फोटो सौजन्य सोशल मीडिया
या सगळ्या पार्श्वभूमीवर इराक मध्ये मात्र एका बाजूला आनंद आहे तर दुसऱ्या बाजूला कुर्द लोकांचे टेन्शन वाढले आहे . वंश , जात , धर्म , देश म्हणजे जेवढी विविधता तेवढा संघर्ष असा जगाच्या भांडणाचा आजपर्यंतचा उसूल राहिला आहे . यासगळ्यामुळे जागतिक राजकारण हे खूपच खालच्या थराला गेले आहे . जसे अमेरिकेच्या इराक मध्ये जाण्याने काही लोकं सुखावली तशीच आता अमेरिकेच्या माघारी फिरण्याने काही लोकं ही दुखावली सुद्धा जाणार असल्याचे मिळालेल्या माहितीवरून कळत आहे .
२००३ साली सद्दाम हुसेन वर जैविक शस्त्र असल्याच्या आरोप लावून अमेरिका इराकमध्ये घुसली . इराण आणि अफगाणिस्तान मध्ये डोंगर असल्यामुळे अमेरिकेला ते प्रदेश जिंकता आले नाही . पण इराक मध्ये परिस्थिती उलट आहे . इराक मध्ये मोठे डोंगर नाहीत . सरळ सपाट प्रदेश जास्त असल्याने सद्दामला हरवणे अमेरिकेला शक्य झाले . इराक मधील काही राजकीय लोकं हाताशी धरून अमेरिकेने सत्तांतर घडवून आणले .
सद्दामला फाशी दिली . पण कालांतराने इराक मध्ये इस्लामी विचारधारेची लोकं एकत्र येऊन ( ISIS ) अमेरिकेसोबत संघर्ष करू लागली . त्याचबरोबर अमेरिकेने इराकच्या सरकारचे जे सैन्य होते त्याला प्रशिक्षण द्यायला सुरवात केली . त्यांना शस्त्रे पुरवली . काही राजकीय विश्लेषकांच्या मते सद्दाम हुसेन हा अमेरिकेच्या वर्चस्वाला आव्हान देत होता . त्यांचे नियम मानत न्हवता यामुळे इराक मधील तेलाच्या साठ्यांवर आपले नियंत्रण राहील कि नाही यासाठी त्याचा पाडाव केला गेल्याचे मत आहे .
कुर्द लोकं ही मध्यपूर्वेतील मोठी जनसंख्या असलेला जातीय समुदाय आहे . ते प्रामुख्याने इराक , तुर्की , इराण , आणि सीरिया या चार देशांमध्ये राहतात . त्यांची स्वतंत्र भाषा , संस्कृती आणि राष्ट्रीय ओळख आहे . मात्र त्यांचे स्वतःचे सार्वभौम राष्ट्र नाही . इराक मधील अमेरिकेच्या उपस्थितीने त्यांना इराक पासून खूप मोठा सहारा मिळत होता .
अमेरिका तिथे मात्र कुर्द लोकांचा पाठीराखा होता . अमेरिकेच्या इराक मधून जाण्याने इराकी इस्लामिक गट आणि कुर्द यांच्या संघर्षात कुर्द लोकं कमकुवत होतील अशी शक्यता आहे . त्यामुळे इराक मध्ये एका बाजूला आनंद तर दुसऱ्या बाजूला सन्नाटा पसरला आहे .
World News : आता तरी युद्ध थांबेल का ? इराणचा पुन्हा अमेरिकेला कतार मार्फत शांततेचा प्रस्ताव
इराक मधील सैन्याला पुरेसे प्रशिक्षण आणि कौशल्य शिकवल्यानंतर आता अमेरिकेला इराक मध्ये राहण्याची जास्त गरज वाटत नाही . तसेच मध्य पूर्वेतील म्हणजे खासकरून इराण सोबतचा वाढता संघर्ष हा देखील यामागचे महत्वाचे कारण असल्याचे समजते आहे . तसेच अमेरिकेच्या माघारी फिरण्याचे निश्चितीकरण हे ज्यो बायडन राष्ट्राध्यक्ष असतानाच झाले होते . नंतर ट्रम्प सत्तेत आल्यानंतर त्यांनी तो प्रस्ताव कायम ठेवून त्याला आमलात आणले आहे .
.png "Videos"){kind=small}
