China Nail Industry :रोज लाखो नेल सेट्सची निर्मिती; चीनचं डोंगहाई बनलं ग्लोबल हब

China Nail Industry :  चीनमधील डोंगहाई शहर कृत्रिम नखांच्या उत्पादनाचे मोठे केंद्र बनले आहे. येथे दररोज पाच लाखांहून अधिक प्रेस-ऑन नेल सेट्सचे उत्पादन केले जाते. या उद्योगाची वार्षिक विक्री एक अब्ज डॉलर्सपेक्षा जास्त असून, सोशल मीडिया, फॅशन ट्रेंड आणि ऑनलाइन शॉपिंगमुळे प्रेस-ऑन नेल्सची मागणी वाढत आहे.

• घरबसल्या ब्युटी ट्रेंडमुळे प्रेस-ऑन नेल्सची मागणी
• डोंगहाईमध्ये हजारो डिझाइन्सवर काम
• अब्जावधी डॉलरच्या उद्योगाचा जागतिक विस्तार

China Nail Industry :गरिबी पासून सुरवात झालेला चीन आणि आपली म्हणजेच भारताची सगळ्याच पातळ्यांवर स्थिती सारखीच होती . स्वतंत्र झाल्यावर भारताने समाजवाद स्वीकारला आणि चीनने कम्युनिझम नंतर चीनने कामिन्युझम मध्ये बदल करून आपला वेगळा चायनीज कामिनिझम बनवला .

यात चीनने अनेक बदलाव , नियम करत , मजल दरमजल करत जगाच्या बाजारावर आपलं वर्चस्व निर्माण करून वेगळी ओळख निर्माण केली . आजच्या घडीला जगात अशी एकही वस्तू नाही जी चीनमध्ये बनत नाही . यातीलच एक उदाहरण म्हणजे चायनाची नेल इंडस्ट्री . चीनमधील डोंगहाई शहर सध्या कृत्रिम नखांच्या उद्योगामुळे जगभरात चर्चेत आहे. फॅशन आणि ब्युटी इंडस्ट्रीमध्ये प्रेस-ऑन नेल्सची वाढती मागणी लक्षात घेता, या शहराने या व्यवसायात मोठी आघाडी घेतली आहे.

डोंगहाईमध्ये दररोज तब्बल पाच लाखांहून अधिक प्रेस-ऑन नेल सेट्सचे उत्पादन केले जाते. विशेष म्हणजे, या उद्योगाची वार्षिक विक्री एक अब्ज डॉलर्सपेक्षा जास्त असल्याचे सांगितले जाते. त्यामुळे छोट्या कारखान्यांपासून मोठ्या उत्पादन केंद्रांपर्यंत पसरलेली ही इंडस्ट्री डोंगहाईच्या अर्थव्यवस्थेचा महत्त्वाचा भाग बनली आहे.

Trump vs Media : गदारोळ सुरु ; ट्रम्प यांच्यावर प्रसार माध्यमांनी घातली बंदी

घरबसल्या ब्युटी ट्रेंडमुळे प्रेस-ऑन नेल्सची मागणी

प्रेस-ऑन नेल्स म्हणजे सहजपणे नखांवर लावता येणारे कृत्रिम नखांचे सेट. ब्युटी पार्लरमध्ये तासन्‌तास वेळ घालवण्याऐवजी घरच्या घरी काही मिनिटांत नखांना आकर्षक लूक देण्यासाठी या उत्पादनाचा वापर केला जातो. वेगवेगळ्या रंगांचे, आकारांचे आणि डिझाइनचे पर्याय उपलब्ध असल्याने तरुणांमध्ये या उत्पादनाची लोकप्रियता वाढली आहे. सोशल मीडिया, फॅशन ट्रेंड आणि ऑनलाइन शॉपिंगमुळेही या बाजाराला मोठी चालना मिळाली आहे.

Trump-Xi Jinping : कोण आहे ही महिला? जिच्या भूकंपशास्त्रज्ञ पतीला चिनी कैदेतून सोडवण्यासाठी ट्रम्प-जिनपिंग करणार वाटाघाटी

डोंगहाईमध्ये हजारो डिझाइन्सवर काम

डोंगहाईमधील उत्पादन केंद्रांमध्ये विविध प्रकारच्या कृत्रिम नखांवर काम केले जाते. साध्या रंगांपासून ग्लिटर, फ्लोरल पॅटर्न, स्टोनवर्क आणि वेगवेगळ्या फॅशन डिझाइन्सपर्यंत अनेक पर्याय तयार केले जातात. ग्राहकांच्या बदलत्या पसंतीनुसार डिझाइनमध्ये सातत्याने बदल केले जातात. मोठ्या प्रमाणावर उत्पादन होत असल्याने वेगवेगळ्या बाजारपेठांसाठी स्वतंत्र डिझाइन्स आणि पॅकेजिंग तयार करण्याची क्षमताही या उद्योगाने विकसित केली आहे.

अब्जावधी डॉलरच्या उद्योगाचा जागतिक विस्तार

डोंगहाईमधील कृत्रिम नखांचा व्यवसाय आता केवळ स्थानिक बाजारापुरता मर्यादित राहिलेला नाही. या शहरातून तयार होणारी उत्पादने विविध आंतरराष्ट्रीय बाजारपेठांमध्ये पोहोचतात. कमी वेळेत वापरता येणारे, विविध डिझाइन्समध्ये उपलब्ध असलेले आणि पारंपरिक नेल आर्टच्या तुलनेत सोयीचे पर्याय म्हणून प्रेस-ऑन नेल्सची मागणी वाढत आहे.

त्यामुळे डोंगहाईने या क्षेत्रात आपली स्वतंत्र ओळख निर्माण केली असून, एक अब्ज डॉलर्सपेक्षा अधिक वार्षिक विक्रीचा आकडा या उद्योगाची आर्थिक ताकद दाखवतो. फॅशन ट्रेंड आणि ई-कॉमर्सचा विस्तार कायम राहिल्यास डोंगहाईचे हे ब्युटी इंडस्ट्रीतील महत्त्व आणखी वाढण्याची शक्यता आहे.