Elon Musk America Party : नवा पक्ष, नवा वाद! अमेरिकन राजकारणात ‘एलोन मस्क विरुद्ध डोनाल्ड ट्रम्प’ महासंग्राम

ते पुढे म्हणाले, “रिपब्लिकन पार्टी ही देशाच्या इतिहासातील सर्वात कार्यक्षम आणि यशस्वी राजकीय संघटना आहे. आम्ही ‘बिग ब्युटीफुल बिल’ सारखे विधेयक मंजूर केले, ज्यामुळे एलोन मस्कच्या इलेक्ट्रिक व्हेईकल (EV) अनिवार्य धोरणाला आळा बसला. मस्क यांना हे आधीच माहीत होते, पण त्यांनी तरीही धोरणाचे समर्थन केले, हे अत्यंत दुटप्पी आहे.”

जागतिक घडामोडी संबंधित बातम्या वाचण्यासाठी येथे क्लिक करा : World Forgiveness Day 2025 : जागतिक क्षमा दिन कधी साजरा केला जातो? जाणून घ्या त्याचा इतिहास आणि महत्त्व

नासा वाद, एपस्टाईन प्रकरण, आणि सरकारी करारांचा इशारा

ट्रम्प यांनी मस्कवर आणखी गंभीर आरोप करत सांगितले की, “मस्कने नासामध्ये आपल्या एका जवळच्या मित्राची नियुक्ती करण्याचा प्रयत्न केला होता, जो रिपब्लिकन विचारधारेशी संबंधित नव्हता. ही बाब केवळ गैरवर्तन नव्हती, तर हितसंबंधांचा मोठा संघर्ष होता, विशेषतः जेव्हा मस्कच्या स्पेसएक्ससह इतर कंपन्यांचे नासासोबत कोट्यवधी डॉलरचे करार सुरु होते.” ट्रम्प यांनी मस्कच्या भूतकाळातील विवादग्रस्त संबंधांवरही लक्ष वेधले, विशेषतः जेफ्री एपस्टाईनशी संबंधित हटवलेली पोस्ट पुन्हा चर्चेत आणली. “जर मस्कने राजकीयदृष्ट्या संघर्ष निर्माण केला, तर आम्ही त्यांच्या कंपन्यांचे सर्व सरकारी करार तपासू,” असा थेट इशाराच त्यांनी दिला.

‘बिग ब्युटीफुल बिल’नंतर दोघांमध्ये वितुष्ट

एलोन मस्क आणि डोनाल्ड ट्रम्प यांच्यातील नातेसंबंध काही महिन्यांपूर्वीपर्यंत सौहार्दपूर्ण होते. 2024 च्या अध्यक्षीय निवडणुकीत मस्क यांनी ट्रम्प यांना सर्वाधिक आर्थिक मदत केली होती, आणि ट्रम्प विजयानंतर मस्क यांची DOGE (Department of Government Efficiency) या नव्या विभागाच्या प्रमुखपदी नेमणूक केली होती. मात्र, अमेरिकन काँग्रेसमध्ये मंजूर झालेल्या ‘वन बिग ब्युटीफुल बिल’ नंतर मस्क यांनी ट्रम्प यांच्यावर टीका सुरू केली. त्याचवेळी त्यांनी ‘अमेरिका पार्टी’ स्थापन करून राजकीय स्वतंत्रतेची घोषणा केली, जी ट्रम्प यांच्या दृष्टिकोनातून विश्वासघात वाटत आहे.

जागतिक घडामोडी संबंधित बातम्या वाचण्यासाठी येथे क्लिक करा : दलाई लामांच्या 90 व्या वाढदिवसाचे औचित्य; अमेरिकेने पाठवला ‘असा’ संदेश की ऐकून चीन नाराज

 अमेरिका राजकारणात तृतीय शक्तीचा उदय?

एलोन मस्क यांच्या नवीन पक्षाची घोषणा आणि डोनाल्ड ट्रम्प यांची तीव्र प्रतिक्रिया यामुळे अमेरिकेच्या राजकीय व्यासपीठावर तृतीय शक्तीचा प्रभाव दिसू लागला आहे. जिथे एकीकडे ट्रम्प रिपब्लिकन पक्षाच्या माध्यमातून देशाला पुन्हा नियंत्रित करण्याच्या तयारीत आहेत, तिथे मस्क नव्या विचारांची आणि धोरणांची मांडणी करत आहेत. आगामी काळात, ही टक्कर ट्रम्प विरुद्ध मस्क अशी नवे स्वरूप धारण करू शकते, आणि 2028 च्या निवडणुकीत या संघर्षाचा निर्णायक प्रभाव पडू शकतो.

संबंधित बातम्या