डोनाल्ड ट्रम्प यांनी मध्यरात्रीच का फोडला टॅरिफ बॉम्ब? अमेरिकेला होणार अब्जावधी डॉलर्सचा फायदा?

अमेरिकेच्या अर्थव्यवस्थेवर होणार परिणाम?

ट्रम्प यांनी मध्य रात्री टॅरिफचा बॉम्ब भारतावर फोडला खरं पण, यामुळे खरंच अमेरिका फायदा होईल का? खरंच अमेरिकेमध्ये अब्जावधी पैसे येतील? तर काही अमेरिकन तज्ज्ञांच्या मते, अमेरिकेमध्ये अब्जो डॉलर्स येतील परंतु याचा परिणाम देशातील व्यावसायांवर होण्याची शक्यता आहे. ट्रम्प यांनी भारत, ब्राझीलसह अनेक देशांवर प्रचंड शुल्क लागू केले आहे. पण यामुळे अमेरिकेच्या नागरिकांना आणि व्यावसायिकांना याची किंमत मोजावी लागणार आहे.

वॉशिंग्टन पोस्टच्या अहवालानुसार, अमेरिकाच्या मते यामुळे अब्ज डॉलर्सची बचत होईल. पण तज्ज्ञांच्या मते, यामुळे देशात महागाई वाढण्याची शक्यता आहे. सध्या बेरोजगारीचे प्रमाणात वाढतच आहे आत यामध्ये महागाईची देखील भर पडण्याची शक्यता आहे. यामुळे ही गोष्ट कुऱ्हाडीवर पाय ठेवण्यासारखी आहे. काही अर्थशास्त्रज्ञांच्या मते, याचा अमेरिकेच्या अर्थव्यवस्थेवर परिणाम होण्याची शक्यता आहे.

या देशांवर लादला कर

ट्रम्प यांनी भारत आणि ब्राझील वर ५०%, लाओस आणि म्यानमारवर ४०% , तर स्वित्झर्लंड वर ३९%, इराक आणि सर्बिया वर ३५% कर लादला आहे. व्हिएतनाम, तैवान, बांगलादेश आणि आणि श्रीलंकेवर ट्रम्प यांनी २०% शुल्क लागू केले आहे, तर दक्षिण कोरिया, युरोपिय युनियन, आणि जपानवर १५% कर, तर सर्वात कमी चीनवर १०% कर लागू केला आहे. कॅनडावर ३५% लादला आहे. तसेच सेमीकंडक्टर कंपन्यांवर १००% कर ट्रम्प यांनी लादला आहे.

भारताने व्हावे सावध! जनरल असीम मुनीर पुन्हा ट्रम्पच्या भेटीला; अमेरिका-पाकिस्तानमध्ये नेमकं काय शिजतंय?

संबंधित बातम्या