Donald Trump यांची पुन्हा तीच तुतारी; भारत-पाकिस्तान तणावात ‘तारणहार’ असल्याचा पुनरुच्चार

Donald Trump : ट्रम्प यांनी पुन्हा एकदा जागतिक राजकारणात खळबळ उडवून दिली आहे. त्यांनी एका पत्रकार परिषदेत इराण युद्धाच्या पार्श्वभूमीवर भारत-पाकिस्तान संघर्ष थांबवल्याचा दावा केला आहे.

• मी भारत पाकिस्तान युद्ध थांबवले – ट्रम्प
• नोबेल शांतता पुरस्कार न मिळाल्याने खंत व्यक्त
• मित्र राष्ट्रांवर संताप

Donald Trump on India-Pakistan War : वॉशिंग्टन : मध्यपूर्वेतील इराण युद्धाच्या पार्श्वभूमीवर बोलताना अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी भारत-पाकिस्तान संघर्षाचा उल्लेख केला. त्यांनी सोमवारी (०६ एप्रिल २०२६) व्हाइट हाउसमध्ये एका पत्रकार परिषदेत बोलताना त्यांनी ५० कोटी लोकांचे प्राण वाचवले असल्याचा दावा केला.  ट्रम्प यांच्या मते, भारत पाकिस्तानमधील युद्ध त्यांच्यामुळेच थांबले आहे.  यामुळे त्यांना नोबेल पुरस्कार मिळाला पाहिजे, पण तो न मिळाल्याने त्यांनी खंत व्यक्त केली आहे. ट्रम्प यांच्या या विधानामुळे जगभरात खळबळ उडाली आहे.

मेक्सिकोत ट्रम्पविरोधात नागरिकांचा संताप अनावर; ‘Burning of Judas’ मध्ये प्रतिमा जळून खाक, VIDEO

८ युद्ध थांबवल्याचा ट्रम्प यांचा दावा

ट्रम्प यांनी इराणशी युद्धावर भाष्य करताना म्हटले की, मी आतापर्यंत भारत-पाकिस्तान सह एकूण आठ युद्ध थांबलली आहगे. पाकिस्तानच्या पंतप्रधानांनी स्वत: माझ्या हस्तक्षेपामुळे युद्ध थांबल्याचा दावा केला आहे. त्यांच्यामुळेच ३० ते ५० दशलक्ष लोकांचे प्राण वाचले असे ट्रम्प यांनी दोनवेळा पत्रकार परिषदेत म्हटले.

काय आहे सत्य ?

ट्रम्प यांनी आतपर्यंत २० हून अधिक वेळा भारत पाकिस्तान संघर्ष (India-Pakistan Conflict) थांबवल्याचा दावा केला आहे. गेल्या वर्षी मे २०२५ मध्ये भारत आणि पाकिस्तानमध्ये तीव्र संघर्ष झाला होता. पाकिस्तानच्या पहलगाम दहशतवादी हल्ल्याला प्रत्युत्तर म्हणून भारताने ऑपरेशन सिंदूर (Operation Sindoor) मोहिम राबली होती. यावेळी पाकिस्तानने देखील भारतावर हल्ले केले होते. जवळपास चार दिवस तीव्र संघर्ष सुरु होता.

यावेळी ट्रम्प यांनी सोशल मीडियावरुन मध्यस्थीचा दावा करत दोन्ही देशांमध्ये युद्धबंदीची घोषणा केली होती. परंतु भारताने हा द्विपक्षीय मुद्दा असून यामध्ये तिसऱ्या पक्षाचा सहभाग नव्हता असे वारंवार स्पष्ट केले आहे. मात्र ट्रम्प पुन्हा तोच तोच राग आलापत आहेत.

आणखी एक युद्ध संपवायचे आहे – ट्रम्प

शेवटी ट्रम्प यांनी आणखी एक युद्ध संपवायचे असल्याचा दावा केला. परंतु इराण, रशिया-युक्रेन किंवा इतर कोणत्याही संघर्षाचा उल्लेख त्यांनी केला नाही. तर दुसरीकडे इराणला पुन्हा एकदा होर्मुझ खुला करण्याचा इशारा ट्रम्प यांनी दिला आहे.

ट्रम्प यांचा इराणला इशारा

ट्रम्प यांनी इराणला अमेरिकेच्या अटी मान्य करुन शांतता करार करण्याचा आणि होर्मुझ खुला करण्याचा इशारा दिला आहे. असे न केल्यास त्यांच्या पायाभूत सुविधा आणि वीज प्रकल्पांवर हल्ले केले जातील असे म्हटले आहे. तसेच इराणच्या विनाशासाठी एकच रात्र पुरेशी असल्याचे म्हटले.

US Iran War : इराणचे अस्तित्व धोक्यात? ट्रम्प यांचा एका रात्रीत विनाशाचा इशारा; होर्मुझबाबतही मोठे विधान