Congo Massacre : काँगोमध्ये माणुसकी हरपली! ISIS संबंधित बंडखोरांचा 56 जणांना मृत्यूचा फास; गावच्या गाव राख

Congo News: आयसिसशी संबंधित एडीएफ बंडखोरांनी पूर्व काँगोमधील बाफवाकोआ गावात नरसंहार घडवून आणला, ज्यात ५६ जण ठार झाल्याची भीती आहे. त्यांनी घरे जाळून टाकली आणि अनेकांना ओलीस ठेवले.

• काँगोमध्ये रक्ताचा सडा
• घरे पेटवली अन् नागरिकांना ओलीस ठेवले
• बंडखोर गटांचा हैदोस

Eastern Congo ISIS attack 2026 : डेमोक्रॅटिक रिपब्लिक ऑफ काँगो (DRC) मधून एक अत्यंत अस्वस्थ करणारी बातमी समोर आली आहे. बुधवारी रात्री पूर्व काँगोमधील बाफवाकोआ या शांत गावावर ‘अलाईड डेमोक्रॅटिक फोर्सेस’ (ADF) या दहशतवादी गटाने अचानक हल्ला चढवला. हा गट आंतरराष्ट्रीय दहशतवादी संघटना ‘इस्लामिक स्टेट’शी (ISIS) संबंधित आहे. या भीषण हल्ल्यात सुरुवातीला ४३ जणांचा मृत्यू झाल्याचे सांगण्यात आले होते, मात्र स्थानिक अधिकाऱ्यांच्या मते मृतांचा आकडा आता ५६ वर पोहोचला असून तो अजूनही वाढण्याची शक्यता आहे.

रात्रीच्या अंधारात तांडव: घरांना लावली आग

प्रत्यक्षदर्शी आणि नागरी समाजाचे सदस्य सॅम्युअल बानापिया यांनी दिलेल्या माहितीनुसार, दहशतवाद्यांनी रात्रीच्या वेळी गावात प्रवेश केला आणि एकामागून एक घरांना आगी लावण्यास सुरुवात केली. झोपेत असलेल्या नागरिकांना बाहेर पडण्याची संधीही मिळाली नाही. जे लोक बाहेर आले, त्यांना गोळ्या घालून किंवा ओलीस ठेवून दहशतवाद्यांनी आपली क्रूरता सिद्ध केली. लष्कराचे प्रवक्ते लेफ्टनंट ज्युल्स न्गोंगो यांनी सांगितले की, हे बंडखोर मुद्दाम अशा भागांना लक्ष्य करतात जिथे लष्कराची उपस्थिती कमी आहे. लष्कराशी समोरासमोर लढण्याची ताकद नसल्याने ते निष्पाप नागरिकांचा बळी घेत आहेत.

जागतिक घडामोडी संबंधित बातम्या वाचण्यासाठी येथे क्लिक करा : Tariff Bomb : ‘आमच्याकडे कारखाने उभारा, नाहीतर 100% टॅरिफ भरा’ डोनाल्ड ट्रम्पनी पुन्हा जगाला दाखवला कराचा माज

काँगो दहशतवादाच्या विळख्यात: कोण आहे हा ‘एडीएफ’ गट?

‘अलाईड डेमोक्रॅटिक फोर्सेस’ (ADF) हा मूळचा युगांडातील बंडखोर गट आहे, जो आता पूर्व काँगोमध्ये स्थिरावला आहे. या गटाने गेल्या काही वर्षांत हजारो नागरिकांची हत्या केली आहे. विशेषतः युगांडाच्या सीमेजवळ त्यांचे हल्ले अत्यंत तीव्र झाले आहेत. गेल्या वर्षी याच गटाने शेजारच्या प्रदेशात ६६ लोकांची निर्घृण हत्या केली होती. काँगोचे लष्कर आणि संयुक्त राष्ट्रांचे शांतता रक्षक दल (UN Peacekeeping) या बंडखोरांना रोखण्यासाठी प्रयत्न करत आहेत, परंतु घनदाट जंगले आणि भौगोलिक परिस्थितीचा फायदा या दहशतवाद्यांना मिळत आहे.

See more

The Allied Democratic Forces trace back to the late 1990s in neighboring Uganda and are reported to have pledged allegiance to Islamic State in 2019; their footprint in eastern Congo has expanded over years. https://t.co/NMJI4wljxh — james jackson (@jackgoesvirtual) April 3, 2026

credit – social media and Twitter

‘M23’ चा वाढता धोका आणि राजकीय संघर्ष

काँगोमध्ये केवळ एडीएफच नाही, तर ‘M23’ (मार्च २३ चळवळ) हा गटही मोठी डोकेदुखी ठरत आहे. २३ मार्च २००९ रोजी काँगो सरकारसोबत झालेल्या शांतता कराराच्या अटी न पाळल्या गेल्याचा आरोप करत हा गट तयार झाला. यामध्ये प्रामुख्याने माजी सैनिकांचा समावेश आहे. नॉर्ड किवू आणि टांगा प्रदेशात या गटाचा मोठा प्रभाव आहे. रवांडा या शेजारील देशाचा एम२३ ला पाठिंबा असल्याचा आरोप काँगो सरकार वारंवार करत असते. प्रादेशिक नियंत्रण मिळवणे आणि तिथल्या मौल्यवान खनिजांवर कब्जा करणे, हे या गटांचे मुख्य उद्दिष्ट आहे.

जागतिक घडामोडी संबंधित बातम्या वाचण्यासाठी येथे क्लिक करा : Middle East War: अयातुल्लांनंतर आता फथ’अलीझादेह; अमेरिका-इस्रायलच्या एका प्रहाराने इराणचे ‘फतेहीन’ युनिट अनाथ

 शांतता प्रक्रियेला मोठा धक्का

या ताज्या नरसंहारामुळे काँगोमधील शांतता प्रक्रियेला मोठा खीळ बसली आहे. बाफवाकोआ गावातील अनेक लोक अजूनही बेपत्ता आहेत, तर अनेकजण जीव वाचवण्यासाठी जंगलात पळून गेले आहेत. ओलीस ठेवलेल्या दोन नागरिकांची सुटका करण्याचे मोठे आव्हान लष्करासमोर आहे. आंतरराष्ट्रीय समुदायाने याकडे लक्ष न दिल्यास, पूर्व काँगोमधील ही परिस्थिती संपूर्ण मध्य आफ्रिकेच्या स्थिरतेला धोका निर्माण करू शकते.