Starlink India: ‘प्रिय पंतप्रधान अंबानी…’; इलॉन मस्क यांनी Mukesh Ambaniना पुन्हा डिवचले; केंद्र सरकारनेही दिले चोख प्रत्युत्तर

Starlink India : एलॉन मस्कने मुकेश अंबानींच्या उपग्रह धोरणांवर टीका केली असून, स्टारलिंकला परवाना न मिळण्याच्या अपयशासाठी त्यांना जबाबदार धरले आहे. वाचा यायबत सविस्तर अपडेट.

• इलॉन मस्क यांचा टोला
• मक्तेदारी आणि भेदभावाचे आरोप
• सरकारची स्पष्ट भूमिका

जगातील सर्वात श्रीमंत उद्योजक आणि स्पेसएक्स (SpaceX) चे प्रमुख इलॉन मस्क यांनी भारतातील सॅटेलाइट इंटरनेट सेवा ‘स्टारलिंक’ (Starlink India) च्या परवान्याला होणाऱ्या विलंबावरून अब्जाधीश मुकेश अंबानी यांच्यावर अत्यंत जहाल शब्दांत निशाणा साधला आहे. सोशल मीडिया प्लॅटफॉर्म ‘एक्स’ (X) वर पोस्ट करत मस्क यांनी रिलायन्स इंडस्ट्रीजचे प्रमुख मुकेश अंबानी यांच्यावर उपहासात्मक टीका केली. त्यांनी अंबानींचा उल्लेख ‘पंतप्रधान अंबानी’ असा करत, आपल्या दूरसंचार साम्राज्याचे (Telecom Empire) रक्षण करण्यासाठी स्टारलिंकला भारतात येण्यापासून रोखल्याचा थेट आरोप केला आहे.

सॅटेलाइट इंटरनेट परवान्यावरून जागतिक पातळीवर मोठा वाद

मस्क यांनी आपल्या पोस्टमध्ये अत्यंत खोचक भाषेत लिहिले, “प्रिय पंतप्रधान अंबानी, तुम्हीच भारताचे खरे बॉस आहात हे न ओळखल्याबद्दल माझी विनम्र माफी स्वीकार करा.” मस्क यांच्या या वक्तव्यामुळे जागतिक उद्योग जगतात आणि भारतातील दूरसंचार क्षेत्रात मोठी खळबळ उडाली आहे. भारतात प्रत्यक्ष निर्णय कोण घेते, हे आपल्याला आधी समजले नाही अशा उपहासात्मक स्वरात त्यांनी रिलायन्स आणि भारत सरकारच्या धोरणांवर सवाल उपस्थित केले आहेत.

मक्तेदारी जपण्याचा प्रयत्न की निकोप स्पर्धा?

इलॉन मस्क यांनी आरोप केला आहे की भारतातील काही अतिशय शक्तिशाली उद्योगपतींना देशांतर्गत दूरसंचार आणि इंटरनेट बाजारावर आपली पूर्ण पकड कायम ठेवायची आहे. त्यांना कोणत्याही नवीन जागतिक स्पर्धकाला भारतीय बाजारात उतरू द्यायचे नाही. मस्क पुढे म्हणाले, “अर्थातच, त्यांना भारतातील महान आणि सामान्य जनतेचे मक्तेदारीयुक्त शोषण सुरू ठेवणे आवडेल; पण तरीही तुम्ही स्टारलिंकला भारतात स्पर्धा करण्याची परवानगी देण्याचा विचार कराल का?”

जागतिक घडामोडी संबंधित बातम्या वाचण्यासाठी येथे क्लिक करा : Russia-Iran: ‘इराणची चूक नसतानाही…’, तुर्कमेनिस्तानमध्ये पुतिन-पेझेश्कियन यांची भेट; मध्य-पूर्वेतील युद्धावर रशियाची मोठी घोषणा

मस्क यांचा मुख्य युक्तिवाद असा आहे की स्टारलिंकची उपग्रह आधारित इंटरनेट सेवा जगातील १६५ हून अधिक देशांमध्ये यशस्वीपणे कार्यरत आहे. असे असतानाही, भारतातील सर्व नियम, कायदे आणि अटींचे पालन करण्यासाठी त्यांच्या कंपनीला ५ वर्षांहून अधिक काळ का लागत आहे? मस्क यांच्या मते, स्टारलिंक भारतभरातील अशा दुर्गम, डोंगराळ आणि ग्रामीण भागात हाय-स्पीड इंटरनेट पोहोचवू शकते जिथे पारंपारिक केबल किंवा मोबाईल टॉवर नेटवर्क पोहोचणे कठीण आहे. यामुळे ग्रामीण भागातील शिक्षण, आरोग्य आणि रोजगाराच्या संधींमध्ये मोठी क्रांती घडून येऊ शकते.

Dear Prime Minister Ambani, Please accept my humble apologies for not realizing that you are the real boss of India. Naturally, you would prefer to maintain your monopolistic exploitation of the great people of India, but would you nonetheless consider allowing Starlink to compete? There are many areas of India, as there are in all countries, with no Internet access, which denies children the opportunity for education and for small businesses the opportunity to sell their goods to a global market. Starlink would change their lives for the better. Thank you 🙏 — Elon Musk (@elonmusk) October 9, 2026

credit – social media and Twitter