फोटो सौजन्य सोशल मीडिया
तसेच सेकंड चेन आयलँडवर अमेरिकन सैन्य गेल्यास तिथे हल्ला करण्यासाठी लागणाऱ्या मिसाईल्स या चीनकडे जास्त प्रमाणात नाहीत . म्हणजे जेव्हा तैवान आणि किंवा जपान यांच्यामुळे चीन आणि अमेरिका संघर्ष झाल्यास चीनच्या जवळ सैन्य घेऊन लढणे अमेरिकेला अजिबात परवडणारे नाही . अशी शिफारस थिंक टॅंकच्या माध्यमातून करण्यात आलीं आहे .ही चीनची वाढलेली ताकदच अमेरिकेला आता चीनसमोर मागे वळायला भाग पाडत आहे . हे यातून स्पष्ट होत आहे . तैवान आणि जपानच्या संरक्षणाची जबाबदारी अमेरिकेने घेतली आहे .
याचे सुद्धा कागदोपत्री करारनामे आता रद्द करण्याची वेळ झाली आहे . कारण तैवान आणि जपानला वाचवण्यात अमेरिकेच्या जमिनीपर्यंत चीन आणि नॉर्थ कोरियाचे मिसाईल्स येऊ शकतात . ही भीती सुद्धा या रिपोर्ट मध्ये व्यक्त करण्यात आली आहे . यामुळे आता चीन तैवानला आपला भूभाग म्हणून कधीही घोषित करू शकते . तेव्हा मात्र अमेरिका चीनसोबत लढाई करेल हे दृश्य विरळ झाले आहे . म्हणजेच तैवान आणि जपान आता अमेरिका नाही तर देव भरोसे राहणार आहे . असे जागतिक राजकीय जाणकार सांगत आहेत .
या अहवालानुसार जपान , दक्षिण कोरिया आणि फिलिपिन्सच्या आसपासची अमेरिकेची लष्करी उपस्थिती टप्याटप्याने कमी करण्याचा विचार करण्यात आला आहे . त्याऐवजी गुआम , नॉर्दन मारियाना आयलँड्स , पलाऊ , मायक्रोनेशिया आणि मार्शल आयलँड्स यांसारख्या चीनपासून तुलनेने दूर असलेल्या भागांमध्ये अमेरिकेचे सैन्य आणि लष्करी साधने केंद्रित करण्याचा प्रस्ताव आहे .
या रिपोर्ट मध्ये अमेरिकेने आशियातील आपली लष्करी बांधिलकी कमी करून बहुतांश बदल २०३० पर्यंत पूर्ण करावेत आणि उर्वरित बदल २०३५ पर्यंत पूर्ण करावेत अशी शिफारस करण्यात आली आहे . विशेष करून जपानमधील अमेरिकन सैन्याची संख्या मोठ्या प्रमाणात कमी करण्याची कल्पना मांडण्यात आली आहे . त्याचबरोबर मोठ्या प्रमाणातील लष्करी तळांऐवजी अधिक सुरक्षित ठिकाणी हवाई दल , नौदल , पाणबुड्या ,ड्रोन आणि गुप्तचर यंत्रणांची क्षमता ठेवण्याचा प्रस्ताव आहे .
दरम्यान , या प्रस्तावामुळे अमेरिका प्रत्यक्षात आशियातून माघार घेणार असल्याचा सध्या तरी अर्थ होत नाही . ऑगस्ट २०२६ मी,मध्ये अमेरिकेच्या संरक्षण धोरणातील वरिष्ठ अधिकारी एल्ब्रिज कोल्बी यांनी अमेरिका इंडो – पॅसेफिकमधून माघार घेत नसल्याचे स्पष्ट केले आहे .
उलट चीनच्या जवळच्या फर्स्ट आयलंड चेनवरील अमेरिकेचे धोरणात्मक लक्ष कायम असल्याचे त्यांनी सांगितले . त्यामुळे सध्या समोर आलेला रिपोर्ट हा धोरणात्मक चर्चेतील रिपोर्ट आहे . त्यामुळे अमेरिकेने चीनच्या जवळील सैन्य मागे घेण्याचा अंतिम निर्णय घेतल्याचे यातून सिद्ध होत नाही .
पण हा रिपोर्ट एक साधारण रिपोर्ट नसून डोनाल्ड ट्रम्प यांच्या विचार धारेच्या कट्टर समर्थक असलेल्या Dan Caldwell आणि Jennifer Kavanagh यांनी लिहला आहे . त्यामुळे याला हलक्यात ही घेता कामा नये असे अमेरिकेत बऱ्याच जणांचे मत आहे .
.png "Videos"){kind=small}
