US Iran युद्धात Donal Trump यांनी टाकला ‘शांततेचा बाॅम्ब’! आता तरी ऊर्जा संकटातून दिलासा मिळणार का?

अमेरिकेचे राष्ट्राध्यक्ष डोनाल्ड ट्रम्प यांनी इराणवरील हल्ले 5 दिवसांसाठी स्थगित केले आहेत. इराणशी सुरू असलेल्या चर्चेतून सकारात्मक तोडगा निघण्याचे संकेत ट्रम्प यांनी दिले आहे.

• Iran युद्धात Donal Trump यांची मोठी घोषणा!
• हल्ले थांबवण्याचे दिले आदेश
• जागतिक ऊर्जा संकटातून दिलासा मिळणार?

Donald Trump major statement on Iran war: मध्यपूर्वेतील (Middle East) पेटलेला वणवा विझवण्यासाठी अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी एक महत्त्वपूर्ण पाऊल उचलले आहे. गेल्या 24 दिवसांपासून सुरू असलेल्या भीषण युद्धानंतर, ट्रम्प यांनी इराणवरील सर्व लष्करी हल्ले पुढील 5 दिवसांसाठी स्थगित करण्याचे आदेश दिले आहेत. या काळात उभय देशांमध्ये शांतता प्रस्थापित करण्यासाठी उच्चस्तरीय चर्चा केली जाणार असून, या चर्चेच्या निष्कर्षावर पुढील रणनीती अवलंबून असेल.

‘ट्रुथ सोशल’वरून दिली माहिती: शांततेसाठी सकारात्मक पाऊल

डोनाल्ड ट्रम्प यांनी आपल्या ‘ट्रुथ सोशल’ (Truth Social) या सोशल मीडिया प्लॅटफॉर्मवर पोस्ट करत या निर्णयाची माहिती दिली. ते म्हणाले, “गेल्या दोन दिवसांत अमेरिका आणि इराण यांच्यात अत्यंत उत्पादक आणि सकारात्मक चर्चा झाली आहे. मध्यपूर्वेतील शत्रुत्व कायमचे संपवण्यासाठी आम्ही एक सर्वसमावेशक तोडगा शोधत आहोत. या संवादाचा सकारात्मक कल पाहता, मी युद्ध विभागाला इराणचे पॉवर प्लॅन्ट्स आणि ऊर्जा पायाभूत सुविधांवर होणारे सर्व लष्करी हल्ले 5 दिवसांसाठी थांबवण्याचे निर्देश दिले आहेत.” ही चर्चा संपूर्ण आठवडाभर सुरू राहणार असून, इराणसोबतच्या बैठकीतील यश लक्षात घेऊन हा ‘युद्धविराम’ पुढे वाढवायचा की नाही, याचा निर्णय घेतला जाईल.

See more

US President Donald Trump posts on Truth Social, “…I have instructed the Department of War to postpone any and all military strikes against Iranian power plants and energy infrastructure for a five day period, subject to the success of the ongoing meetings and discussions” pic.twitter.com/N3Bavc4ylv — ANI (@ANI) March 23, 2026

US Iran War : इराण झुकला की नडला? युद्धबंदीसाठी आता ६ अटींची गुगली, आता काय करणार ट्रम्प?

24 दिवसांचा संघर्ष आणि जागतिक ऊर्जा संकट

28 फेब्रुवारी 2026 रोजी अमेरिका आणि इस्रायलने इराणची राजधानी तेहरानवर मोठा हल्ला केला होता. या हल्ल्यात इराणचे सर्वोच्च नेते सैय्यद अयातुल्ला अली खामेनेई यांच्यासह अनेक वरिष्ठ लष्करी अधिकारी मारले गेले होते. या घटनेनंतर इराणने इस्रायल आणि अमेरिकेच्या लष्करी तळांवर प्रतिहल्ले सुरू केले. २४ दिवसांच्या या युद्धात इराणने मध्यपूर्वेतील ऊर्जा केंद्रांना लक्ष्य केल्यामुळे संपूर्ण जगात गंभीर ऊर्जा संकट निर्माण झाले होते. कच्च्या तेलाच्या आणि गॅसच्या किमती गगनाला भिडल्याने जागतिक अर्थव्यवस्थेवर मोठा ताण आला होता.

संवादातून तोडगा काढण्याचे ट्रम्प यांचे संकेत

डोनाल्ड ट्रम्प यांनी असा दावा केला आहे की, इराणच्या प्रतिनिधींशी झालेल्या प्राथमिक चर्चेतून चांगले संकेत मिळाले आहेत. अमेरिकेचा मुख्य उद्देश आता लष्करी कारवाईऐवजी वाटाघाटीद्वारे तणाव कमी करणे हा आहे. “पुढील सात दिवस इराणसोबत संवाद सुरू राहील. जर ही चर्चा यशस्वी झाली, तर मध्यपूर्वेतील युद्धाची तीव्रता कमी होऊन जगाला महागाई आणि ऊर्जा टंचाईतून दिलासा मिळू शकतो,” असे ट्रम्प यांनी सूचित केले आहे.

White House: अमेरिकेत शटडाउनने उडाली धांदल; ट्रम्प म्हटले, ‘इराणची डोकेदुखी संपल्यावर, देशातील ‘या’ शत्रूला ठेचणार’