेशमध्ये (Bangladesh) धार्मिक अल्पसंख्याकांवर होणाऱ्या सततच्या अत्याचारांनी पुन्हा एकदा गंभीर वळण घेतले आहे. अलीकडील घटनांत कट्टरपंथी तौहिदी जनता या गटाने बाउल समर्थकांना आणि इतर अल्पसंख्याकांना लक्ष्य करत पुन्हा हिंसाचाराची धग वाढवली आहे. देशात आधीच तणावपूर्ण वातावरण असताना हा हिंसाचार अधिकच धोकादायक ठरत आहे. बाउल परंपरा ही बांगलादेशच्या सांस्कृतिक संवेदनशीलतेचा एक महत्त्वाचा भाग मानली जाते; मात्र या परंपरेचे समर्थक असल्याच्या कारणावरून लोकांवर हल्ले करणे, हे देशातील परिस्थिती किती बिकट झाली आहे, याचे प्रतीक आहे.

अलीकडेच बाउल नेते अबुल सरकार यांना धार्मिक भावना दुखावल्याच्या आरोपावरून अटक करण्यात आली होती. या अटकेचा निषेध करण्यासाठी माणिकगंज आणि ठाकुरगाव येथे बाउल समर्थकांनी शांततापूर्ण निषेध रॅली आणि मानवी साखळी आयोजित केली होती. मात्र, या शांततापूर्ण आंदोलनावर तौहिदी जनताच्या सदस्यांनी अचानक हल्ला चढवून परिस्थिती ताणली. हे हल्ले नियोजित पद्धतीने केल्याचे स्थानिकांनी सांगितले असून त्यामुळे अल्पसंख्याक समुदायात भीतीचे वातावरण निर्माण झाले आहे.

जागतिक घडामोडी संबंधित बातम्या वाचण्यासाठी येथे क्लिक करा : CM beaten Video: मुख्यमंत्र्यांना रस्त्याच्या मधोमध केली बेदम मारहाण; पाकिस्तानमधील ‘या’ VIDEOमुळे मोठा राजकीय गोंधळ

ढाका ट्रिब्यूनच्या वृत्तानुसार, ठाकुरगाव न्यायालयाच्या आवारात बाउल समर्थक पोहोचताच तौहिदी गटाच्या सदस्यांनी त्यांना रोखण्याचा प्रयत्न केला आणि त्या ठिकाणी तणाव निर्माण झाला. त्यानंतर तौहिदी जनताचे सदस्य हिंसक पद्धतीने बाउल समर्थकांवर हल्ला करत असल्याचे प्रत्यक्षदर्शींनी सांगितले. अनेक जण किरकोळ जखमी झाले असून, त्यातील काहींनी पोलिसांनाही माहिती दिली आहे की, या गटाच्या नावाखाली गेल्या काही महिन्यांत अनेक हल्ले होत आहेत.

धार्मिक अल्पसंख्याकांवर वारंवार लक्ष्य साधणे हे तौहिदी जनताचे नवे नाही. या गटाने अनेक वेळा दुर्गा पूजा उत्सवात व्यत्यय आणण्याचा प्रयत्न केला आहे, तसेच पोलिसांशीही हिंसक संघर्ष केले आहेत. जानेवारी महिन्यात देशाचे जनक शेख मुजीबुर रहमान यांच्या पुतळ्याची तोडफोड करण्यामागेही याच गटाचा हात असल्याचे समोर आले होते. त्यामुळे या गटाची वाढती दादागिरी ही बांगलादेशच्या सामाजिक संरचनेसाठी गंभीर धोका ठरत आहे.

See more

BREAKING: As suspected earlier, Muslim mobs along with Bangaldeshi Police have started their attack on protesting Hindus in Dhaka. Islamists can be seen armed with swords. Reports of injuries. pic.twitter.com/xUjemVdpse — Treeni (@TheTreeni) November 25, 2024

credit : social media

या सर्व घटनांमध्ये आणखी एक चिंताजनक बाब म्हणजे तौहिदी जनता गटाचे हेफजत-ए-इस्लाम या इस्लामी संघटनेशी असलेले संबंध. या संघटनेने 2021 मध्ये भारताचे पंतप्रधान नरेंद्र मोदी यांच्या बांगलादेश दौऱ्यादरम्यान मोठे आंदोलन छेडले होते. बांगलादेश सरकारने गेल्या वर्षी म्हटले होते की हेफजत-ए-इस्लाम हा प्रत्यक्षात जमात-ए-इस्लामीचा आघाडीदार आहे. जमात-ए-इस्लामी ही पाकिस्तान समर्थक मानली जात असून धार्मिक अल्पसंख्याकांविरुद्ध त्यांची भूमिकाही वादग्रस्त राहिली आहे.

जागतिक घडामोडी संबंधित बातम्या वाचण्यासाठी येथे क्लिक करा : FACT CHECK : अखेर समोर आले किंग खान आणि PM मोदींच्या VIRAL ‘जिहाद’ व्हिडिओमागचे तथ्य; वाचा नक्की काय आहे सत्य?

बांगलादेशच्या अंतरिम सरकारने या हल्ल्यांचा गंभीर दखल घेत माणिकगंज आणि ठाकुरगावमधील गुन्हेगारांना अटक करण्याचे आश्वासन दिले आहे. मात्र, अल्पसंख्याकांना सुरक्षिततेची भावना मिळण्यासाठी केवळ आश्वासन पुरेसे नाही; ठोस आणि दीर्घकालीन उपाययोजना करण्याची आवश्यकता आहे. धार्मिक द्वेषाचे राजकारण वाढत असताना बांगलादेशचे सामाजिक संतुलन धोक्यात येत आहे आणि त्याचा परिणाम देशाच्या सांप्रदायिक सौहार्दावर गंभीरपणे होऊ शकतो.