डोनाल्ड ट्रम्प अडचणीत, अमेरिकेच्या इतिहासात पहिल्यांदाच कोणता उमेदवार राष्ट्राध्यक्षपदासाठी अपात्र घोषित; दंगल प्रकरण आलं अंगलट!

माजी राष्ट्राध्यक्ष डोनाल्ड ट्रम्प यांच्या अध्यक्षपदाची निवडणूक लढविण्यावरून संकट निर्माण झाले आहे. 6 जानेवारी 2021 रोजी झालेल्या दंगलीप्रकरणी कोलोरॅडो सर्वोच्च न्यायालयाने त्यांना राष्ट्रपती पदासाठी अपात्र घोषित केले आहे.

वॉशिंग्टन. अमेरिकेचे माजी राष्ट्राध्यक्ष डोनाल्ड ट्रम्प (Donald Trump) यांच्या आगामी राष्ट्राध्यक्षपदाची निवडणूक (presidency election) लढविण्यावरून संकट निर्माण झाले आहे. कोलोरॅडो सर्वोच्च न्यायालयाने त्यांना अध्यक्षपदासाठी अपात्र घोषित केले आहे. ट्रम्प यांना 6 जानेवारी 2021 रोजी झालेल्या दंगली प्रकरणी सुनावण्यात आली आहे.

[read_also content=”केरळमध्ये पुन्हा कोरोनानं डोकं काढलं वर, एका दिवसात 111 नव्या रुग्णांची नोंद, एकाचा मृत्यू! https://www.navarashtra.com/india/111-new-corona-patients-found-in-kerala-nrps-490063.html”]

नेमकं प्रकरण काय

जानेवारी २०२१ मध्ये ट्रम्प यांच्या समर्थकांनी अमेरिकेची राजधानी वॉशिंग्टन डीसीवर हल्ला केला. या प्रकरणात त्यांच्या भूमिकेमुळे कोलोरॅडो सर्वोच्च न्यायालयाने ट्रम्प यांच्या विरोधात निकाल दिला आहे. या निर्णयाला ट्रम्प अमेरिकेच्या सर्वोच्च न्यायालयात आव्हान देऊ शकतात. अमेरिकेच्या इतिहासात राष्ट्राध्यक्षपदाच्या निवडणुकीतील उमेदवाराला न्यायालयाने राष्ट्राध्यक्षपदासाठी अपात्र घोषित करण्याची ही पहिलीच वेळ आहे.

कोलोरॅडो सर्वोच्च न्यायालयाने 4-3 च्या बहुमताने हा निर्णय दिला. कोलोरॅडो सर्वोच्च न्यायालयाच्या निर्णयाविरोधात अमेरिकेच्या सर्वोच्च न्यायालयात अपील करणार असल्याचे ट्रम्प यांनी म्हटले आहे. त्याला न्यायालयात दाद मागण्यासाठी 4 जानेवारी 2024 पर्यंत वेळ मिळाला आहे. यानंतर कोलोरॅडो सर्वोच्च न्यायालयाचा निर्णय लागू होईल.

2020 च्या दंगल उसळली होती

6 जानेवारी 2021 रोजी अमेरिकेच्या राजधानीत दंगल उसळली होती. 2020 च्या निवडणुकीत डोनाल्ड ट्रम्प यांचा पराभव झाला, पण ते मान्य करायला तयार नव्हते. ट्रम्प समर्थक हजारो रस्त्यावर उतरले आणि जो बिडेन यांच्या विजयाचे प्रमाणपत्र उधळून लावण्यासाठी काँग्रेसवर हल्ला केला. यामुळे 2020 च्या निवडणुकीत आपला पराभव पलटवण्याचा कट रचल्याचा आरोप ट्रम्प यांच्यावर होत आहे. त्याच्यावर अमेरिकेला फसवण्याचा कट, साक्षीदारांशी छेडछाड आणि नागरिकांच्या हक्कांविरुद्ध कट रचल्याचा आरोप आहे.

वॉशिंग्टनमधील सिटिझन्स फॉर रिस्पॉन्सिबिलिटी अँड एथिक्स या समूहाने सहाय्य केलेल्या कोलोरॅडोच्या मतदारांच्या गटाने ट्रम्प यांच्या विरोधात न्यायालयात याचिका केली. अध्यक्षीय सत्तेच्या हस्तांतरणात ट्रम्प यांनी अडथळे आणण्याचा प्रयत्न केल्याचे सांगण्यात आले. त्याच्या समर्थकांना कॅपिटलवर हल्ला करण्यास प्रवृत्त करण्याचा अयशस्वी प्रयत्न केल्याबद्दल त्याला अपात्र ठरवले पाहिजे.